Tơdroăng séa ngăn tơmâng pêi pro tung hnoăng tơkŭm po, pêi cheăng khu kăn pơkuâ kong pơlê péa râ ƀă pêi pro mâu hnoăng cheăng, troăng hơlâ rak tơniăn mơnhông cheăng kâ tiô Pơkâ Hneăng hôp 14 dêi Đảng. Tơpui a hneăng hôp, pôa Lê Hoài Trung, Ngế xiâm tơpui kâ pơkâ thế Khu pơkuâ hnê ngăn cheăng Đảng kong pơlê Gia Lai pơtối séa ngăn, teăm tah tơdrêng tíu pro pá, tơvâ tơvân, pro hlâu ăm khu kăn pơkuâ kong pơlê péa râ pêi cheăng tơniăn, tơƀrê, achê kuăn pơlê ƀă achê pơlê cheăm kong pơlê.

Pakĭng mê, Gia Lai kal tơbleăng tơdâng tơ'mô mâu troăng hơlâ mơnhông pêi cheăng kâ châ tâk, xúa lĕm tro tơmeăm ki ai hlâu, ki pơxúa dêi kong pơlê; tơkŭm pêi pro klêi mâu tơdroăng ki ối tơvâ tơvân 'na 'no liăn cheăng, pro hngêi trăng, troăng klông ƀă mơngế pêi cheăng ki rơkê; tơdrêng amê hlối 'mâi rơnêu tŭm tâi tâng, tro tiô pơkâ mâu tơdroăng ki ối ối 'ro châ mơhno ing séa ngăn, tí tăng ngăn