VOV.Xơ Đăng - Kơxê hâi lơ 5/8, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơdah Đô đốc Samuel Paparo, Kăn pơkuâ Khu xiâm pơkuâ lêng Thái Bình Dương Mih.

VOV.Xơ Đăng - Kơxo lơ 5/8, a Hà Nội, tung rôh po hôp Tơpui kâ má 33, pôa Trần Cẩm Tú, Ngế cheăng tung Khu xiâm kal kí, Kăn pơkuâ ngăn Đảng hiăng pơkuâ po Rôh hôp tâi tâng ‘na tơpui kâ Đảng ƀă tơpui kâ kuăn pơlê.

VOV.Xơ Đăng - Ƀă xiâm rêi vâ mơnhông tơdroăng rêh kâ ối hdrông kuăn ngo ki iâ mơngế ƀă kong ngo, kong pơlê Quảng Ngãi hiăng tơkŭm pêi pro adrêng châ pơxúa khât kơnôm ing mâu ngế pơkuâ, ngế cheăng, liăn ngân, kế tơmeăm dêi Hnoăng cheăng xiâm tơnêi têa, kơjo mơ’no liăn mơnhông cheăng kâ rêh ối, mơnhông ki ai xêh hlâu a tơrêm pơlê cheăm, gum kuăn pơlê mơnhông cheăng kâ hluăn ing kơtiê ton la ngiâ.

VOV.Xơ Đăng - Pơtối tơdroăng pêi cheăng dêi rôh hôp ôh tá xê tiah hmâ rôh má môi dêi Kuô̆k hô̆i hneăng 16, kơxo lơ 5/8, mâu kăn tơpui tơno a tôh ‘na Tơdroăng Tơkêa Luât Pro pơlĕm a cheăm (‘mâi hơ’lêh).

VOV.Xơ Đăng - Pêi pro tơdroăng mơhnhôk 500 hâi măng mơdêk lăm tăng, tơkŭm kơxêng ƀă mơnhên a kơxêng kiâ mơngế hlâ ai hnoăng, Đô̆i K52, Khu xiâm pơkuâ ngăn lêng kong pơlê Gia Lai nếo tăng hlo, châ ‘nâi ƀă tơkŭm 6 kơxêng kiâ mơngê hlâ ai hnoăng a pơlê Sơr, cheăm Ia Boòng.

VOV.Xơ Đăng - Kơxê hâi lơ 4/8, a Hà Nội, drêng troh tơbâ 59 hơnăm hâi mơjiâng ASEAN, 50 hơnăm kĭ tơhrâ Hmâ ƀă Tơrŭm cheăng a Đông Nam ƀă 31 hơnăm Việt Nam mot tung ASEAN, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơdah Kăn teăng mâ, Teăng mâ mâu kong têa tung ASEAN troh koh tơpui tơno.

VOV.Xơ Đăng - Tung pơla tơmeăm pêi lo ing chiâk deăng Tây Nguyên, malối cho sầu riêng, dế rế hía rế châ tê hên ngi kong têa ê, cheăng pơhlêh chêh pro mơ-éa hbru ăm mah kơxô̆ ƀă pơkuâ ngăn mah kơxô̆ kơpong pêt, mah kơxô̆ tíu tâ tung kơthung châ ngăn cho hvêa chêng prôk ki kal, pro tơ’lêi hlâu ăm kuăn pơlê, khu pêi cheăng tơrŭm ƀă khu mơdró kâ. Pơkâ kơxô̆ 36 dêi Chin phuh nếo pơkâ, ăm tâi tâng túa pơkâ hbru, pơkuâ ngăn mah kơxô̆ kơpong pêt, mah kơxô̆ tíu tâ tung kơthung tung hyôh internet, ing Cổng Dịch vụ công tơnêi têa ƀă tíu pêi cheăng dêi Khu xiâm ngăn chiâk deăng ƀă Hyôh kong prâi, po troăng tơ’lêi hlâu nếo ăm kuăn pơlê ƀă khu mơdró kâ tê tơmeăm ngi kong têa ê.

VOV.Xơ Đăng - Kăn xiâm hnê ngăn Kuô̆k hô̆i pơkâ kal pơhlêh ing troăng tơmiât “tơbleăng mơ’no” tơdroăng nếo ai chiâng tơmiât gum cheăng, tŏng gum kuăn pơlê mơdêk ivá gâk kring hnoăng pôu râng, pơxúa luât dêi tơná ƀă luât.

VOV.Xơ Đăng - A Rôh hôp mơgêi 5 hơnăm pêi pro Tơdroăng tơ’noăng ‘Kuăn pơlê pêi cheăng kâ, tê mơdró rơkê, tơrŭm tŏng gum dêi rơpó pro kro mơdrŏng ƀă kơdroh kơtiê krá ton”, Khu ngăn kuăn pơlê pêi chiâk kong pơlê Dak Lak tơbleăng tơdroăng tơ’noăng pơla hơnăm 2026-2031, troăng pơkâ tro ƀă pơhlêh xúa troăng internet ƀă mơnhông pêi chiâk deăng krá ton.

VOV.Xơ Đăng - Vi ƀan kong pơlê Gia Lai nếo tơbleăng pơkâ pêi pro mơjiâng hô sơ Tơdroăng tơkêa bro mơjiâng mâu bêng hneăng hơnăm 2026 – 2030, ƀă troăng pêi cheăng mơjiâng hô sơ mơjiâng tơ’nôm 16 bêng tung kong pơlê.