Tơdah pôa Troy Rohrbaugh, Kăn xiâm pơkuâ liăn ngân lâp plâi tơnêi JPMorgan Chase, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa khĕn kơdeăn mâu hnoăng veăng 'no dêi hngêi rak liăn tung hnê mơhno, tŏng kum Chin phuh ƀă khu mơdró kâ Việt Nam mơhnhôk tăng liăn ing kong têa ê.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế JPMorgan Chase pơtối tŏng kum Việt Nam châ xúa châ tơƀrê mâu kơxô̆ liăn ing kong têa ê, tối ăm dêi rơpó túa ki rơkê tơtro 'na mơnhông kơchơ mơdró liăn ngân, pơkuâ chĕn ƀă 'măn kơdĭng liăn. Tơdah pôa Robert Thomson, Kăn xiâm phŏ hnê ngăn Grup pơkuâ Visa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa khĕn kơdeăn lối 30 hơnăm Visa rơtế ƀă kơchơ mơdró Việt Nam. Péa pâ tơpui tơno 'na mơdêk xúa kơxô̆, pơhlêh xúa kŏng ngê̆, mơnhông cheăng kâ xúa kŏng ngê̆ ƀă tŏng kum khu tê mơdró kŭn ƀă krâ kơvâ.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa Tô Lâm púi vâ mâu grup pơkuâ pơtối rơtế, veăng 'no hnoăng mơhnhôk kơxô̆ liăn ki dâi lĕm, mơdêk pơhlêh nếo tơmiât pêi rơkê ƀă pơhlêh xúa kŏng ngê̆ a Việt Nam.