Tơpui mơgêi roh hôp, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa vâ môi tuăn ƀă tơdroăng tối tơbleăng, mâu tơdroăng pâ thế dêi kơ koan pơkuâ cheăng xiâm tơnêi têa 'na mơgêi tơdroăng pêi pro ƀă hriăn plĕng 'mâi rơnêu, 'mot tơ'nôm tung Luât Đảng ƀă troăng hơlâ hbrâ hồ sơ pơtroh ăm Khu xiâm kal kí, pơtroh ăm Hneăng hôp Tíu xiâm Tơnêi têa 4.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế kal pê klêi tơdroăng pơkâ mơgêi mâu tơdroăng pêi ki ai khât ƀă hriăn plĕng 'mâi rơnêu, 'mot tơ'nôm tung Luât Đảng, pro tơniăn tro tiô pơkâ, nhên tơmeăm khoăng ƀă séa ngăn tro tơdroăng pêi pro. Kal séa ngăn nhên rêm tơdroăng pêi pro tiô hâi khế hơnăm, ‘na pơkâ thế ƀă tơmeăm khoăng ƀă luât séa ngăn tơmeăm pêi thế lĕm tro.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa Tô Lâm tối nhên "Bú hriăn plĕng 'mot tung luât mâu tơdroăng ki hiăng châ mơgêi, hiăng séa ngăn, ai tiô pơkâ, xiâm kối, tơniăn ton ƀă kal pêi pro tơdâng tơ'mô môi tuăn tung tâi tâng Đảng. Mâu tơdroăng ki tá hâi tŭm ki hâi ‘nâi xiâm kối thế pơtối hriăn plĕng, Ôh tá pơtroh tơdroăng hriâm chêh tung hlá mơ-éa luât mê tung luât”.