VOV.Xơ Đăng -  Kơxo lơ 3/8, Hneăng hôp ôh tá xê tiah hmâ má Môi, Kuô̆k hô̆i hneăng má XVI păng ‘nâng pơxiâm po a pơlê kong xiâm Hà Nội. Tung tơdroăng ki thâ dêi tíu hôp Kuô̆k hô̆i, mâu tơdroăng tơmiât, pói vâ ƀă tá mâu ‘’tíu kreăng’’ pơkâ pêi nôkố kong pơlê dế châ mâu Khu râ kăn teăng mâ Kuô̆k hô̆i djâ, ƀă tơdroăng pói vâ mơjiâng mâu tơdroăng ki mơnhông nếo ăm tơdroăng mơnhông dêi tơnêi têa. Hdrối hâi lo lăm veăng hôp, Khu râ kăn teăng mâ Kuô̆k hô̆i kong pơlê Lâm Đồng hiăng ai rôh pêi cheăng trâu hơngế ƀă Vi ƀan kong pơlê, Vi ƀan Mât trâ̆n Tơnêi têa Việt Nam kong pơlê rơtế mâu khu, kơvâ cheăng vâ séa ngăn, ‘nâi mâu tơdroăng ki pá puât, tơvâ tung tơdroăng pêi pro luât.

VOV.Xơ Đăng - Kơnôm tơdroăng ki kal khôi túa lĕm tro ƀă troăng hơlâ mơhnhôk châ tơƀrê, ôm hyô Dak Lak ƀă Khánh Hòa mơnhên tơdroăng ki châ tơƀrê rơdêi tung mâu khế apoăng hơnăm 2026 ƀă kơxô̆ tơmối rơtế pêi lo liăn tơtêk hluâ pơkâ.

VOV.Xơ Đăng - Hâi lơ 3/8, pơxiâm po rôh hôp ôh tá xê tiah hmâ má môi, Kuô̆k hô̆i hneăng 16. Tiô tối hdrối ton dâng 17 hâi hlối klâ pro 2 rôh pêi cheăng, rôh hôp mê kô séa ngăn 33 tơdroăng ki kal.

VOV.Xơ Đăng - Xông tơpui a hôp tơno tơdroăng kal, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi pơkâ tơpui kâ ƀă kong têa ê thế păng ‘nâng mơnhông hnoăng djâ troăng ahdrối tung tơdroăng rak hơniâp lĕm, tơniăn ƀă hbrâ tâi tâng kơxô̆ liăn pakong ăm mơnhông tơnêi têa.

VOV.Xơ Đăng - Klêi kơ’nâi tơ’mot kong pơlê, Lâm Đồng ôh tá xê to kơpong ki kân rơdâ ‘na tơnêi tíu, mê ối cho tíu ki ai hên tơmeăm khoăng ki vâ mơnhông ôm hyô ki preăng hlo tíu ê a Việt Nam ai, cho tíu ki tơkŭm kơpong kong ngo, kong ai, têa kơxĭ ai, long ai, xí têa ai, tơmeăm khoăng tung tơnêi ai, pêi chiâk pêi deăng tiô kŏng ngê̆ ki kân rơtế ƀă hên túa lĕm tro tiô khôi hmâ hdrông kuăn ngo. Pái kơpong tơnêi hiăng tơdjêp chiâng môi toăng hngêi. Laga, vâ chiâng môi tíu ki troh, xuân u ối hên hnoăng cheăng vâ pêi pro. Tơdroăng hâi kố, ngin ai ƀai “Ôm hyô Lâm Đồng-Tơnêi hiăng tơdjêp, troăng prôk xuân u ối tơklâ hên”, peăng apoăng tung khu ƀai: “Ôm hyô Lâm Đồng-Mâu tơmeăm pơklêp vâ chiâng môi tíu troh”.

VOV.Xơ Đăng - Kơxê lơ 30/7 a tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ hôp Khu hnê mơhno Tíu xiâm ‘na mơnhông khoa hok kong ngê̆, pơ’lêh nếo hriĕn plĕng ki nếo ƀă pơlêh cheăng tung măng.

VOV.Xơ Đăng - Hâi lơ 30/7, Khu kăn Kuô̆k hô̆i mâu kong pơlê Dak Lak, Lâm Đồng po hôp xo tơdroăng veăng hnê tối tung mâu hlá mơ-éa chêh dêi luât, hlá mơ-éa chêh troăng hơlâ luât pơkâ pơ troh ăm Rôh hôp oh tá xê tiah hmâ rôh má Mối, Kuô̆k hô̆i hneăng 16.

VOV.Xơ Đăng - A tíu pêi cheăng Chin phuh, pôa Lê Tiến Châu, Phŏ Ngế pro xiâm hnê ngăn tơnêi têa pơkuâ rôh pêi cheăng ƀă Khu xiâm pơkuâ hnê hriâm ƀă Hnê mơjiâng tuăn ngôa rơkê, mâu ngế rơkê, ngế cheăng khoa hok ƀă khu pơkuâ hnê hriâm vâ tơmâng mâu rơkong tơpui ‘na mâu tơdroăng kân dêi kơvâ hnê hriâm.

VOV.Xơ Đăng - Hâi lơ 30/7, Vi ƀan Pơkuâ cheăng Kuô̆k hô̆i tơkŭm po Hneăng hôp dêi Kuô̆k hô̆i ‘na tơdroăng pêi cheăng hơnăm séa ngăn 2026 ƀă pơxá: “Mơdêk tơdroăng cheăng Séa ngăn dêi Kuô̆k hô̆i: Sap troăng prôk troh pêi pro khât tung hneăng pêi cheăng Kuô̆k hô̆i  hneăng 16”.

VOV.Xơ Đăng - Vi ƀan kuăn pơlê kong pơlê Lâm Đồng tơkŭm po hôp tăng ngăn tah ki xơpá, tơvâ tơvân ƀă mâu tơdroăng tơkêa bro ‘no liăn mơjiâng tơmeăm khoăng.