VOV.Xơ Đăng - Hbrâ ăm hơnăm hriâm nếo 2026 – 2027, kơvâ Hnê hriâm ƀă Hnê mơjiâng tuăn ngôa rơkê kong pơlê Lâm Đồng dế pêi pro rĕng kêi đeăng tâi tâng kế tơmeăm, khu mâu ngế pêi cheăng ƀă mâu tơdroăng ki kal, tơdrêng amê pêi pro troăng rah xo bro lế lĕm hngêi trung lâm hriâm tiô troăng bâ lĕm, châ tơƀrê.

VOV.Xơ Đăng - Kơxo lơ 13/8, klêi kơ’nâi Leh tơdah kân krip châ tơkŭm po a Tíu pêi cheăng dêi ngế xiâm pơkuâ tâi tâng hnoăng, Pơlê kong kân Auckland, New Zealand, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa hiăng tơpui tơno ƀă jâ Dame Cindy Kiro, ngế xiâm pơkuâ tâi tâng hnoăng New Zealand.

VOV.Xơ Đăng - Đăi tươ̆ng Trịnh Văn Quyết, Ngế pơkuâ cheăng kal kí xiâm tơnêi têa veăng hôp ƀă hnê mơhno “Hâi hôp tâi tâng kuăn pơlê kring vế Tơnêi têa hơnăm 2026 a bêng Hoài Nhơn Bắc, kong pơlê Gia Lai. Tơbleăng a hâi hôp, Đăi tươ̆ng pơkâ thế rak vế tơniăn, athế pơxiâm ing hiâm mơno kuăn pơlê ƀă pơkâ thế kong pơlê Gia Lai mơnúa mơjiâng pro bêng xah hô̆i chuh ngiah.

VOV.Xơ Đăng – Drêng Tơdroăng tơkêa bro hên khu tơmeăm 1 ƀă 3 dế kêi đeăng mâu tơmeăm ki má mơ’no vâ rơtế xúa, Tơdroăng tơkêa bro hên khu tơmeăm 2 – troăng kân ăm phêp rơxế kơtâu têi Khánh Hòa – Buôn Ma Thuột nôkố dế hrá pêi pro. Khu mơ’no liăn cheăng ƀă mâu khu ki pro dế thâ mơjiâng troăng pêi tơkŭm po mơjiâng pro tơtro ƀă drêng rơnó mêi, pêi pro rĕng mơjiâng pro.

VOV.Xơ Đăng - Tung tơdroăng pêi pro Tơdroăng pêi cheăng ‘’500 hâi măng mơdêk ti tăng plĕng, tơkŭm ƀă mơnhên inâi kơxêng kiâ mô đô̆i hlâ tung tơplâ xâ nah’’, cheăm Đăk Pék, kong pơlê Quảng Ngãi hiăng ti tăng chiâ rôu xo châ 10 kơxêng kiâ mô đô̆i a kơpong thôn 16/5.

VOV.Xơ Đăng - Tung rôh lăm pôu pêi cheăng râ Tơnêi têa troh a New Zealand, kơxê măng lơ 12/8, a pơlê kong kân Auckland (New Zealand), pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Khu râ kăn teăng mâ râ xiâm Việt Nam hiăng trâm mâ kăn ƀô̆, mơngế cheăng Kơ koan teăng mâ ƀă kăn teăng mâ pơlê pơla mơngế Việt Nam a New Zealand.

VOV.Xơ Đăng - Kơxê hâi lơ 12/8, a tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa hiăng tơdah pôa Rajpal Singh, Kăn teăng mâ Singapore a Việt Nam troh koh tơpui tơno.

VOV.Xơ Đăng - Klêi kơ’nâi mơgêi mâu rôh pêi cheăng a Canberra (Australia), kơxê măng lơ 12/8 (tiô chôu kong têa kố), pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa rơtế ƀă khu kăn xiâm Việt Nam hiăng troh pơlê kong xiâm Wellington pơxiâm pôu râ kăn xiâm hnê ngăn tơnêi têa New Zealand sap ing hâi lơ 12 troh lơ 13/8/2026, tiô rơkong krếo thế dêi jâ Cindy Kiro. Ngế ki pơkuâ tâi tâng hnoăng kong têa New Zealand.

VOV.Xơ Đăng - Hâi lơ 12/8, a tíu pêi cheăng Chin phuh, Pôa Hồ Quốc Dũng, Phŏ Ngế pro xiâm hnê ngăn tơnêi têa hôp ƀă mâu Khu xiâm, kơvâ cheăng ƀă mâu kăn teăng mâ mâu khu mơdró ‘na tơdroăng tah xơpá, tơvâ tơvân tung tơdroăng ‘na tơnêi tíu, hyôh kong prâi, tơmeăm khoăng, tơmeăm vâ mơjiâng pro.

VOV.Xơ Đăng - Tiô tơdroăng tối tơbleăng kong prâi ối ôh tá tơniăn tung mâu khế mơ’nui hơnăm, Dak Lak dế tăng ngăn tâi tâng mâu rơchôa, long têa ƀă mâu tíu ki nhôm tơnêi kô tơhnâp, têa lân lu. Pakĭng mơjiâng pro mâu tơdroăng hơlâ hbrâ ví tro ƀă tơdroăng ai khât, ôh tá kơdrâ drêng kong prâi pro ôh tá tơniăn.