VOV.Xơ Đăng - Sap ing môi túa tơmiât pơxiâm sap ing pơkâ thế ki ai khât, kong pơlê Gia Lai hiăng mơjiâng pro xêh tơmeăm tuăn ngoâ rơkê xua kuăn mơngế pro AI xúa tung chêh pro hlá mơ-éa ‘na tơnêi tơníu. Klêi kơ’nâi lối péa khế xúa, tơmeăm ki kố hiăng pơhlêh túa ki chêh pro hồ sơ a râ cheăm, pro pơxúa hên ki tơ’lêi hlâu ăm kuăn pơlê.

VOV.Xơ Đăng - Kơxê lơ 29/7, a Tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ rôh pêi cheăng ƀă mâu kơ koan ki tơdjâk ‘na vêh pro lĕm Grup pơkuâ Kơchâ – Tơmeăm khoăng tung kơdâm tơnêi Việt Nam.

VOV.Xơ Đăng - Tơpui mơgêi Rôh hôp má 4 dêi Vi ƀan pơkuâ Kuô̆k hô̆i a kơxê hâi lơ 29/7, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, ƀlêi chiâng dêi Hneăng hôp ôh tá xê châ mơnhên riân ƀă tơdroăng dêi luât, pơkâ châ tơbleăng, mê ki kal tâ cho mâu troăng hơlâ tŏng gum mê châ lêi tah mâu tíu ki tro kreăng, pro tơniăn tro tung ‘no liăn cheăng, pro tơ’lêi hlâu ăm mơnhông ƀă mơdêk tơdroăng rêh kâ ối Kuăn pơlê.

VOV.Xơ Đăng - Kong pơlê Lâm Đồng dế tơkŭm tơbleăng pêi mâu troăng hơlâ vâ mơdêk ki tơƀrê tung pơkuâ ngăn, ‘mêng rơnêu rak vế troăng prôk vâ hbrâ ví tung rơnó kong mê têa kân lân lu.

VOV.Xơ Đăng - Hâi lơ 29/7, a rôh Hôp tâi tâng tung lâp tơnêi têa tăng ‘nâi plĕng, hriâm tâp, hnê ƀă tơbleăng pêi pro tiô Hlá mơ-éa chêh troăng hơlâ luât pơkâ rôh Hôp má Pái Khu kăn Tíu xiâm Đảng hneăng 14, pôa Phạm Gia Túc- Ngế cheăng tung Khu xiâm kal kí, Phŏ Ngế pro xiâm hnê ngăn Chin phuh tối tơbleăng tơdroăng ki kal, ki xiâm dêi Hlá mơ-éa chêh troăng hơlâ luât pơkâ ‘na tơdroăng ki kal, la ngiâ kô ‘mâi rơnêu luât Tơnêi ƀă mâu luât ki ai tơdjâk troh vâ môi tuăn hlê ƀă hlối  pêi pro tung tâi tâng khu cheăng kal kí.

VOV.Xơ Đăng -Kơxo lơ 29/7, Khu xiâm ngăn cheăng kal kí tơkŭm po rôh hôp lâp tơnêi têa tơbleăng Pơkâ Rôh hôp Tơnêi têa 3 hneăng XIV

VOV.Xơ Đăng - Khu rak ngăn Tíu tơbâ Hngêi phâk Hỏa Lò tơ rŭm ƀă Tíu ‘măn rak tơbleăng tơmeăm Dak Lak nếo pơ xiâm tơbleăng ukô umê tơdroăng “ Púi vâ tơniăn krê” a bêng Buôn Ma Thuột.

VOV.Xơ Đăng - Tơniăn mơngế pêi cheăng ƀă mơdêk tơdroăng ki dâi lĕm dêi tơdroăng khăm pơlât a hngêi pơkeăng đi đo cho ƀai toăn ki xiâm tung tơdroăng rak ngăn ivá kuăn pơlê. A kong pơlê Gia Lai, drêng xúa troăng pêi tơkŭm po khu râ kăn pơkuâ pơlê péa râ, pơ’leăng mâ mơngế ki tơdah pơlât tơdâng rêm hngêi pơkeăng cheăm hiăng tâk hên sap ing lối 9.700 ngế tâk lối 26.800 ngế. Mơhé tâi tâng hngêi pơkeăng cheăm hiăng ai ƀok thái pơkeăng pêi cheăng khăm pơlât, laga ki nhên khât lâp kong pơlê xuân dế trâm ƀă tơdroăng ôh tá tŭm vâ chê 500 ngế thái, ƀok thái pơkeăng.

VOV.Xơ Đăng - Lăm pêi cheăng 500 hâi măng “tăng, tơkŭm kơxêng ƀă mơnhên inâi mơngế hlâ dế mơhno ki tơbrê rôh apoăng a Dak Lak. Ôh ti xê to gum djâ mâu vâi ngoh vêh dêi a pơlê xiâm tơnêi nôu. Tơdroăng lăm tăng ối tơngah ăm rơpâu  rơpŏng ki ối tơkôm ngah lơ tối troh inâi dêi nhŏng o xiâm tơná, mơhno hnoăng cheăng pêi lĕm tro tơbâ kơ mâu ngế hiăng hlâ ai hnoăng xua Tơnêi têa.

VOV.Xơ Đăng - Yến sào cho môi tung mâu kế tơmeăm ki kơnâ dêi Khánh Hòa, kum veăng ăm rơpâu ngế ƀă pơxúa châ xo liăn hên ăm kong pơlê. Laga, rế hía ai rế hên tơmeăm hêak pơloi ôh tá xê khât, tơmeăm khu hêak ki bô bối vâ pơloi, tơmeăm ôh tá lĕm dế pro tơdjâk tơdrêng troh ki nhoăm loi dêi tơmeăm, ƀă tơdroăng tê mơdró ƀă kơxô̆ liăn pêi lo dêi mơngế ki pêi krúa lĕm khât.