VOV.Xơ Đăng - Hâi lơ 30/3, a rôh hôp má môi Hô̆i đong kuăn pơlê dêi kong pơlê Gia Lai hneăng 13, pôa Phạm Anh Tuấn hiăng châ mâu kăn pơtối rah xo pro Kăn hnê ngăn Vi ƀan kuăn pơlê dêi kong pơlê hneăng hơnăm 2026-2031.

VOV.Xơ Đăng - Kơxo lơ 30/3, Hô̆i đong kuăn pơlê dêi Pơlê kong kân Hồ Chí Minh má XI, hneăng hơnăm 2026 – 2031 tơkŭm po roh hôp má môi, rah xo tŭm tâi tâng kăn pêi cheăng ki xiâm ƀă rah xo kuăn pơlê pơkuâ ‘na luât tiô pơkâ.

VOV.Xơ Đăng - Tung khu tơdroăng cheăng dêi Măng tĭng pơxiâm po Hơnăm ôm hyô tơnêi têa 2026, kong pơlê Gia Lai hiăng tơkŭm Mơhnhôk mơ’no liăn cheăng kâ, dó inâi “Gia lai-Pơhlêh túa ki vâ pêi lo kế tơmeăm-liăn ngân tung chal xúa kơxô̆”. Akố, kong pơlê Gia Lai hiăng tơ’mot ƀă kĭ tơkêa tơdroăng chôu vế ƀă vâ chê 300 tơdroăng tơkrêa bro, tâi tâng kơxô̆ liăn ki mơ’no ai lối 33 rơtal dollars; po ăm hneăng ki pói tơngah ‘na môi tơdroăng cheăng ki mơnhông a’ngêi.

VOV.Xơ Đăng - Kơxo lơ 30/3, Hô̆i đong hnê ngăn kong pơlê Gia Lai hneăng XIII, po hneăng hôp rôh má môi vâ séa ngăn tŭm tơdroăng tơkŭm, pôk mâu kăn cheăng tung Hô̆i đong hnê ngăn kong pơlê hneăng ki nếo.

VOV.Xơ Đăng - Tung roh pêi cheăng a kong pơlê Dak Lak pơla kố nah, pôa Nguyễn Thanh Nghị, Kăn cheăng tung Khu xiâm kal kí, Kăn pơkuâ hnê ngăn tơdroăng cheăng Đảng tơnêi têa, Kăn pơkuâ Troăng hơlâ, troăng pêi cheăng Tơnêi têa hiăng pêi cheăng ƀă kong pơlê ‘na tơdroăng pêi pro hnoăng cheăng mơnhông cheăng kâ - rêh ối pơlê pơla. A roh pêi cheăng, kong pơlê Dak Lak pâ thế Tơnêi têa rĕng tơbleăng pơkâ pêi ki phá tơ-ê vâ pro tơ’lêi hlâu kơxô̆ liăn, mơjiâng pro xiâm kối pêi pro pơkâ tơtêk péa kơxô̆. Kố xuân cho môi tung mâu troăng pêi vâ pro mâu tơdroăng pơkâ dêi Đảng tung tơdroăng rêh ối.

VOV.Xơ Đăng - Kơmăng lơ 29/3, a Plông kân Phú Yên, Vi ƀan kong pơlê Dak Lak pơxiâm po mâu tơdroăng ôm hyô hơnăm 2026 ƀă dó inâi ‘’Dak Lak – Vêh kơpong tơmeăm khoăng vâi krâ nah’’.

VOV.Xơ Đăng - Kơxê lơ 29/3, a Đồng Nai, Phạm Minh Chính, Ngế pro xiâm hnê ngăn tơnêi têa hiăng séa ngăn tơdroăng mơjiâng pro Tơdroăng tơkêa bro Tơraih tơƀai lâp plâi tơnêi Long Thành, tơdrêng lăm séa ngăn hngêi ăm tơmối tơkôm to tơƀai, mâu tơmeăm ki kal xiâm ƀă lăm kơ-êng, mơhnhôk khu ki mơjiâng pro tơraih tơƀai a kŏng trương.

VOV.Xơ Đăng - Kơxo hâi lơ 29/3, tung măng tĭng Pơxiâm po Hơnăm Ôm hyô Tơnêi têa 2026, Vi ƀan kong pơlê Gia Lai tơkŭm po Hôp kĭ tơrŭm cheăng ƀă 4 to kong pơlê Peăng hdroh kong têa Lếo mê cho Attapeau, Champasak, Salavan ƀă Sekong.

VOV.Xơ Đăng - Péa tơdroăng tơkêa bro on tơhrik kơtâu ƀă trếo tik nik Ninh Thuận 1 ƀă 2 a pêa hdroh kong pơlê Khánh Hoà dế vêh mơnhông ƀă tơdroăng ki vâ môi tuăn dêi hên kuăn pơlê. Méluâ ti mê, ki tơvâ kreăng má môi dế nôkố, cho troăng pơkâ, troăng tơveăng gum xuân tá hâi teăm pêi pro kêi, tá hâi tơtro ki ai păng ‘nâng, malối, tá hâi chêl thiăn tơnêi tíu, hngêi trăng, tá hâi mơjiâng pơlê nếo ăm kuăn pơlê, tá hâi ai troăng mơjiâng cheăng kâ ối ki tơniăn ăm kuăn pơlê. Tuá pơkâ ki nếo tiô Tơdroăng pơkâ kơxô̆ 189 hơnăm 2025 dêi Kuô̆k hô̆i nôkố, mâu khu râ, kơvâ cheăng dế pơtối ‘mâi rơnêu, mơjiâng pro thăm tơ’nôm vâ tơtro tơniăn ƀă ki ai păng ‘nâng tiô kơ tơdroăng tơkêa bro kố.

VOV.Xơ Đăng - Kơxo lơ 30/3, a Hà Nội, pôa Tô Lâm, Kăn xiâm pơkuâ hnê ngăn cheăng Đảng, Kăn pơkuâ Đảng lêng Tơnêi têa hiăng pơkuâ po rôh hôp Đảng lêng Tơnêi têa, pêi klêi Tơdroăng pêi pro Pơkâ Hneăng hôp Đảng ƀô̆ Khu lêng rôh má XII ƀă Pơkâ Hneăng hôp XIV dêi Đảng.