Ki xiâm a rôh po tơdroăng mê cho Leh mơhnhôk tơbleăng pêi 4 túa pơkâ Tơdroăng "Hnê kuăn pơlê hriâm xúa kŏng ngê̆ kơxô̆", mê cho: "Kuăn pơlê kơbố xuân thế chiâng xúa kŏng ngê̆ kơxô̆ rơkê", "Thôn, pơlê, kơpong kơphô̆ xúa kŏng ngê̆ kơxô̆ ", "Thôn pơlê  xúa kŏng ngê̆ kơxô̆ - pro kro mơdrŏng ing kŏng ngê̆" ƀă "Thôn, pơlê  xúa kŏng ngê̆ kơxô̆ - kơpong hdroâng kuăn ngo".

Tơdroăng pêi pro kố tơmiât troh pơkâ tơbleăng tơdroăng ki rơkê  xúa kŏng ngê̆ kơxô̆, kum kuăn pơlê kơpong hơngế, hơngo ƀă hdroâng kuăn ngo hbrâ rơnáu tơdjêp kŏng ngê̆, tơdroăng cheăng xúa kŏng ngê̆ kơxô̆ ƀă mơdêk cheăng kâ. Pakĭng mê, tơdroăng ối po hneăng hôp khoa hok, tơpui tơno 'na tơdroăng xúa kŏng ngê̆ rơxông nếo, kơmăi kơmok, tuăn ngôa rơkê kuăn mơngế, tí tăng 'nâi xiâm kối tung tơdroăng tê mơdró ká xi xŏng, rơtế ƀă Tíu mơđah tơbleăng, tơbleăng hên troăng pêi, tơmeăm kŏng ngê̆ rơxông nếo.