A mâu tíu trâm mâ kuăn pơlê, teăng mâ Khu râ kăn teăng mâ Kuô̆k hô̆i kong pơlê Dak Lak tối tơdroăng tối hdrối tơdroăng hneăng hôp, ƀă kơxô̆ tơdroăng hên tơdroăng mơjiâng luât, séa ngăn tơdroăng cheăng kâ – rêh ối pơlê pơla, liăn ngân tơnêi têa hơnăm 2026 ƀă pơkâ mâu hnoăng cheăng hơnăm 2027. Kuăn pơlê mâu bêng Thành Nhất, Ea Kao cheăm Hòa Phú, ối tung mâu tíu tâ phĭu kơxô̆ 3, pâ thế mâu kơ koan cheăng thăm pêi pro tơdroăng rak kring tơniăn, ki má lối cho mơdât mơngế xôi kŏng ngê̆ kơxô̆ dế pro ôh tá tơniăn.

Kuăn pơlê mâu cheăm bêng dêi kong pơlê Dak Lak xuân tối troăng ki tơpui ƀă pêi pro mâu mơ-éa tơnêi tơníu, tơnêi ối a mâu tíu ối pro mơdon, tơdroăng ki tơdah kuăn pơlê tá hâi lĕm, pâ thế tơmâng mơ’no liăn mơgrúa kong prâi, troăng klông, mơhá hnoăng liăn, troăng hơlâ mơhá liăn ƀă kăn ƀô̆ thôn, pơlê ƀă mơdêk kơlo tŏng gum ƀaoh hiêm khăm pơlât ăm mơngế hơnăm hiăng krâ.