Tơpui a rôh trâm mâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối ăm 'nâi Khu tơrŭm mâu khu tơrŭm cheăng nhŏng o Việt Nam cho khu ki xiâm, pêi cheăng tơdrêng dêi khu xiâm tơpui kâ kuăn pơlê. Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, kố cho tíu cheăng, hnoăng cheăng ki Đảng, Tơnêi têa, Kuăn pơlê hiăng mơnhên ƀă xuân cho hnoăng cheăng, hnoăng pơkuâ dêi Khu tơrŭm mâu khu tơrŭm cheăng nhŏng o Việt Nam athế pêi pro ƀă châ tơƀrê nhên.

Pơtối rak vế khôi hmâ tơpui kâ ƀă kong têa ê dêi kuăn pơlê tung plâ rơxông dêi hdroâng mơngế Việt Nam ƀă xúa rơkê troăng tơpui kâ Hồ Chí Minh, Kăn xiâm pơkuâ hnê ngăn Đảng, Kăn xiâm hnê ngăn tơnêi têa loi tơngah, Khu tơrŭm mâu khu tơrŭm cheăng Việt Nam kô chiâng tíu xiâm ki rơdêi, hbrâ rơnáu mơjiâng tơdroăng loi tơngah, pơhlêh tơdroăng loi tơngah chiâng ivá, ƀă mâu tơdroăng pêi pro ki nhên, veăng kum mơnhông tơnêi têa xông tơtêk tung chal mơnhông tơná.