Hneăng lăm pôu dêi pôa José Mulino, Kăn xiâm pơkuâ kong têa Panama cho rôh ki kal vâ péa tơnêi têa pro trâu hơngế tâ tơrŭm cheăng, mâu rôh tơpui tơno kal kí, mơdêk hlê plĕng dêi rơpó, tơdrêng amê pơhlêh tơdroăng tơrŭm cheăng hiăng châ mơdêk tung lối 5 chât hơnăm hiăng hluâ chiâng mâu kơvâ tơrŭm cheăng ton xŏn nếo, pro pơxúa tơƀrê.

Hneăng lăm pôu dêi pôa José Mulino kô veăng kum po môi tơdroăng nếo tung tơrŭm cheăng ƀă Panama - Việt Nam, tơdrêng amê hlối pro xiâm kối krá tơniăn tâ ăm tơdroăng tơrŭm cheăng ton xŏn pơla péa tơnêi têa. Tung hneăng lăm pôu pêi cheăng Việt Nam roh kố, Kăn xiâm pơkuâ kong têa Panama tơkŭm hôp tơpui tơno ƀă pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, tơpui tơno ƀă pôa Lê Minh Hưng, Ngế pro xiâm hnê ngăn tơnêi têa ƀă pôa Trần Thanh Mẫn, Kăn xiâm hnê ngăn Kuô̆k hô̆i.