VOV.Xơ Đăng -  Ngế pro xiâm hnê ngăn tơnêi têa pơkâ thế Khu xiâm mơjiâng tơmeăm khoăng, Khu xiâm pơkuâ liăn ngân rơtế ƀă mâu kong pơlê athế mơ-eăm khât, tơkŭm ivá vâ pêi châ tơdroăng pơkâ mơ'no 100% kơxô̆ liăn hiăng pơcháu.

VOV.Xơ Đăng - Tung roh lăm pôu pêi cheăng veăng Hôp tơpui tơno tơdjuôm khu râ kăn xiâm Hô̆i đong Khu lâp kong têa hneăng 81 ƀă pêi pro mâu tơdroăng cheăng pơla péa pâ a kong têa Mih, kơxo hâi lơ 22/9 (tiô chôu kong têa Mih), a Pơlê kong kân New York, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng xông tơpui ‘na troăng hơlâ a Khu tơrŭm cheăng troăng hơlâ tơpui kâ kong têa ê Mih (FPA), môi hneăng hôp tơpui kâ ki loi tơngah má môi dêi Mih, ƀă xo Mê dai dêi Khu tơrŭm cheăng troăng hơlâ tơpui kâ.

VOV.Xơ Đăng - Tung rôh lăm pôu Hneăng hôp tơpui tơno khu râ kăn xiâm Khu lâp kong têa hneăng 81 ƀă mâu tơdroăng cheăng pơla péa pâ a kong têa Mih, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng trâm Khu râ kăn pơkuâ Đảng Kŏng san Mih ƀă mâu vâi pú Mih.

VOV.Xơ Đăng - Hâi lơ 21/9, Khu pơkuâ ngăn lêng cheăm Phú Hòa 2 tơrŭm ƀă Đô̆i K51, Ƀơrô cheăng kal kí, Khu pơkuâ ngăn lêng kong pơlê Dak Lak tơkŭm tăng rôu ƀă tơkŭm môi kơxêng kiâ mố đô̆i.

VOV.Xơ Đăng - Kơxo lơ 22/9, a Tíu pêi cheăng Chin phuh, pôa Lê Tiến Châu, Phŏ Ngế pro xiâm hnê ngăn tơnêi têa pơkuâ po rôh hôp ƀă Khu xiâm ngăn hnê hriâm ƀă hnê mơjiâng tuăn ngoâ rơkê ‘na ‘mot tơkŭm mâu tíu hnê hriâm ƀă hnê hriâm đăi hok dêi tơnêi têa.

VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối tiah kố mơngế Việt Nam rêh ối a kong têa ê cho môi khu ôh tá tơklâ dêi hdroâng mơngế Việt Nam ƀă cho xiâm ki kal.

VOV.Xơ Đăng - A kong pơlê Lâm Đồng, tung 2 hâi hdrối kố nah hiăng ai kong mêi kân lâp lu, pro têa lu ƀă tơnêi tơhnâp a mâu troăng prôk.

VOV.Xơ Đăng - Tiô rơkong krếo thế dêi jâ Saleumxay Kommasith Phŏ Ngế pro xiâm hnê ngăn Chin phuh Lếo, hâi lơ 21/9, pôa Phạm Gia Túc, Phŏ Ngế pro xiâm hnê ngăn Chin phuh lăm pêi cheăng a kong têa Lếo.

VOV.Xơ Đăng - Kơxê lơ 21/9, Khu pơkuâ hnê ngăn Đảng kong pơlê Dak Lak tơkŭm po rôh hôp ƀă 2 Rôh pêi cheăng dêi Vi ƀan hnê ngăn kong pơlê, tơmâng tối tơbleăng klêi kơ’nâi séa ngăn, tơleăng mơnhên mâu tơdroăng tơkêa bro, kế tơmeăm ki hrá pro klêi, pro mơdon hâi khế ƀă troăng hơlâ lêi tah tung la ngiâ.

VOV.Xơ Đăng - Pôa Lê Minh Hưng, Ngế pro xiâm hnê ngăn tơnêi têa pơkuâ rôh pêi cheăng ƀă Khu xiâm pơkuâ Hnê hriâm ƀă Hnê mơjiâng tuăn ngôa rơkê ƀă Hnê mơjiâng rơtế mâu khu xiâm, kơvâ cheăng ai tơdjâk tơkŭm lêi tah mâu tơdroăng ki thâ ôh tá bê kơxop hlá mơ-éa hriâm ăm hơnăm hriâm 2026 – 2027.