Hneăng lăm pôu păng 'nâng kong têa Kŏng hòa Yân chuh Nhân yân Lếo dêi pôa Lê Minh Hưng ôh tá xê to tơdroăng pêi cheăng tơpui kâ, mê ối cho tơdroăng pơtroh rơdêi 'na tơmiât pêi la ngiâ, khên tơnôu ƀă tơdroăng ki kơjo má môi tung troăng hơlâ tơpui kâ dêi Việt Nam tung hneăng mơnhông nếo. Hneăng lăm pôu cho rôh vâ kăn pơkuâ péa tơnêi têa tối ăm dêi rơpó tơdroăng tơmiât pêi la ngiâ ƀă pơkâ pêi hdrối mâu tơdroăng tung kơpong ƀă lâp plâi tơnêi rơtế vâ 'nâi plĕng.

Tơdroăng môi tuăn ƀă tơrŭm pơla Việt Nam ƀă Lếo a mâu hôp tơpui tơno hên pâ môi tiah ASEAN, Khu lâp kong têa ƀă mâu tơdroăng tơrŭm kơpong kŭn Mekong ai hnoăng kal khât tung tơdroăng pro krá tơdroăng hiâm mơno tơrŭm môi tuăn khô̆i, tơniăn rơkong tơpui tơdjuôm ƀă rak tơdroăng mơjiâng hơniêp lĕm, tơniăn dêi lâp kơpong. Roh lăm pôu dêi pôa Lê Minh Hưng, Ngế pro xiâm hnê ngăn tơnêi têa troh a kong têa Lếo cho troăng prôk ki hbrâ vâ pêi pro mâu tơkêa chiâng tơdroăng pêi inhên, po mâu roh tơ’lêi hlâu nếo ăm tơrŭm cheăng păng ‘nâng, châ tơƀrê ƀă krá tơniăn pơla péa tơnêi têa, péa hdrông mơngế.