VOV.Xơ Đăng - Vi ƀan pơkuâ Kuô̆k hô̆i ăm rơkong veăng tơpui tối ƀă Hlá mơ-éa pơtroh dêi Chin phuh ‘na kơxop hlá mơ-éa mơjiâng pơkâ troăng hơlâ, tŏng gum krê ƀă tơdroăng mơjiâng hdi têa kơxĭ a pơlê kong kân Đà Nẵng.

VOV.Xơ Đăng- Hâi lơ 23/7, a tơraih tơƀai lâp plâi tơnêi Liên Khương pơxiâm tơbleăng kơneăng séa ngăn, ki tơƀrê dêi kơmăi mơhno troăng kơneăng ƀă mơ’no on ăm ‘nâi ai tơƀai, hbrâ ăm tơƀai vêh kơneăng nếo sap hâi lơ 19/8.

VOV.Xơ Đăng - Hâi lơ 23/7, a Kơpong hngêi kơmăi kơmok Ninh Thủy, bêng Đông Ninh Hòa, Kơpong cheăng kâ Vân Phong, kong pơlê Khánh Hòa tơkŭm po Tơdroăng tơkêa bro Hngêi kơmăi pro tơmeăm tuk (Block) pro nếo tuk dêi Kŏng ti Miboo Heavy Industries.

VOV.Xơ Đăng - A Tíu pêi cheăng xiâm Đảng, pôa Trần Cẩm Tú, Kăn hnê mơhno má môi Khu pơkuâ tơdroăng cheăng Đảng hiăng tơdah kăn teăng mâ Đảng Yân chuh Tư̆ yo Nhuk (LDP) xua pôa Hagiuda Koichi, Pôu râng tâi tâng hnoăng Kăn xiâm chêh tôm xo rơkong pơkuâ djâ khu râ kăn troh lăm pôu ƀă pêi cheăng a Việt Nam.

VOV.Xơ Đăng- Hâi lơ 23/7, pôa Lê Hoài Trung, Ngế xiâm tơpui kâ hiăng ai rôh trâm pôa Marco Rubio, Ngế xiâm tơpui kâ Mih pakĭng hneăng hôp mâu Ngế xiâm tơpui kâ ASEAN rôh má 59 (AMM-59) a Manila, Philippines.

VOV.Xơ Đăng - Ôh tá xâp ếo mố đô̆i xếo, ôh tá ai tơdroăng tơplâ xếo, mâu ngế lêng ki hdrối nah hiăng prôk kơtâ luâ mâu rôh tơplâ vêh ƀă tơdroăng rêh ối tiah hmâ, pêi chiâk klâng, păn mâu mơnăn mơnoâ, pêt mâu hdrê loăng lơ po mâu tíu tê tơmeăm xúa tung pêi chiâk deăng. A cheăm Krông Ana, kong pơlê Dak Lak, hiâm mơno túa rêh ối châ hriâm pât tung pơla pro lêng xuân ối hlo tung túa ki vâi pêi cheăng, tơkâ luâ xơpá ƀă veăng gum pơlê pơla ƀă mâu tơdroăng cheăng pêi ki nhên.

VOV.Xơ Đăng - Klêi kơ’nâi ‘mot tơkŭm, 3 to kong pơlê Dak Lak, Gia Lai ƀă Lâm Đồng ai ƀăng tơnêi lối 63,8 rơpâu km2, châ 1/5 ƀăng tơnêi tung lâp tơnêi têa, ƀă pơ’leăng mâ mơngế 10,79 rơtuh, tơ’mô 1/10 pơ’leăng mâ mơngế tung tơnêi têa. Maluâ dâng 2/3 pơ’leăng mâ mơngế dế tung hơnăm pêi cheăng, hên cheăm bêng ối kal hên mâu ngế pêi cheăng. Tiah mê mâu ngế pêi cheăng a Tây Nguyên dế ối ulâi tung lơgât pơtroh mâu ngế cheăng? Drêng mâu kơxô̆ liăn ‘no pêi cheăng lối hrĭng rơpâu rơtal pơtối pơtroh ăm, mâu kong pơlê ki kố kô pro klâi vâ pêi troh tơdroăng púi rơhêng vâ ai ngế pêi cheăng, lêi tah tíu kreăng, vâ kâi mơnhông? Tung ƀai má 2 dêi mâu ƀai “Pơkâ pêi thăm mơnhông dêi Tây Nguyên ƀă pơloăng mơnúa ‘na mâu ngế cheăng” dó inâi “Tăng mâu ngế cheăng ăm tơdroăng pơkâ pêi thăm mơnhông krá ton dêi Tây

VOV.Xơ Đăng - Kơxo lơ 23/7, a Hà Nội, pôa Lê Minh Hưng, Ngế pro xiâm hnê ngăn tơnêi têa hiăng troh ƀă xông tơpui a Hôp tơno tơdroăng kal pâ mơnê mơngế ai hnoăng ƀă kăch măng lâp tơnêi têa hơnăm 2026 ƀă mơhnhôk tơdroăng mơdêk tŏng gum mơngế ai hnoăng ƀă kăch măng.

VOV.Xơ Đăng - Khu xiâm pơkuâ Mô đô̆i kong pơlê Lâm Đồng nếo tơkŭm chiâ rôu tơkŭm 12 kơxêng kiâ mô đô̆i a cheăm Hòa Thắng, ƀă dế xo mauh sinh phẩm, séa mơnhên ADN mơnhên inâi mâu mô đô̆i ki hlâ tung tơplâ xâ kot mâ hơnăm 1967.

VOV.Xơ Đăng - Mâu hâi khế tơdrốu, drêng lâp tơnêi têa tơmiât troh tơbâ 79 hơnăm Hâi Mô đô̆i Rong râ – Hlâ hía (27/7/1947 - 27/7/2026), a Dak Lak, lối rơpâu ngế rơpŏng nhŏng o, rơpŏng hngêi mô đô̆i hiăng ai mâ a mâu tíu ki tơdah xo túa ADN ƀă môi tơdroăng tơngah tơdjuôm: klêi kơ’nâi hên chât hơnăm tơkôm, nhŏng o rơpŏng hngêi dêi tơná kô ai rôh ki châ krếo tro inâi.