VOV.Xơ Đăng - Tung rôh lăm pôu pêi cheăng păng ‘nâng kong têa Sinuâ, kơxo lơ 12/10, a Pơlê kong xiâm Bắc Kinh, pôa Trần Thanh Mẫn, Kăn xiâm hnê ngăn Kuô̆k hô̆i hiăng tơdah khu râ kăn mâu ngế Rơkê nhŏng o kong têa Sinuâ.

VOV.Xơ Đăng - Rak ngăn kong, rêh ối kơnôm ing kong ƀă kong rế hía rế drêh ngiât lĕm tâ kơnôm ing ivá ki krá tơniăn ing troăng hơlâ mơhá liăn ăm hnoăng rak ngăn kong – mê cho tơdroăng ki ai khât a kong pơlê Lâm Đồng klêi kơ'nâi lối 15 hơnăm kơdo mơ-eăm pêi pro. Ƀă kơxô̆ liăn ing 450 troh 500 rơtal liăn rêm hơnăm gum rak ngăn lối 700.000 ha kong, Lâm Đồng hiăng ƀă dế mơjiâng môi tơdroăng ki krá tơniăn vâ hnoăng rak ngăn ƀă mơnhông pêt kong rế hía rế châ tơƀrê, krá tơniăn tâ.

VOV.Xơ Đăng - Pêi pro Pơkâ 57 dêi Khu xiâm Kal kí, Dak Lak mơdêk rơdêi hnê cheăng pêi tung phân mêm, chêh tối mâu tơdroăng tung app, hnê nhên troh achê ƀă kuăn pơlê, malối cho a mâu kơpong kuăn pơlê hdrông kuăn ngo, kơpong hngế hngo, kơpong xơpá. Sap ing mâu túa ki po tiê a phôn ki rơkê, kuăn pơlê chêh ‘mot tung app dế rế hía rế hmâ tung tơdroăng rêh ối rêm hâi dêi ngế kuăn pơlê.

VOV.Xơ Đăng - Khu kăn teăng mâ Kuô̆k hô̆i kong pơlê Dak Lak tơkŭm po trâm mâ kuăn pơlê a mâu cheăm bêng hdrối Hneăng hôp má 2, Kuô̆k hô̆i hneăng má XVI.

VOV.Xơ Đăng - A pơlê kong xiâm, Khu râ kăn pơkuâ hnê ngăn cheăng Đảng pơlê kong kong kân, Hô̆i đong kuăn pơlê, Vi ƀan kuăn pơlê, Vi ƀan Mât trâ̆n Tơnêi têa pơlê kong kân Hà Nội tơkŭm po kân krip Leh tơbâ 80 hơnăm Hâi mơjiâng khu lêng pơlê kong xiâm ƀă tơdah inâi Ngế khên tơnôu khu lêng Kuăn pơlê rơxông hneăng pơhlêh nếo.

VOV.Xơ Đăng - Hâi lơ 11/10, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu kăn xiâm Việt Nam hiăng troh Pơlê kong xiâm Bắc Kinh, pơxiâm lăm pôu pêi cheăng kong têa Sinuâ ƀă rơtế pơkuâ Hneăng hôp roh má péa Vi ƀan tơrŭm cheăng pơla Kuô̆k hô̆i Việt Nam ƀă Kuô̆k hô̆i kong têa Sinuâ.

VOV.Xơ Đăng - A kong pơlê Lâm Đồng, mâu hngêi trung đăi hok, tíu hriăn plĕng ai hên tơdroăng châ tơƀrê khoa hok, kŏng ngê̆, la ôh tá iâ tơmeăm tá hâi châ troh khu mơdró kâ ƀă kơchơ mơdró. Pêi pro tiô Pơkâ 57 dêi Khu xiâm kal kí 'na mơnhông khoa hok, kŏng ngê̆, pơhlêh nếo tơmiât pêi rơkê ƀă pơhlêh kơxô̆, Lâm Đồng dế pơhlêh sap ing túa pêi krê chiâng tơleăng mâu "ƀai toăn kân", tơdjêp hriăn plĕng ƀă tơdroăng kal vâ ƀă tê mơdró tơmeăm, ing tơrŭm Tơnêi têa - Hngêi trung - Khu mơdró kâ.

VOV.Xơ Đăng - Klêi kơ’nâi pêi pro túa pơkâ hnoăng kăn pơkuâ kong pơlê péa râ, tơdroăng cheăng pêi a mâu cheăm, bêng dêi kong pơlê Dak Lak tâk hên. Tung pơla mê, tơdroăng ki ôh tá ai tŭm kăn ƀô̆ pêi cheăng xuân cho tơdroăng ki kal vâ pơtroh. Tơdroăng kố pro ôh tá iâ kăn ƀô̆ cheăm athế pêi hên tơdroăng cheăng ki ôh tá hmâ, tơƀrê iâ maluâ hâi chôu pêi cheăng ton sap ing kơxo má troh kơxê măng. Ing tơdroăng ai khât kố a Dak Lak ăm hlo, vâ kơ koan cheăng tơnêi têa pêi cheăng tơƀrê, tơdroăng ki ‘mot tơ’nôm kăn ƀô̆, malối cho kăn ƀô̆ ki rơkê dêi tơdroăng cheăng, dế cho tơdroăng kal pêi tơdrêng.

VOV.Xơ Đăng -  Hâi lơ (8/10), a Tuy Hòa, Vi ƀan kong pơlê Dak Lak tơkŭm po Tơdroăng pêi pro Hâi mơhnhôk Hơ'lêh nếo tơmiât pêi rơkê tơnêi têa ƀă Hâi pơ'lêh kơxô̆ tơnêi têa hơnăm 2026 ƀă pơxá "Hơ'lêh nếo tơmiât pêi rơkê ƀă pơ'lêh kơxô̆ tung tơdroăng ki kơnía ing păn, uâ pơliê ƀă mơnhông krá tơniăn ká xi xŏng kong pơlê Dak Lak".

VOV.Xơ Đăng -  Tiô rơkong krếo thế dêi Ngế pro xiâm hnê ngăn kong têa Lếo cho pôa Saleumxay Kommasith, pôa Lê Minh Hưng, Ngế pro xiâm hnê ngăn tơnêi têa pơkuâ djâ khu râ kăn xiâm Chin phuh Việt Nam lăm pôu păng 'nâng kong têa Kŏng hoa Yân chuh Nhân yân Lếo tung péa hâi lơ 8 ƀă 9/10.