VOV.Xơ Đăng - Tung tơdroăng phiu ro Đảng, hâk ro rơnó Hơngui mâu hâi apoăng hơnăm nếo Bính Ngọ, kơxo lơ 22/2 a Hà Nội, pôa Tô Lâm, Kăn xiâm pơkuâ hnê ngăn Đảng veăng ƀă xông tơpui a Leh mơhnhôk pêi pro ‘’Têt pêt loăng troh tá ah pâ Pôa Hồ’’ rơnó Hơngui Bính Ngọ 2026.

VOV.Xơ Đăng - Kơxê hâi lơ 22/2, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hôp tối tơdroăng Têt hơnăm nếo Bính Ngọ 2026 ƀă tơbleăng mâu tơdroăng cheăng pêi ki kal klêi Têt.

VOV.Xơ Đăng - Mâu hâi Têt lo hơnăm nếo, drêng hên rơpŏng tơkŭm dêi pó a djeăm hmê apoăng hơnăm, mê a tung dế têa kơxĭ  ai hên ká Trường Sa (kong pơlê Khánh Hòa), rơpâu kuăn pơlê tơnăng ká xi xŏng mâu kong pơlê Nam Trung Bộ xuân lo lăm a têa kơxĭ tơnăng, rế tơdah hơngưi tung dế têa kơxĭ rế tơnăng ká xi xŏng. Ƀă vâi, lo lăm tung dế têa kơxĭ Têt bu vêh drêng tung tuk pêng ká, tuk tro a kơno ká tơniăn.

VOV.Xơ Đăng -  “Rơnó Hơngưi tơdjuôm ivá rak têa kơxĭ – Têt pêng păm tuăn pâ pơla khu lêng ƀă kuăn pơlê’’ cho tơdroăng pơxá ngê̆ thuât xua Khu lêng pơkuâ lêng Kơpong 2 - Khu lêng gâk kring têa kơxĭ tơkŭm po klăng roh Têt Lo hơnăm nếo Bính Ngọ 2026. Tơdroăng mơđah tơbleăng tung hơtô, tuăn pâ ƀă tơdroăng ki veăng gum dêi mâu kăn teăng mâ mâu kơ koan, khu cheăng, kơvâ cheăng, khu râ kăn pơkuâ cheăm, bêng rơtế ƀă mâu rơpŏng ai hnoăng tơnêi têa, mâu kuăn muăn, cháu chái cho kuăn dêi vâi krâ kuăn pơlê tơnăng ká xi xŏng châ mô đô̆i khu lêng gâk kring têa kơxĭ tơdah roăng rak ƀă tơdroăng ki phiu ro dêi kăn ƀô̆, mâu lêng.

VOV.Xơ Đăng - Mơnhên troăng mơnhông Tây Nguyên klêi kơ’nâi Hneăng hôp má XIV dêi Đảng cho tơkŭm a troăng pêi tơtêk tơ’lêi hlâu, ai drêng trâm pá puât, ai drêng trâm niân nok, xúa ing ki rơkê plĕng dêi khoa hok - kŏng ngê̆ ƀă pơhlêh xúa kŏng ngê̆ pro ki mơdêk, vêh mơnhông pêi chiâk deăng kŏng ngê̆ rơxông nếo. Ki xiâm cho mơjiâng hngêi trăng, troăng klông, rak vế kong, tơniăn rak kơnhŏng têa, mơdêk tơdroăng rêh ối hdroâng mơngế ƀă mơjiâng thôn pơlê nếo krá tơniăn.

VOV.Xơ Đăng - Ƀă tơdroăng veăng tơmâng pêi kơtăng dêi khu cheăng kal kí ƀă kuăn pơlê, Tây Nguyên- Nam Trung Bộ hiăng  ƀă rĕng ‘mâi mơnhông klêi rôh khía mơhot kân têa lân lu hơnăm kố nah, nôkố dế pêi cheăng mơnhông krá tơniăn, púi vâ mơjiâng pơlê dêi kuăn pơlê ƀă tuăn mơno vâ pleăng hnoăng tơná dêi mâu hơnăm ối nếo Tây Nguyên tung hơnăm nếo Bính Ngọ 2026

VOV.Xơ Đăng - Rơtế ƀă lâp tơnêi têa koh tơdah rơnó Hơngui nếo Bính Ngọ, kuăn pơlê mâu hdroâng kuăn ngo Tây Nguyên xuân hâk tơngăm ƀă mâu tơdroăng klâi hiăng pơhlêh dêi pơlê cheăm, tơrŭm tơmiât troh hơnăm nếo tơdroăng rêh ối rế phâi hơtôu, hơniâp ro tâ.

VOV.Xơ Đăng - Klêi kơ’nâi tơ’mot chiâng môi ƀă kong pơlê Bình Định hdrối nah, kong pơlê Gia Lai nếo ai tíu mơnhông mơdêk kân rơdâ, ing kơpong tơnêi kân rơdâ chu tro a têa kơxĭ ƀă rơlố, mơjiâng chiâng ki tơ’lêi hlâu krip má môi ăm tơdroăng mơnhông ôm hyô, ƀă mâu tơmeăm hên hĭn tơmối vâ châ hlo châ tâ, tơdjêp pơla mâu kơpong. Kơnó inhên tơnêi rơlối mê, kong pơlê Gia Lai rĕng mơnhên troăng prôk dêi tơná, djâ kơvâ ôm hyô chiâng môi tung hơnăm ki xiâm cheăng kâ ki kal tung la ngiâ, hlối mơnhông ƀă rak vế, tăng cheăng pêi ăm kuăn pơlê ƀă pơkâ tơtêk krá tơniăn.

VOV.Xơ Đăng - A kơxo dêi hâi apoăng hơnăm nếo Bính Ngọ 2026, ngin pơtroh pó vâi krâ nhŏng o ƀă pú hmâ rơkong pơchuât Hlá Kơthô Rơkâu têt dêi pôa Lương Cường, Kăn xiâm hnê ngăn tơnêi têa troh tâi tâng kuăn pơlê, mố đô̆i tung lâp tơnêi têa.

VOV.Xơ Đăng - Klêi kơ’nâi tơ’mot pơla mâu kong pơlê, cheăm bêng, kơpong Tây Nguyên hiăng trối achê tâ ƀă têa kơxĭ ƀă kong tơbăng pá hdroh peăng Tơdế Tơnêi têa, ing mê, po chiâng môi kơpong ki mơnhông chiâng ki nếo tâi tâng. Ôh tá xê tot pơtê to ‘nâng tơdroăng ki tơkăng tơnêi, mê kơpong tơnêi kố dế hiăng ai hên tơdroăng ki pơhlêh kân rơdâ ‘na tơnêi tíu, ‘na tơdroăng roh nah, trối  “Kơpeăng kŏng ki vâ tơpông râng vê tơdroăng pêi cheăng kâ troh a têa kơxĭ, ing mê, chiâng ivá ki ó rơdêi vâ mơdêk tung cheăng kâ dêi tơnêi têa.