Khu lêng Biệt động Sài Gòn chôu nhang tơbâ mô đô̆i hlâ tung tơplâ xâ a Kơdrum reăng Lê Thị Riêng
Thứ năm, 05:00, 17/09/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo lơ 16/9, Kâu lăk ƀô̆ Tơplâ xâ Khô̆i Biệt động Sài Gòn – Gia Định rơtế khu tơpui Biệt Động khu Tây Nam (Đô̆i 67A, Thiê̆u sinh quân ƀă tíu chôu ‘măn tơmeăm rôh nah Biệt động Sài Gòn – Gia Định hiăng troh koh tơbâ mâu ngế khên tơnôu a kơdrum reăng Lê Thị Riêng.
Tiô tối tơbleăng dêi Khu xiâm pơkuâ ngăn lêng Pơlê kong kân Hồ Chí Minh, sap ing hâi lơ 23/6 troh tâi hâi lơ 14/9, mâu khu lêng hiăng châ hlo, tơkŭm 632 kơxêng kiâ mố đô̆i a mâu kơpong tí tăng tung Kŏng viên Lê Thị Riêng.
Ai mâ kơ-êng mâu lêng Biệt động Sài Gòn, Thiê̆u tươ̆ng Nguyễn Thành Trung - Chính ủy Khu xiâm pơkuâ lêng Pơlê kong kân Hồ Chí Minh tối ăm 'nâi, tíu pêi cheăng dế tơkŭm po mơgêi hneăng má môi dêi Tơdroăng pêi cheăng 500 hâi măng tăng, tơkŭm ƀă mơnhên inâi kơxêng kiâ mố đô̆i, tung mê ai kơpong kŏng viên Lê Thị Riêng.
Tiô tối hdrối apoăng khế 10/2026, kơ koan cheăng kô tơkŭm po leh pôu ngăn, tơbâ ƀă leh 'mé mâu kơxêng kiâ mố đô̆i châ tăng hlo a Kŏng viên Lê Thị Riêng.
Viết bình luận