VOV.Xơ Đăng - Ia Ly cho kơpong tơnêi ai hên hnoăng cheăng kăch măng dêi kong pơlê Gia Lai. Tung mâu hơnăm tơplâ nah, kuăn pơlê tíu kố môi ihiâm mơno gâk ngăn, kring vế pơlê pơlê pơla, gum ivá, tơmeăm khoăng xông tơplâ xâ. Hâi kố, khôi túa lĕm tro mê dế châ pơtối rak vế ƀă pêi pro tiô mâu troăng ki nếo tung mơnhông cheăng kâ, rêh ối tiô khôi túa lĕm tro ƀă mơjiâng pơlê xiâm.

VOV.Xơ Đăng - Tiô rơkong krếo thế dêi pôa Cho Jeong Sik, Kăn xiâm hnê ngăn Kuô̆k hô̆i prế kơdrâi pôa, pôa Trần Thanh Mẫn, Kăn xiâm hnê ngăn Kuô̆k hô̆i prếi kơdrâi pôa pôu păng ‘nâng Hàn Quốc sap ing hâi lơ 6 troh lơ 9/9/2026.

VOV.Xơ Đăng - Kơxo lơ 7/9, a Hà Nội, Đảng ủi mâu kơ koan Đảng Tíu xiâm tơnêi têa tơkŭm po Hôp tơno tơdroăng kal Khu hnê mơhno Đảng ủi khế 8.

VOV.Xơ Đăng - Klêi kơ’nâi tơmot chiâng môi, kong pơlê Lâm Đồng nếo ai ƀăng tơnêi kong kân má môi lâp tơnêi têa, châ lối 1 rơtuh 100 rơpâu ha. A hên pơlê cheăm, mâu vâi krâ pơlê, ngế ki châ kuăn pơlê loi tơngah kơpong hdrông kuăn ngo ai hnoăng ki kân má môi tung kring vế, gak ngăn ƀă mơnhông pêt rak ngăn kong. Vâi cho “tuăn mâ” dêi khu gak ngăn kong ki rơkê, xuân cho mâu ngế rak kong achê a mâu kơpong hiăng châ pơcháu rak ngăn.

VOV.Xơ Đăng - Rơtế ƀă hok tro tung lâp tơnêi têa, lối rơpâu ngế a mâu kong pơlê hngế hngo dêi Tơnêi têa hiăng mot tung hơnăm hriâm nếo. Sap ing mâu cheăm tơkăng kong Tây Nguyên troh mâu hngêi trung hriâm a chuăn Trường Sa, idrâp hơkâ chuât pơxiâm ăm hơnăm hriâm nếo hiăng châ tôu, pơxiâm ăm môi hơnăm hriâm ƀă hên tơdroăng tơngah.

VOV.Xơ Đăng - Tỉnh ủi Dak Lak nếo tơkŭm po Hôp tơno tơdroăng kal trâm mâ kăn ƀô̆ ki châ rah pêi cheăng tung Khu pơkuâ, Khu hnê mơhno Tỉnh ủi ƀă mâu kăn pơkuâ ki xiâm dêi kong pơlê, hneăng hơnăm 2025 – 2030, 2026 – 2031.

VOV.Xơ Đăng - Tiô rơkong krếo thế dêi pôa Vladimir Putin, Kăn xiâm pơkuâ kong têa Rusi, hâi 7/9, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kơdrâi pôa rơtế Khu râ kăn teăng mâ râ xiâm Việt Nam lo ing Hà Nội prôk troăng lăm pôu râ Tơnêi têa troh kong têa Rusi.

VOV.Xơ Đăng - Hâi lơ 6/9, tơbleăng a rôh Hôp tơrŭm cheăng pơla kong pơlê Việt Nam - Nhuk  hơnăm 2026 châ tơkŭm po a Huế, pôa Lê Minh Hưng, Ngế pro xiâm hnê ngăn tơnêi têa tối nhên, Việt Nam - Nhuk cho kong têa dế pêi cheăng tâk hên ƀă pơkuâ dêi troăng hơlâ pêi cheăng.

VOV.Xơ Đăng - Ing tơdroăng tơmâng khât dêi mâu kăn Đảng, Tơnêi têa ƀă tơdroăng hnê hriâm a kơpong xơpá châ mơhno nhên tung hâi mot hơnăm hriâm nếo hơnăm 2026-2027, drêng kăn xiâm hnê ngăn troh veăng leh, mơhnhôk mâu thái cô ƀă hok tro a mâu kơpong tơkăng kong, kong ngo,  chuăn rơlố kơdo mơ-eăm.

VOV.Xơ Đăng - Hơnăm hriâm kố, kong pơlê Lâm Đồng ai lối 830.000 ngế hok tro, tung mê lối 182.000 ngế hok tro hdroâng kuăn ngo. A kơpong hơngế hơngo, kơpong hdroâng kuăn ngo, tơdroăng ki hbrâ mot hơnăm hriâm nếo rơtế ƀă mâu hngêi trung châ 'no liăn mơjiâng pro lĕm, tơdroăng ki kơhnâ dêi thái cô, cho tơdroăng ki hơ'lêh nhên tung tơdroăng ki hlê plĕng dêi mâu rơpŏng hngêi. Tâi tâng dế pro chiâng môi tơdroăng ki nếo, vâ hok tro kơpong pá puât loi tơngah khên tơnôu mot hơnăm hriâm nếo ƀă hên rôh tơ'lêi hriâm tâp, mơnhông ƀă kơdo mơ-eăm.