VOV.Xơ Đăng –  Kơxê hnah, lơ 20/8, a Tíu xiâm Chin phuh, jâ Phạm Thị Thanh Trà hiăng tơdah pôa Hà Vĩ, Kăn teăng mâ kong têa Sinuâ.

VOV.Xơ Đăng - Kơxê hâi lơ 20/8, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă khu kăn pêi cheăng dêi Tíu xiâm hiăng troh hnối pêi cheăng ƀă Hok viê̆n Chĭnh trĭ Kuô̆k ya Hồ Chí Minh.

VOV.Xơ Đăng - A kơmăng lơ 20/8, a Cung Văn hóa Lao động Hữu nghị Việt Xô, Hlá tơbeăng Đại biểu Nhân dân tơkŭm po Tơdroăng ngê̆ thuâ̆t tơpui leăng “Nắng Ba Đình” koh tơbâ 81 hơnăm Hâi Kăch măng Khế Tơheăm ƀă Hâi Mơjiâng Tơnêi têa lơ 2/9 ƀă 80 hơnăm Kuô̆k hô̆i Việt Nam.

VOV.Xơ Đăng –  Pơtối tơdroăng Hneăng hôp ôh tá tiah hmâ rôh má môi, Kuô̆k hô̆i hneăng má XVI, hâi kố, lơ 21/8, mâu kăn teăng mâ Kuô̆k hô̆i tơpui tơno a hngêi hôp kân ‘na mơnhên la ngiâ troăng hơlâ ‘mâi rơnêu Luât Tơnêi tơníu hơnăm 2024 ƀă Luât Hngêi ối hơnăm 2023.

VOV.Xơ Đăng - A Hà Nội, nếo mơhno mâ Khu kăn teăng mâ Kuô̆k hô̆i pêi cheăng môi tơdroăng cheăng a pơlê kong kân hneăng má XVI.

VOV.Xơ Đăng - Khu ngăn Hdrông kuăn ngo, ối tung Hô̆i đong hnê ngăn kong pơlê Dak Lak nếo lăm ngăn khât a mâu túa ki pro ôm hyô pơlê pơla a kong pơlê vâ mơnhên tối klêi kơ’nâi pêi pro Pơkâ dêi Hô̆i đong hnê ngăn kong pơlê ‘na tŏng gum mơjiâng pro ôm hyô pơlê pơla tro tơdroăng ƀă rak vế, mơnhông túa lĕm tro hdrông kuăn ngo, tơdrêng amê, hlối pro tíu ki vâ hriăn ngăn, pâ thế troăng hơlâ tŏng gum ăm tơtro tung hneăng nếo.

VOV.Xơ Đăng - Ối lối pa môi măng tĭng nếo, tơdroăng tơkêa bro Hngêi trung Phôh thong hdrông kuăn ngo ai tíu kâ koi, ối pơtê péa râ, Râ má môi ƀă Râ má péa a 7 to cheăm tơkăng kong dêi kong pơlê Gia Lai athế châ pro klêi vâ mot hơnăm mơhriâm nếo 2026-2027. Tơdroăng cheăng ối hên, kăn pơkuâ kong pơlê Gia Lai pơtối hnê mơhno mâu khu ki xo pro hngêi trung thăm mơdêk troăng hơlâ mơ-eăm pro, tăng tơ’nôm mâu ngế cheăng vâ pro, athế khŏm pro klêi tro hâi khế pơkâ vâ ăm hok tro kơpong tơkăng kong ai hngêi trung nếo, lâm hriâm nếo tung hâi lăm troh tơkŭm a hngêi trung.

VOV.Xơ Đăng - Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, hơ ‘lêh nếo troăng pơkuâ hnê mơhno, ôh tá pro pơ ‘lêh ki xiâm dêi tơdroăng cheăng, luât pơkâ hnê mơhno dêi Đảng, mê vâ pro tơdroăng pơkuâ ngăn tro, ‘ló, tro tiô khoa hok, tro kăn kuăn pơlê, trâu rơdâ tâ ƀă pêi hlối tơbrê tâ.

VOV.Xơ Đăng - Hâi lơ 19/8, khu cheăng kong pơlê Khánh Hòa châ hlo 5 tíu ai kơxêng rơtế hên tơmeăm ki ê tung tơdroăng ti tăng kơxêng kiâ mô đô̆i a kơpong Hngêi kroăng phâk Thành Diên Khánh.

VOV.Xơ Đăng - Kơxê lơ 19/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng ai rôh pêi cheăng ƀă Khu xiâm Pơkuâ Khôi túa lĕm tro, Tơ’noăng ivá ƀă Ôm hyô ‘na tơdroăng pêi cheăng rak vế tíu chôu ‘măn tơmeăm khoăng rôh nah.