Hơnăm 2026, pêi mâu hdrê loăng kơpong Tây Nguyên Peăng hdroh Tơnêi têa pơtối tâk tơniăn. Ƀăng klâng pêt báu châ dâng 782.000 ha, ki kơpâu lĕm châ 65 tă/ha, báu châ lối 5 rơtuh tâ̆n. Loăng plâi kâ châ lối 3 tơtuh tâ̆n. Ƀă hdrê loăng pêt ton hơnăm, kơphế pơtối rak cho hdrê pêt ki xiâm tung mâu kế tơmeăm pêi lo ing chiâk deăng tê ngi kong têa ê, châ xo lối 6,5 rơtal USD.

Tung lâp kơpong ai lối 2.000 mah kơxô̆ kơpong pêt ƀă ƀăng tơnêi 57.000 ha ƀă lối 600 tíu tâ tung tơdrong. Laga, pêt mâu hdrê loăng kơpong Kĭng têa kơxĭ Peă hdroh Tơnêi têa ƀă Tây Nguyên xuân ối trâm pá xua kơmăi kơmok mơdê pêt ối iâ, cheăng xúa hdrê pêt tá hâi châ tiô tơdroăng púi vâ, pơreăng kâ ‘nhiê a hdrê pêt ối hên ƀă mâu tơdroăng pơkâ ki lĕm rế hía rế pá dêi kơchô tê mơdró ngi kong têa.

Hlo tơdroăng ki El Nino pro kong tô, kong prâi khăng khăng, mâu kong pơlê pâ thế lêi tah xơpá ‘na hno têa, pơkuâ ngăn pơkeăng xôh kơdê oâ hdrong xúa tung pêi chiâk deăng ƀă tơkŭm pêi hmâ. A rôh hôp, Ngế xiâm xiâm ngăn Chiâk deăng ƀă Hyôh kong prâi tối nhên pơkâ thế mơdêk ki dâi lĕm dêi tơmeăm pêi lo ing chiâk deăng, tơkŭm pêt tro tiô pơkâ ƀă thăm mơdêk tơrŭm pơla kuăn pơlê pêi chiâk, khu pêi cheăng tơrŭm ƀă khu mơdró kâ.

Hlo tơdroăng ki El Niño pro kong tô, mâu kong pơlê kal hbrâ rơnáu chêh pro hlá mơ-éa hbrâ ví, séa ngăn kơnhŏng têa ƀă mâu long rơchoâ têa, ‘mêng rơnêu rơnó, pơkâ pêt hdrê ăm tơtro, pôi tá tro kơdrâ drêng trâm kong tô mơdrăng.