VOV.Xơ Đăng - Pơtối tơdroăng Hneăng hôp má 2, Kuô̆k hô̆i hneăng má 16, tơpui tơno a hngêi hôp kân ‘na mơ-éa chêh hdrối Khu Luât xôi kân (‘mâi rơnêu), hên kăn teăng mâ pơkâ thế mơnhên inhên kơlo pơklêi lôi ƀă mơngế ki pro xôi thăm vâ chêl thiê̆n; tơdrêng amê tơmiât inhên tơdroăng kơdroh tơdroăng pơxâu phâk kơdê hlâ ƀă mơngế xôi tê mơdró ma tŭi ôh tá tro luât.

VOV.Xơ Đăng - A kong pơlê Gia Lai, Khu xiâm ngăn 'na Chiâk deăng ƀă Hyôh kong prâi nếo tơkŭm po Hneăng hôp tơpui tơno "Thăm mơnhông pêi chiâk deăng xúa kơmăi kơmok chal nếo ƀă pơkeăng loăng pơlái kong kế kơpong Tây Nguyên". Hneăng hôp hiăng mơnhên, mơdêk pêt pơkeăng pá kơdâm kong kô po rôh tơ'lêi tăng cheăng pêi, mơdêk pêi lo liăn ƀă mơhnhôk pơlê pơla veăng rak ngăn kong.

VOV.Xơ Đăng - ‘No liăn pro tơmeăm khoăng thế rơtế ƀă mơnhông cheăng kâ, rak tơdroăng cheăng ki lâi kal pêi ahdrối tơtro ƀă tơdroăng kal vâ tơrêm cheăm. Kố cho tơdroăng pơkâ thế châ Vi ƀan kuăn pơlê kong pơlê Dak Lak tối nhên a rôh hôp tơbleăng tơdroăng Tơkêa bro mơjâng ƀă mơnhông tâi tâng 20 to cheăm ki kơtiê xơpá ó tung kơpong kuăn ngo ƀă kong ngo pơla hơnăm 2026-2030. H’Xíu H’Mok ngế chêh hlá tơbeăng ai chêh tơdroăng mê.

VOV.Xơ Đăng - Kơxê (26/10), a Hà Nội, pôa Lê Minh Hưng, Ngế pro xiâm hnê ngăn Chin phuh ƀă pôa Donald Tusk, Ngế pro xiâm hnê ngăn kong têa Ba Lan hiăng rơtế pơkuâ po Hneăng hôp Tơpui tơno khu tê mơdró Việt Nam - Ba Lan.

VOV.Xơ Đăng - Ing mâu kông, troăng kân châ mơjiâng ƀă tơdroăng veăng gum dêi kuăn pơlê troh mâu tơmeăm dế pêi pro rĕng tơdroăng mơjiâng pro, hên a Lâm Đồng dế mơnhông ivá môi tuăn vâ kêi đeăng kông, troăng kân. Tơdroăng tơdjuôm ivá dêi kuăn pơlê, rơtế tơdroăng mơ-eăm dêi khu râ kăn pơkuâ ƀă khu ki tơdah xo mơjiâng pro dế gum tah lôi pá puât ‘na tơnêi tơníu, djâ mâu tơmeăm rĕng xúa tung tơdroăng rêh ối, mơdêk pêi pro ƀă mơ’no liăn cheăng tơnêi têa.

VOV.Xơ Đăng - lơ 26/10, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ po Rôh hôp rôh má môi dêi Khu hnê mơhno Tơnêi têa 'na tơpui kâ ƀă kong têa ê ƀă tơrŭm cheăng lâp plâi tơnêi.

VOV.Xơ Đăng - A cheăm tíu tơkăng kong Ia Rvê, Khu pơkuâ ngăn Mố đô̆i gak tơkăng kong dêi kong pơlê Dak Lak pêi cheăng ƀă khu râ ủi, mâu kăn cheăm tơdroăng tơbleăng tơdroăng tơkêa bro pơkâ hdró, mơhno tíu, tơniăn ăm kuăn pơlê lăm ối pro pơlê nếo rơtế ƀă mơnhông cheăng kâ - pơlê pơla, mơdêk cheăng lêng, gâk kring ƀă tơpui kâ a kơpong tíu tơkăng kong tơnêi têa Việt Nam – Kul klêi kơ'nâi  mơhno xoăng tơnêi tíu tơkăng kong, tâp tâp tơneăn hdró.

VOV.Xơ Đăng - Jâ Bùi Thị Kim Chuyên, 68 hơnăm, a thôn Long Hòa, cheăm Tuy An Bắc, kong pơlê Dak Lak nếo tối tơbleăng tơdroăng gum khu lêng ki tăng rôu, tơkŭm 2 to kơxêng kiâ mố đô̆i hlâ tung rôh tơplâ.

VOV.Xơ Đăng -  Pơtối tơdroăng Hneăng hôp má 2, Kuô̆k hô̆i hneăng má 16, kơxo lơ 26/10, Kuô̆k hô̆i tơpui tơno a tôh ‘na mâu tơdroăng tơkêa bro luât tơdjâk troh pơkuâ pháu hnêa, tơmeăm ki pơtôu, hbrâ mơdât chếo, tơpâ on chếo, tŏng gum mơngế hliăng tiâ ƀă rak vế tơmeăm ki kal ‘na gâk kring tơnêi têa.

VOV.Xơ Đăng - Pôa Lê Minh Hưng, Ngế pro xiâm hnê ngăn tơnêi têa prế pôa Donald Tusk, Ngế pro xiâm hnê ngăn kong têa Ba Lan hiăng pơkuâ po rôh hôp tơbleăng tơdjuôm, păng ‘nâng tơbleăng mơdêk tơrŭm cheăng péa tơnêi têa tâk troh tơrŭm cheăng tung la ngiâ.