VOV.Xơ Đăng - Tung rôh lăm pêi cheăng a kong pơlê Dak Lak, kơxo hâi lơ 19/3, pôa Hồ Quốc Dũng, Ngế cheăng tung Tíu xiâm Đảng, Phŏ ngế pro xiâm hnê ngăn tơnêi têa hiăng pêi cheăng ƀă cheăm Ra Bung.

VOV.Xơ Đăng - Rơtế ƀă 17 kong pơlê, pơlê kong kơdrâm tung lâp tơnêi têa, hâi lơ 19/3, mâu cheăm tơkăng kong tơnêi a mâu kong pơlê Dak Lak, Lâm Đồng, Quảng Ngãi hiăng po leh pơxiâm mơjiâng pro, po tơnêi tâi tâng a hngêi trung phôh thong ai tíu kâ koi ối pơtê tơdjêp râ.

VOV.Xơ Đăng - Kơxê lơ 18/3, Hô̆i đong Tâ phĭu kong pơlê Gia Lai tơbleăng tơdroăng châ tơƀrê tâ phĭu pôk rah xo kăn Kuô̆k hô̆i ƀă Hô̆i đong hnê ngăn kuăn pơlê rêm râ hneăng hơnăm 2026 – 2031.

VOV.Xơ Đăng - Kơxê lơ 18/3, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng pơkuâ roh hôp chuyên đê ‘na kŏng ngê̆ cheăng ton xŏn dêi Khu hnê mơhno Tơnêi têa ‘na mơnhông mơdêk khoa hok, kŏng ngê̆ cheăng ton xŏn dêi Khu hnê mơhno Tơnêi têa ‘na mơnhông mơdêk khoa hok, kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆.

VOV.Xơ Đăng - A Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp Khu pơkuâ Chin phuh vâ séa ngăn tơdroăng, pơtối pơkâ, hnan thế pêi pro troăng rơxế lơ treng xŏn tơdrăng sap ing peăng Kơnhŏng – peăng Hdroh ƀă mâu tơdroăng tơkêa bro troăng rơxế lơ treng ki kal a mâu kong pơlê.

VOV.Xơ Đăng - Hâi lơ 18/3, Khu pơkuâ hnê ngăn cheăng Đảng kong pơlê Dak Lak hôp tơpui tơno ƀă mâu Đảng ủi ối tung kong pơlê, mơnhên tối klêi kơ’nâi pêi pro tơdroăng cheăng tung hneăng má I ƀă tơbleăng pêi hnoăng cheăng hneăng má II/2026, ƀă tơdroăng pơkâ thế pơhlêh rĕng ngin tơdroăng ki thăm mơnhông, kơdo mơ-eăm pêi mâu tơdroăng pơkâ mơnhông péa kơxô̆.

VOV.Xơ Đăng - Kơxo hâi lơ 18/3, a tíu pêi cheăng dêi Kăn xiâm hnê ngăn, pôa Lương Cường, Kăn xiâm hnê ngăn tơnêi têa tơdah kăn teăng mâ kong têa Kul, kong têa Saudi Arabia ƀă mâu kong têa kro mơdrŏng  Dominica troh pơtroh hlá kơthô xo pêi hnoăng cheăng a Việt Nam.

VOV.Xơ Đăng - Kơxo lơ 18/3, pôa Nguyễn Hoàng Giang, Kăn hnê ngăn Vi ƀan kong pơlê Quảng Ngãi pêi cheăng ƀă Vi ƀan mâu cheăm Măng Đen, Măng Bút ƀă Kon Plông ‘na tơdrpoăng mơnhông cheăng kâ - pơlê pơla, kring tơniăn tơrŭm cheăng lêng,  tơveăng pêi mâu tơdroăng vâ pêi tung hơnăm tơmâng khât.

VOV.Xơ Đăng - Kơxo lơ 18/3, a Hngêi Kuô̆k hô̆i, Vi ƀan pơkuâ cheăng Kuô̆k hô̆i pơtối hôp rôh má 2 Rôh hôp 55 (khế 3/2026). Tơdroăng dêi rôh má 2 dêi Rôh hôp po tung pơla môi hâi tơdế, Vi ƀan pơkuâ cheăng Kuô̆k hô̆i kô ăm rơkong tơpui tối ‘na hên kơxop hlá mơ-éa Luât ki kal, tung mê ai tơkêa Luât Hộ tịch (‘mâi pơhlêh), tơdroăng tơkêa Luât Pơlê kong xiâm (‘mâi pơhlêh).

VOV.Xơ Đăng - Kơxo lơ 18/3, a Tíu pêi cheăng xiâm Đảng, Khu Hnê mơhno Tơnêi têa ‘na hbrâ mơdât kâ kơluâ, kâ kơhveăm liăn ngân, tơkŭm po rôh hôp xua tơdroăng pơkuâ dêi pôa Tô Lâm, Kăn xiâm pơkuâ hnê ngăn cheăng Đảng, Ngế xiâm Khu hnê mơhno cheăng vâ tơpui tơno, ăm rơkong tơpui tối ‘na klêi kơ’nâi pêi pro tơdroăng cheăng sap ing apoăng hơnăm troh nôkố ƀă hnoăng cheăng ki kal 6 khế apoăng hơnăm 2026.