VOV.Xơ Đăng - Hâi lơ 28/9, Khu tơrŭm dêi mâu khu tơrŭm cheăng kong pơlê Dak Lak tơkŭm po Hneăng hôp kăn teăng mâ roh má I, hneăng hơnăm 2026-2031, klêi kơ'nâi tơmot chiâng môi kong pơlê ƀă kong pơlê Phú Yên.

VOV.Xơ Đăng -  Tíu xiâm tối tơbleăng 'na hyôh kong prâi kong pơlê Lâm Đồng tối tơbleăng tơdroăng ki tơ'lêi têa lân lu a mâu têa kroăng, têa kroăng ki kŭn, tơnêi tơhnah tơhnâp ƀă tơnêi  tơhnâp trâu a hên kơpong xua kong mêi kân pơtối.

VOV.Xơ Đăng - Kơxo lơ 28/9, pơkuâ po Rôh hôp Khu hnê mơhno Tơnêi têa ‘na Ôm hyô, jâ Phạm Thị Tranh Trà, Kăn cheăng tung Khu pơkuâ hnê ngăn xiâm Đảng, Phŏ Ngế pro xiâm hnê ngăn tơnêi têa pơkâ thế hơnăm 2027, rêm to kong pơlê athế ai môi tơmeăm ôm hyô krê.

VOV.Xơ Đăng - Kơxo lơ 28/9, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkuâ po rôh hôp khế 9 dêi khu hnê mơhno Tơnêi têa ‘na chêh pro klêi troăng hơlâ ƀă pêi pro luât.

VOV.Xơ Đăng - Kơxê lơ 28/9, a Hngêi Kuô̆k hô̆i, Vi ƀan pơkuâ Kuô̆k hô̆i tơkŭm po Hneăng hôp mâu kăn Kuô̆k hô̆i pêi cheăng tiô rơnó rôh má môi, hneăng má XVI. Pôa Trần Thanh Mẫn, Kăn xiâm hnê ngăn Kuô̆k hô̆i pơkuâ hneăng hôp.

VOV.Xơ Đăng - A thôn Tân Hạ, cheăm Tà Năng, kong pơlê Lâm Đồng, nâ Cil K’Hạnh (kuăn ngo K'Ho) cho kăn phŏ pơkuâ hnê ngăn chi ƀô̆ - Kăn pơkuâ thôn kơhnâ rơkê ƀă achê kuăn pơlê. Vâ chê 17 hơnăm pêi cheăng a pơlê; ing kăn ƀô̆ ngăn pơkeăng thôn pơlê troh Kăn pơkuâ thôn, nâ đi đo achê ƀă kuăn pơlê. Malối, sap ing tơmot chiâng môi thôn nếo, nâ tơkŭm po mâu tơdroăng ki ai pơxúa, veăng kum mơdêk tơdroăng rêh ối kuăn pơlê, mơjiâng pơlê cheăm hơniâp ro.

VOV.Xơ Đăng - Klêi kơ'nâi tí tăng rah xo mơngế cheăng rơkê, tơ’mot mâu pơlê cheăm mê kong pơlê Gia Lai kơdroh sap ing 2.693 chu ối 1.400 thôn, pơlê, tôh kơphô̆. Tơnêi tíu kân rơdâ tâ, pơkuâ ngăn pơ'leăng mâ mơngế hên tâ, xua mê pơkâ thế tơdroăng cheăng nếo ƀă kăn pơkuâ thôn, tôh kơphô̆ xuân athế rơkê plĕng hên tâ, hngăm tâ. Ki khât ăm hlo, klêi kơ'nâi rah xo, khu kố dế chôa 'lâng châ pơhlêh xúa kŏng ngê̆ vâ thăm achê kuăn pơlê, hlê kuăn pơlê, tơdjêp tơƀrê pơla khu kăn ƀă kuăn pơlê.

VOV.Xơ Đăng - Khu pơkuâ Tơdroăng tơkêa bro Mơ'no liăn mơjiâng tơmeăm khoăng pêi Chiâk deăng ƀă Mơnhông thôn pơlê Dak Lak dế pơkâ thế mâu khu mơjiâng pro rĕng mơjiâng pro troăng prôk a kông tơkâ luâ kroăng Krông Bông vâ ăm xúa tung hơnăm kố.

VOV.Xơ Đăng - Kơxê lơ 27/9, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơtế ƀă Khu kăn Kuô̆k hô̆i pơlê kong kân Hà Nội, tíu tâ phĭu kơxô̆ 1, trâm mâ kuăn pơlê 10 bêng hdrối Hneăng hôp má péa, Kuô̆k hô̆i hneăng XVI.

VOV.Xơ Đăng - Việt Nam dế mot tung hneăng mơnhông tơƀrê nếo ƀă pơkâ thế rế hía rế ai hên 'na hngêi trăng, troăng klông, pơhlêh cheăng chêh tối, chêh ‘măn tung điê̆n tưh, măng internet, ƀă tơdroăng rêh ối, cheăng kâ pơla  pơhlêh. Tơdrêng amê, tơdroăng kal vâ xúa on tơhrik gum ‘na kơvâ pêi chiâk deăng, troăng prôk, troăng hngêi kơphô̆ ƀă tơdroăng rêh ối pơtối pơhlêh rế tâk hên ó. Rak tơniăn on tơhrik, ƀă tơniăn lĕm ‘na cheăng xúa, tơdrêng amê kơdroh mơ'no trếo 'mêi, dế chiâng môi tung mâu tơdroăng ki kal vâ tơnêi têa mơnhông rĕng ƀă krá tơniăn ton.