VOV.Xơ Đăng –  A rôh hôp khu chêh hlá tơbeăng rêm hneăng khế 9 dêi Vi ƀan kong pơlê Dak Lak kơxê lơ 6/10, Khu ngăn Chiâk deăng ƀă Hyôh kong prâi kong pơlê ăm 'nâi, troh hâi lơ 5/10, mâu cheăm, bêng tung kong pơlê hiăng mơ'no lối 207 rơtal liăn kum mơnăn mơnoâ tro hlâ, tro pơreăng xua kong prâi pro.

VOV.Xơ Đăng – Kơxê lơ 6/10, a Hà Nội, jâ Võ Thị Ánh Xuân, Kăn xiâm pơkuâ hnê ngăn cheăng Đảng, Phŏ kăn xiâm hnê ngăn tơnêi têa trâm mâ mâu ngế ki kơhnâ rơkê veăng Hneăng hôp kheăn kơdeăn mâu ngế ki kơhnâ rơkê tung lâp tơnêi têa.

VOV.Xơ Đăng - Kơxê lơ 6/10, a Hngêi Kuô̆k hô̆i, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hôp tơpui tơno ƀă pôa José Raúl Mulino Quintero, Kăn xiâm pơkuâ kong têa Kŏng hoa Panama, klăng roh lăm pôu pêi cheăng Việt Nam sap hâi lơ 5 troh lơ 8/10.

VOV. Xơ Đăng - Đô̆i K51, Khu pơkuâ ngăn lêng kong pơlê Dak Lak nếo tơkŭm hlo 2 to kơxêng kiâ mố đô̆i a kơpong achê têa krông Ô Tôi, kong pơlê Mondulkiri, kong têa Kul.

VOV.Xơ Đăng - Kơxo lơ 6/10, a Khu xiâm pơkuâ ngăn lêng, Kơ koan xiâm ngăn cheăng hnê tối, hnê hriâm (Khu xiâm pơkuâ ngăn lêng kuăn pơlê Việt Nam) tơkŭm po kân krip Leh tơdah xo inâi Ngế khên tơnôu Khu lên kring vế kuăn pơlê (rôh má 2).

VOV.Xơ Đăng - Tơdrêng ƀă séa ngăn kơtăng khât ‘na plong tuk lo lăm tơnăng ká xi xŏng, séa ngăn plâ hâi măng ƀă pơxâu phâk kơtăng tơdroăng pro xôi, Gia Lai dế mơdêk kơxô̆ pơkuâ ngăn tơdroăng tơnăng ká xi xŏng, tŏng kum kuăn pơlê tơnăng ká xi xŏng rak vế pêi pro tiô luât. Ing hlá mơ-éa, hâi khế tơnăng ká xi xŏng troh tí tăng 'nâi xiâm kối, mâu tơdroăng pơkâ mơdât tơnăng ká xi xŏng IUU dế rế hía rế chiâng tơdroăng cheăng pêi đi đo dêi rêm roh lo lăm tơnăng ká xi xŏng.

VOV.Xơ Đăng - Tiô rơkong krếo thế dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă kơdrâi pôa, pôa José Raúl Mulino, Kăn xiâm pơkuâ kong têa Panama ƀă kơdrâi pôa Maricel Cohen De Mulino lăm pôu Việt Nam sap hâi lơ 5/8/10/2026.

VOV.Xơ Đăng - Sap ing khế 10/2026, Gia Lai xúa troăng hơlâ ki nếo ƀă mơngế pêi cheăng a thôn, tôh kơphô̆. Ngế ki pơtối pêi cheăng châ kâ kơxô̆ liăn ki nếo; tung pơla dâng 1.820 ngế thế pơtê cheăng klêi kơ'nâi rah xo la ôh tá ối tung khu ki châ xúa troăng hơlâ dêi Tơnêi têa xuân châ kong pơlê tŏng kum. Ngế chêh hlá tơbeăng Nguyễn Thảo ai chêh tối ‘na tơdroăng mê.

VOV.Xơ Đăng - Kơmăng lơ 5/10, a Hà Nội, pôa Trần Thanh Mẫn, Kăn xiâm hnê ngăn Kuô̆k hô̆i veăng ai mâ a rôh po Tơdroăng “Tơdjêp tơdroăng pâ nhuô̆m” hơnăm 2026, vâ tơdjuôm ivá rak ngăn, tŏng kum vâi kơdrâi, vâi hdrêng ki châi tamo ai tơdroăng rêh ối xơpá. Tơdroăng kố xua Khu xiâm ngăn Kŏng an ƀă Khu xiâm ngăn vâi kơdrâi Việt Nam tơrŭm tơkŭm po drêng troh leh tơbâ 96 hơnăm Hâi mơjiâng Khu vâi kơdrâi ngăn Việt Nam (20/10/1930 - 20/10/2026) ƀă Hâi vâi kơdrâi Việt Nam lơ 20/10.

VOV.Xơ Đăng - A hneăng hôp mơgêi hơnăm hriâm 2025-2026, tơbleăng hnoăng cheăng hơnăm hriâm 2026-2027 po a hâi lơ 5/10, kơvâ ngăn hnê hriâm ƀă hnê mơjiâng tuăn ngôa rơkê Dak Lak mơnhên pơ'lêh tơdroăng ki xiâm ing xing xoăng, pro rế lĕm tíu pêi cheăng chiâng mơdêk ki dâi lĕm hnê hriâm ki păng 'nâng.