VOV.Xơ Đăng - Vâ pêi pro tiô hnoăng cheăng xiâm tung mơnhông pêi cheăng kâ tâk péa to kơxô̆ tung hơnăm 2026, Dak Lak dế tơkŭm lêi tah lôi 2 tíu ki ối kreăng ki kân má môi, mê cho pro bâ phuâng tơnêi tíu ƀă ăm mung liăn ngân vâ mơjiâng tơmeăm khoăng tơdjuôm. Ing Hneăng cheăng 45 hâi măng pro bâ phuâng tơnêi tíu troh a tơdroăng ki ‘mâi rơnêu troăng hơlâ ăm mung liăn, mơ’no, pơtroh liăn ngân ăm mung troh a mâu tơdroăng tơkêa bro ki hrá hâi khế, hên troăng hơlâ ó rơdêi dế mơjiâng chiâng vâ pơhlêh nhên a mâu tíu ki mơjiâng pro hnoăng cheăng xiâm dêi tơnêi têa.

VOV.Xơ Đăng - Kơxo lơ 16/8, Khu râ kăn séa ngăn, mơnhên ngăn kơxô̆ 235 dêi Khu xiâm kal kí, Khu pơkuâ tơdroăng cheăng Đảng xua pôa Nguyễn Thanh Nghị, Kăn pơkuâ Khu pêi pro troăng hơlâ ƀă Troăng pêi cheăng ton xŏn Tơnêi têa pro Kăn pơkuâ khu, tơbleăng pơkâ séa ngăn, mơnhên ngăn hơnăm 2026 ƀă Khu pơkuâ tơdroăng cheăng Đảng kong pơlê Dak Lak.

VOV.Xơ Đăng - Khu râ kăn teăng mâ Đảng Kŏng san Việt Nam xua pôa Lê Hồng Quang, Phŏ Kăn xiâm pơkuâ Tơdroăng xiâm Tíu xiâm tơnêi têa pơkuâ djâ Kăn xiâm pơkuâ khu kăn hiăng lăm pôu ƀă pêi cheăng a Brazil.

VOV.Xơ Đăng - A Tíu xiâm Hngêi hôp kân kong pơlê Gia Lai, Khu xiâm ngăn ‘na Chiâk deăng ƀă Hyôh kong prâi tơkŭm ƀă Vi ƀan kuăn pơlê kong pơlê Gia Lai tơkŭm po Hôp tơbleăng Pơkâ pêi pro tơdroăng cheăng tơkâ luâ xơpá mâu tơdroăng pâ thế dêi Vi ƀan châu Âu (EC) ƀă tơbleăng khế plâ mơdât tơnăng ká ki ôh tá tro luât, ôh tá tơbleăng ƀă ôh tá tiô pơkâ (IUU).

VOV.Xơ Đăng - A Tíu pêi cheăng Chin phuh, pôa Lê Thiến Châu, Phŏ Ngế pro xiâm hnê ngăn hnê ngăn tơnêi têa pơkuâ hôp Khu kăn hnê mơhno mơjiâng pro hngêi trung péa râ má môi ƀă má péa a mâu cheăm tơkăng kong, mơ’no tơdrêng tiô troăng hyôh măng ƀă mâu kong pơlê.

VOV.Xơ Đăng - Châ pêi, châ xúa tơdrêng hên kế tơmeăm ki kân rơdâ ƀă tơdjêp troăng prôk troh a kơpong têa kơxĭ klêi kơ’nâi ‘mot tơdjuôm, mê Dak Lak kô châ tơ’lêi vâ mơdêk tơdroăng cheăng ‘na kơmăi kơmok ki uâ mơdi kế tơmeăm pêi lo. Méluâ ti mê, vâ khoh chiâng pêi pro khât tâ ‘na hnoăng cheăng ki kố, kong pơlê athế lêi tah lôi mâu tơdroăng ki ối tơvâ, ối kreăng ‘na mâu tơmeăm khoăng ai tơdjâk troh a tơrŭm cheăng, cho logistics ki tơdjêp pơla mâu kơpong xua Vi ƀan hnê ngăn kong pơlê Dak Lak tơkŭm po.

VOV.Xơ Đăng -  Vâ hbrâ rơnáu hmâ ƀă mâu tơdroăng ki ôh tá ‘nâi hdrối dêi hyôh kong prâi, malối cho kong mê têa kân, kong pơlê Dak Lak hbrâ gum kuăn pơlê mơjiâng pro hngêi hngêi ối pơtân tung pơla kong mê têa kân. Lối hrĭng toăng dêi “Cheăng pêi thâ Quang Trung” hiăng pro klêi, lối chât toăng hngêi đông ai trăng tơdjâ troăng ƀă hên hngêi ối pơtân tung pơla kong mê têa kân, gum kuăn pơlê hmiân tuăn tung rơnó kong mê kân têa lân lu hiăng vâ troh la ngiâ.

VOV. Xơ Đăng - rôh lăm pôu râ kăn xiâm Tơnêi têa troh New Zealand, hâi lơ 13/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tơpui tơno ƀă pôa Christophers Luxon, Ngế pro xiâm hnê ngăn kong têa New Zeand.

VOV.Xơ Đăng - Kơxo lơ 13/8, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ rôh pêi cheăng ƀă Hngêi arak liăn tơnêi têa Việt Nam ƀă mâu tíu ăm mung liăn.

VOV.Xơ Đăng - Klêi kơ’nâi lối 2/3 hâi khế tơbleăng Tơdroăng cheăng pêi thâ xo tơnêi mâu tơdroăng tơkêa bro, kế tơmeăm pro ki kal”, troh nôkố, kong pơlê Dak Lak hiăng lêi tah xơpá ‘na xo tơnêi ăm lối chât to tơdroăng tơkêa bro ki tro kreăng tung hên hơnăm.