VOV.Xơ Đăng - Hâi lơ 13/10, a pơlê kong kơdrâm Tây An, kong pơlê Thiểm Tây, kong têa Sinuâ, pôa Trần Thanh Mẫn, Kăn xiâm hnê ngăn Kuô̆k hô̆i hiăng tơdah pôa Triệu Nhất Đức, Ngế cheăng tung Tíu xiâm Đảng, Kăn pơkuâ hnê ngăn cheăng Đảng kong pơlê Thiểm Tây.

VOV.Xơ Đăng - Kơxê hâi lơ 13/10, tung rôh lăm pôu pêi cheăng a Pơlê kong kân Hồ Chí Minh, pôa Lê Minh Hưng, Ngế pro xiâm hnê ngăn tơnêi têa hiăng troh lăm ngăn tơdroăng ki mơjiâng pro Tơdroăng tơkêa bro Hno têa kân Tham Lương - Bến Cát - Rạch Nước Lên ƀă mơjiâng pro tíu ôh tá ăm têa lu xua têa rơlâu a kơpong Pơlê kong kân Hồ Chí Minh.

VOV.Xơ Đăng - Kơxê 13/10, a tíu pêi cheăng dêi Khu xiâm ngăn hnê hriâm ƀă hnê mơjiâng tuăn ngôa rơkê, Khu kăn séa ngăn dêi Khu pơkuâ hnê ngăn cheăng Đảng 'na tơbleăng pêi pro hlá mơ-éa Pơkâ 71 dêi Khu xiâm kal kí tơkŭm po hneăng hôp tơbleăng pơkâ ƀă pơkâ séa ngăn ƀă Khu pơkuâ hnê ngăn Đảng dêi Khu xiâm ngăn hnê hriâm ƀă hnê mơjiâng tuăn ngôa rơkê.

VOV.Xơ Đăng - Pơtối tơdroăng trâm mâ kuăn pơlê hdrối Hneăng hôp má 2, Kuô̆k hô̆i hneăng má 16, kơxê hâi lơ 13/10, a bêng Sông Cầu, pôa Nguyễn Thanh Nghị, Ngế xiâm pơkuâ troăng hơlâ luât tŏng gum, Troăng pêi pro dêi Tíu xiâm Tơnêi têa rơtế ƀă Khu kăn Kuô̆k hô̆i kong pơlê Dak Lak trâm mâ kuăn pơlê mâu bêng Sông Cầu, Xuân Đài ƀă cheăm Xuân Thọ, kong pơlê Dak Lak.

VOV.Xơ Đăng - Klêi kơ'nâi hên khế kong mêi đi đo, a mâu cheăm a kơpong peăng mâ hâi Lâ dêi kong pơlê Gia Lai đi đo ai tơnêi tơhnah tơhnâp tung chiâk deăng, malối cho kơpong rơhê, kĭng têa kroăng, têa krông. Tơdroăng kố hiăng pro hên ƀăng tơnêi ki pêt loăng plâi ton hâi, ki kơnâ liăn dêi kuăn pơlê tro tơnêi tơhnah, tơhnâp. Kuăn pơlê a kố tô tuăn ƀă ôh tá tơniăn drêng ƀăng tơnêi pêi chiâk dêi tơná dế tro kơdroh rế hía ối rế iâ, vâ tối ôh tá ai xếo ki vâ vêh mơnhông.

VOV.Xơ Đăng - Kong pơlê Dak Lak nếo po Rôh hôp khoa hok “Mơnhông kong kế nhâ loăng pơhlêh nếo tơmiât pêi rơkê kong pơlê Dak Lak pơla hơnăm 2026 – 2030, troăng ngăn troh hơnăm 2045”, vâ tăng troăng hơlâ pro ivá thăm mơdêk nếo.

VOV.Xơ Đăng - Kơxo lơ 13/10, pôa Hồ Quốc Dũng, Phŏ Ngế pro xiâm hnê ngăn tơnêi têa, Ngế xiâm Khu hnê mơhno tơnêi têa ‘na hbrâ mơdât tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ IUU pơkuâ po Rôh hôp má 36 dêi Khu hnê mơhno.

VOV.Xơ Đăng - Tung roh lăm pôu pêi cheăng păng ‘nâng kong têa Sinuâ, hâi lơ 13/10, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn xiâm Việt Nam hiăng troh lăm pôu Kơpong mơnhông cheăng kâ kŏng ngê̆ Bắc Kinh.

VOV.Xơ Đăng - A hôp mơ’no tơdrêng tung um tiô troăng hyôh măng ‘na hbrâ mơdât ká xi xŏng ôh tá tro luât, ôh tá tối tơbleăng ƀă ôh tá tiô pơkâ IUU, kong pơlê Lâm Đồng châ pơchân tối pơtối pêi pro krá tơdroăng pơkuâ tuk ká, ki má mối cho mâu tuk ká tơ’lêi ai xôi kơpong têa kơxĭ kong têa ê ƀă tik ôh tá tŭm pơkâ vâ pêi cheăng.

VOV.Xơ Đăng - Kơxê lơ 12/10, pôa Lê Minh Hưng, Ngế pro xiâm hnê ngăn tơnêi têa pơkuâ po rôh hôp ƀă mâu khu xiâm kơvâ cheăng, kơ koan ‘na rak tơniăn mơ’no on tơhrik tung mâu khế ki u ối dêi hơnăm 2026, troh hơnăm 2030 ƀă troăng pơkâ ‘mâi pơhlêh Túa pơkâ on tơhrik VIII.