Tơdroăng tơkêa bro ai tâi tâng kơxô̆ liăn mơ'no lối 36 rơtal liăn, châ pêi pro sap hơnăm 2021, tơdjêp troăng kân tơnêi têa 26 ƀă troăng kân kong pơlê 12 ƀă tơkâ troăng kân Khánh Hòa - Ƀuôn Ma Thuột. Kông ki xiâm hiăng pro klêi sap ing mơ'nui hơnăm 2023, la troăng ki pro péa pâ kông tro pơtê vâ chê 3 hơnăm xua tơvâ tơnêi ƀă ôh tá ai tơnêi vâ pro. Troh nôkố, mâu tơdroăng xơpá hiăng châ tŏng kum. Khu mơ'no liăn cheăng pơkâ thế khu mơjiâng pro mơhnhôk mơngế pêi cheăng, kơmăi kơmok, tơmeăm khoăng, tơkŭm pêi drêng kong prâi tơniăn lĕm vâ mơdêk rĕng tơdroăng pro.

Drêng pro klêi, tơdroăng tơkêa bro kô tơdjêp troăng prôk ki xŏn dâng 30 km, kum prôk lăm dêi chât rơpâu ngế kuăn pơlê ƀă veăng kum mơdêk mơnhông cheăng kâ - rêh ối pơlê pơla kơpong peăng mâ hâi lo pá hdroh kong pơlê Dak Lak.