Pôa Phạm Gia Túc, Phŏ Ngế pro xiâm hnê ngăn tơnêi têa veăng hôp a Rôh hôp khu râ kăn xiâm Tê mơdró ƀă ‘No liăn cheăng ASEAN – Sinuâ
Thứ sáu, 11:00, 18/09/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Hâi lơ 17/9, a pơlê kong kân Nam Ninh, Kơpong pơkuâ ngăn xêh hdrông kuăn ngo Choang Quảng Tây, Sinuâ, pôa Phạm Gia Túc, Phŏ Ngế pro xiâm hnê ngăn Chin phuh pơkuâ djâ khu râ kăn xiâm Việt Nam veăng ai mâ a leh pơxiâm po kơchô Sinuâ – ASEAN (CAEXPO) ƀă Rôh hôp khu râ kăn xiâm Tê mơdró ƀă ‘No liăn cheăng Sinuâ – ASEAN (CABIS) rôh má 23.
Tơpui a rôh hôp, pôa Phạm Gia Túc, Phŏ Ngế pro xiâm hnê ngăn tơnêi têa mơnhên tối khât cheăng hbrâ rơnáu dêi tơnêi têa Sinuâ ƀă kăn pơkuâ Quảng Tây; loi CAEXPO ƀă CABIS pơtối po rôh tơrŭm cheăng nếo ăm khu mơdró kâ ƀă kuăn pơlê ASEAN – Sinuâ. Tiô phŏ Ngế pro xiâm hnê ngăn tơnêi tối, tung vâ chê pŭn chât hơnăm hdrối, tơrŭm cheăng ASEAN – Sinuâ hiăng chiâng môi tung mâu tơdroăng tơrŭm cheăng ƀlêi chiâng, tơniăn.
Kơxô̆ liăn châ xo ing tê mơdró pơla péa pâ tâk lối 130 xôh ƀă rôh apoăng tơkâ luâ 1.000 rơtal USD a hơnăm 2025, ăm ASEAN ƀă Sinuâ chiâng khu tơrŭm cheăng tê mơdró kân má môi dêi kuăn pơlê.
Viết bình luận