Hneăng hôp châ tơkŭm po vâ môi tuăn khât 'na tơdroăng ki hlê plĕng ƀă tơdroăng pêi pro tung khu kăn ƀô̆, đảng viên, tung rêm râ ủi, khu tơrŭm cheăng Đảng 'na mâu troăng hơlâ hnê mơhno, tơdroăng ki xiâm, mâu tơdroăng ki nếo, ki kal tung mâu tơdroăng pơkâ dêi Đảng. Mâu kăn teăng mâ hriăn plĕng, hriâm tâp, tí tăng 'nâi plĕng 6 tơdroăng cheăng mê cho: Tơdroăng pơkâ 'na mơdêk mơjiâng, pơhlêh i lĕm tro tâ tung Đảng ƀă khu cheăng kal kí krúa lĕm, krá rơdêi, tŭm têk, tơxâng pơkâ mơnhông dêi tơnêi têa tung rơxông nếo; Tơdroăng pơkâ 'na pơhlêh nếo troăng pơkuâ, pơkuâ dêi Đảng ƀă khu cheăng kal kí tung hneăng nếo; Pơkâ 'na tơkŭm mơjiâng khu kăn ƀô̆ rêm râ, malối cho râ ki ton xŏn tŭm hiâm mơno lĕm, ivá cheăng ƀă loi tơngah, tơxâng hnoăng cheăng.

Tơdroăng pơkâ 'na đảng viên veăng pêi tơdroăng mơ'no liăn cheăng, tê mơdró; Mơgêi 'na Troăng pêi ton xŏn tơnêi têa 'na mơhnhôk, xúa ƀă mơnhông mơngế rơkê tung mâu kơvâ cheăng, kơvâ cheăng ki xiâm kum tơnêi têa mơnhông mơdêk rĕng, krá tơniăn; Tơbleăng mơnhên tơdroăng mơnhông mơdêk cheăng kâ - rêh ối pơlê pơla, pêi pro liăn ngân tơnêi têa hơnăm 2026; tối hdrối pơkâ mơnhông mơdêk cheăng kâ - rêh ối pơlê pơla, pơkâ liăn ngân tơnêi têa hơnăm 2027.