A rôh hôp, péa pâ tối tơrŭm cheăng pơla Việt Nam - Lếo pơtối mơnhông tơƀrê, tâi tâng; malối pro trâu rơdâ tâ nếo “ki tơrŭm tung tŭm tơdroăng”, mơdêk ‘no liăn cheăng, mơdêk tơrŭm cheăng lêng, kring tơniăn, hlối pro tơbrê tung cheăng kâ, tê mơdró ƀă ’no liăn pêi cheăng. Tung 7 khế apoăng hơnăm kố, Việt Nam ai 20 tơdroăng tơkêa bro ‘no liăn cheăng a Lếo ƀă tâi tâng kơxô̆ liăn chêh inâi pêi cheăng ai 638 rơtuh dollars, tâk 4,2 hdrôh tâng vâ pơchông ƀă hơnăm 2025.

Péa pâ môi tuăn mơdêk mâu tơdroăng tơkêa bro ki kal, mơdêk tơrŭm hnê hriâm, hnê túa tro, ôm hyô ƀă trâm tơpui tơno ƀă kuăn pơlê. Tung hneăng lăm pôu, pôa Phạm Gia Túc, Phŏ ngế pro xiâm hnê ngăn tơnêi têa xuân lăm pôu ngăn tơmeăm khoăng mơjiâng pro tung tơrŭm cheăng pơla péa pâ a pơlê kong xiâm Vientiane, kong têa Lếo, tung mê, ai tơdroăng tơrŭm rak ngăn kuăn pơlê. Tíu xiâm pơkuâ ngăn lêng kring tơniăn Khu xiâm kong an Lếo, Kong viên Tơrŭm pơla Lếo - Việt Nam ƀă tíu vâ mơjiâng pro Hngêi trung Đại học Tơrŭm pơla Lếo - Việt Nam.