Diâp inâi Ngế khên tơnôu khu lêng kuăn pơlê rôh má 4 ăm khu kuăn pơlê má 4 khu lêng pơlê kong xiâm ƀă xông tơpui a rôh leh, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế khu râ kăn pơkuâ hnê ngăn Đảng, khu râ kăn pơkuâ ƀă Khu lêng pơlê kong xiâm Hà Nội pơtối hlê plĕng pêi pro trâu hơngế, troăng prôk, troăng tơmiêt dêi Đảng ‘na mơnhông tơnêi têa, mơnhông pơlê kong xiâm, mơjiâng Khu lêng tung chal mơnhông nếo.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa loi tiah kố khu râ kăn pơkuâ hnê ngăn cheăng Đảng, khu râ kăn pơkuâ Pơlê kong kân Hà Nội kô ai hên troăng hơlâ ki rơkê plĕng, pơkuâ, hnê mơhno, tơrŭm krá pơla 'mâi mơnhông mơdêk cheăng lêng gâk kring ƀă mơnhông cheăng kâ, khôi túa lĕm tro ƀă tơpui kâ, khu lêng ƀă mâu râ kuăn pơlê pơlê kong xiâm kô tơrŭm môi tuăn, khŏm mơ-eăm pêi klêi tŭm tơdroăng cheăng ki Đảng, Tơnêi têa ƀă Kuăn pơlê pơcháu, khŏm mơ-eăm pêi pro châ tơdroăng púi vâ Pơlê kong xiâm 100 hơnăm hiăng mơnhên.