VOV.Xơ Đăng - Hâi lơ 11/8, Khâu pêi dêi hnoăng cheăng dêi Khu xiâm ngăn kơmăi kơmok ƀă tê mơdró xua pôa Trương Thanh Hoài, Phŏ ngế xiâm pơkuâ, pro ngế xiâm pơkuâ djâ khu kăn kố pêi cheăng ƀă Vi ƀan hnê ngăn kong pơlê Dak Lak ‘na cheăng kơmăi kơmok, on tơhrik, thăm mơdêk tâk péa kơxô̆.

VOV.Xơ Đăng -  Klêi kơ’nâi tơmot chiâng môi, kong pơlê Gia Lai hiăng mơhnhôk 14 tơdroăng tơkêa bro ai kơxô̆ liăn mơ’no cheăng ing Sinuâ, ƀă tâi tâng kơxô̆ liăn kĭ lối 175 rơtuh dollars.

VOV.Xơ Đăng - Tung rôh lăm pôu râ kăn xiâm kong têa Australia dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Khu kăn xiâm Việt Nam (sap hâi lơ 9 troh lơ 12/8), péa pâ hiăng tối 3 tơdroăng tơbleăng tơdjuôm hlối kĭ tung 13 hlá mơ-éa chêh tơrŭm cheăng, pro xiâm ki nếo vâ mơnhông tơrŭm cheăng kâ tung tŭm tơdroăng pơla Việt Nam ƀă  Australia.

VOV.Xơ Đăng - A rôh hôp tí tăng séa ngăn, tối tơdroăng tơbleăng pêi, xúa tơdroăng cheăng pêi ‘na khoa hok, kong ngê̆ ƀă hơ‘lêh nếo hriăn plĕng ki nếo, Kăn hnê ngăn Vi ƀan kuăn pơlê kong pơlê Dak Lak pơkâ thế kơdroh 50% tơdroăng pro mâu hlá mơ-éa vâ mơdêk tăng ‘nâi plĕng, xúa khoa hok, kŏng ngê̆.

VOV.Xơ Đăng - Xuân a kơxo hâi lơ 11/8 (tiô chôu kong têa ê), tung rôh pôu kăn xiâm hnê ngăn tơnêi têa troh a Australia, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui tơno ƀă pôa Anthony Albanese, Ngế pro xiâm hnê ngăn kong têa Australia a Hngêi Kuô̆k hô̆i Australia.

VOV.Xơ Đăng - Kơxo lơ 11/8 (tiô chô kong têa vâi) klêi kơ’nâi Leh tơdah râ Tơnêi têa châ tơkŭm po kân krip a Tíu pêi cheăng Kăn xiâm pôu râng tâi tâng hnoăng a pơlê kong xiâm Canberra tiô tơdroăng po kân má môi ăm kăn xiâm râ tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng ai rôh trâm mâ ƀă jâ Sam Mostyn, Kăn xiâm pôu râng tâi tâng hnoăng kong têa Australia.

VOV.Xơ Đăng - Klêi kơ’nâi mơgêi mâu tơdroăng pêi pro a pơlê kong kân Sydney (Australia), kơmăng 10/8 (chôu tơnêi têa kố), pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa rơtế ƀă mâu kăn xiâm Việt Nam hiăng troh a pơlê kong xiâm Canberra, pơtối lăm pôu râ Kăn xiâm Tơnêi têa Australia, tiô rơkong krếo thế dêi jâ Sam Mostyn, Kăn xiâm tung Khu dêi Australia.

VOV.Xơ Đăng - Kơxê lơ 10/8, a Tíu pêi cheăng kăn teăng mâ Lếo a Pơlê kong kân Hồ Chí Minh, Khu kăn xua pôa Trần Lưu Quang, Ngế cheăng tung Khu xiâm kal kí, Kăn pơkuâ ngăn Đảng Pơlê kong kân Hồ Chí Minh pơkuâ djâ khu kăn kố hiăng lăm pôu ngăn ƀă chêh tung kơxop hlá mơ-éa hlâ pôa Xaysomphone Phomvihane, Kăn xiâm hnê ngăn Kuô̆k hô̆i Lếo.

VOV.Xơ Đăng - Tung rôh lăm pôu pêi cheăng kong têa Australia, hâi lơ 10/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng ƀă xông tơpui a Hôp tơno khoa hok kŏng ngê̆, pơhlêh nếo tơmiât pêi rơkê, mơ’no liăn cheăng, hnê hriâm hnê mơjiâng tuăn ngôa rơkê ƀă Mơjiâng mơngế pêi cheăng Việt Nam – Australia 2026.

VOV.Xơ Đăng - Kơxo lơ 10/8, Khu kăn Chin phuh tơnêi têa Kŏng hòa xah hô̆i chuh ngiah Việt Nam xua pôa Lê Minh Hưng, Ngế pro xiâm hnê ngăn tơnêi têa pơkuâ djâ khu kăn hiăng troh 'măn hơvĭng reăng, pôu ngăn pôa Saysomphone Phomvihane, Ngế cheăng tung Khu xiâm kal kí, Kăn xiâm hnê ngăn Kuô̆k hô̆i tơnêi têa Kŏng hòa Yân chuh Nhân yân Lếo, a Tíu pêi cheăng Kăn teăng mâ Lếo a Việt Nam.