VOV.Xơ Đăng - Kơxo lơ 18/8, a Hà Nội, Khu xiâm kal kí, Khu pơkuâ tơdroăng cheăng Đảng tơkŭm po Hôp tơno tơdroăng kal trâm mâ mâu kăn cheăng tung Khu xiâm kal kí, Kăn cheăng tung Khu pơkuâ hnê ngăn cheăng Đảng mâu rơxông ƀă Kăn cheăng tung Tíu xiâm Đảng hneăng má XIII ôh tá châ vêh pro kăn hneăng má XIV, klăng leh tơbâ 81 hơnăm Kăch măng Khế Tơheăm ƀă Hâi mơjiâng tơnêi têa 2/9.

VOV.Xơ Đăng - Hâi lơ 19/8/2006, Tơdroăng tơpui nâl M’Nông hiăng pơxiâm mơ’no tung hyôh dêi Rơ’jíu Việt Nam a kơpong Tây Nguyên. 20 hơnăm hiăng luâ, tơdroăng tơpui kố ôh tá xê to pơtroh to mâu tơdroăng nếo ai, hnê mơhno ‘na troăng hơlâ, troăng tơveăng gum dêi Đảng, luât xiâm dêi Tơnêi têa; mê ối mơnhên, mơhno hiâm tuăn, mơno rơhêng púi vâ dêi kuăn pơlê M’Nông tung lâp lu pơlê pơla, mê ối veăng gum rak vế ƀă mơhno tơbleăng nâl tơpui xiâm tơná ăm pơlê pơla.

VOV.Xơ Đăng - Pơtối rôh hôp má 5, hâi lơ 17/8, Vi ƀan hnê ngăn Kuô̆k hô̆i ăm rơkong tơpui ‘na troăng hơlâ tơpui leăng, tơmâng xo, ‘mâi rơnêu kơxop hlá mơ-éa Luât ‘mâi pơhlêh, ‘mot tơ’nôm mâu tơdroăng dêi Luât Hngêi rak liăn Tơnêi têa Việt Nam, Luât Hbrâ, mơdât lu lêa xo liăn ƀă Luât Mâu khu tơrŭm ăm mung xo liăn laih hên.

VOV.Xơ Đăng - Drêng troh tơbâ 81 hơnăm Hâi mơjiâng Khu lêng kong an kuăn pơlê ƀă 21 hơnăm Hâi leh tâi tâng kuăn pơlê kring vế Tơnêi têa, kơxê hâi lơ 17/8, a Bắc Ninh, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa rơtế ƀă mâu kăn Tíu xiâm troh lăm pôu pêi cheăng a Hok viê̆n Kih thuâ̆t ƀă Kong ngê̆ Kring tơniăn.

VOV.Xơ Đăng - Tơdroăng tơkêa bro troăng prôk kĭng têa kơxĭ kong pơlê Dak Lak xŏn lối 25km, tâi tâng kơlo ‘no pro 3.800 rơtal liăn, kal xo tơvêh 120 ha tơnêi dêi lối 1.500 rơpŏng kuăn pơlê.

VOV.Xơ Đăng - Hôp tơno Prôk troăng hơngế lâp plâi tơnêi hơnăm 2026 tơkŭm po a Gia Lai, tơkŭm ti tăng troăng pêi po rơdâ kơchơ mơdró, mơjiâng tơmeăm ƀă mơdêk tơdjêp vâ mơhnhôk tơmối lâp plâi tơnêi.

VOV.Xơ Đăng - Tung rôh po Leh tơbleăng Sầu riêng Dak Lak hơnăm 2026, kong pơlê Dak Lak hiăng pơxiâm po leh mơhno, tơbleăng ƀă tối ăm ‘nâi ‘na kơvâ cheăng pêt rak ngăn sầu riêng ƀă tơmeăm ki châ mơnhên OCOP.

VOV.Xơ Đăng - Tung rôh po mơđah tơbleăng Sầu riêng Dak Lak hơnăm 2026, Vi ƀan hnê ngăn kong pơlê Dak Lak ƀă Vi ƀan Kăn pơkuâ kong pơlê Champasak (Kŏng hòa Dân chuh Nhân yân Lếo) kĭ Tơkêa tơrŭm cheăng sap ing hơnăm 2026-2030, pơtối pêi pro pơhlêh tơrŭm cheăng tơrŭm tơroâ, tơrŭm tơviah ƀă tơrŭm tŭm têk pơla péa to kong pơlê.

VOV.Xơ Đăng - Kơxo lơ 17/8, a Tíu pêi cheăng Chin phuh, jâ Phạm Thị Thanh Trà, Phŏ Ngế pro xiâm hnê ngăn tơnêi têa, Kăn hnê ngăn Vi ƀan Tơnêi têa ‘na mâu ngế hơnăm hiăng krâ Việt Nam, pơkuâ po rôh hôp mơgêi tơdroăng cheăng 7 khế pơla hdrối nah ƀă tơbleăng pêi hnoăng cheăng ki kal tung la ngiâ.

VOV.Xơ Đăng - Kơxo lơ 17/8, a Hà Nội, Khu tơrŭm cheăng Tơnêi têa tơrŭm ƀă Học viện Chính trị Quốc gia Hồ Chí Minh tơkŭm po Leh pơxiâm po Tơdroăng hnê tơ’nôm, tối tơbleăng tơdroăng kal ƀă mâu ngế cheăng tung Khu pơkuâ xiâm tơnêi têa hneăng XIV (lâm ki má Môi).