VOV.Xơ Đăng -  Kơxê lơ 16/4, pôa Lê Minh Hưng, Ngế pro xiâm hnê ngăn Chin phuh hiăng tơdah, pêi cheăng ƀă khu mê cho 52 khu tê mơdró kân, má môi dêi Mih xua pôa Brian McFeeters, Pôu râng hnoăng Kăn xiâm hnê ngăn Hô̆i đong tê mơdró Mih – ASEAN (USABC) pơkuâ djâ.

VOV.Xơ Đăng -  Vi ƀan kong pơlê Dak Lak hiăng môi tuăn pơtroh môi iâ tơnêi ki mơ’no pa kong ing Tơdroăng tơkêa bro troăng kân ăm phêp rơxế kơtâu têi Khánh Hòa – Buôn Ma Thuột bâ tơbêng troăng kân to a kông kuăn pơlê prôk lăm cheăm Vụ Bổn ƀă cheăm Krông Bông kong pơlê Dak Lak.

VOV.Xơ Đăng - Kơmăng hâi lơ 16/4, a pơlê kong kơdrâm Nam Ninh, Kơpong pơkuâ dêi kuăn ngo Choang Quảng Tây, Sinuâ, tung rôh râ kăn xiâm tơnêi têa lăm pôu Sinuâ, pôa Tô Lâm, Kăn xiâm pơkuâ hnê ngăn Đảng hiăng tơdah pôa Trần Cương, Ngế cheăng tung tíu xiâm Đảng Kŏng sản Sinuâ, Kăn hnê ngăn Đảng ủi, Ngế pơkuâ Vi ƀan pơkuâ cheăng hneăng Hôp kân nâu kuăn pơlê Kơpong pơkuâ dêi kuăn ngo Choang Quảng Tây.

VOV.Xơ Đăng - Drêng veăng hôp Hô̆i đong Tơrŭm cheăng Kuô̆k hô̆i râ má péa lâp plâi tơnêi rôh má 152 (IPU-152) a Istanbul, Thổ Nhĩ Kỳ, hâi lơ 16/4, pôa Trần Thanh Mẫn, Kăn xiâm hnê ngăn Kuô̆k hô̆i hiăng trâm pôa Yerlan Koshanov, Kăn xiâm hnê ngăn Kuô̆k hô̆i râ má péa Kazakhstan.

VOV.Xơ Đăng - Hâi lơ 16/4, Vi ƀan kong pơlê Dak Lak ƀă Kŏng ti xiâm troăng hyôh măng MobiFone kĭ tơkêa môi tuăn tơrŭm pơhlêh kơxô̆ hneăng hơnăm 2026 – 2030.

VOV.Xơ Đăng -  A Hà Nội, Khu xiâm Kŏng an tơkŭm po Hâi hlá mơ-éa Túa lĕm tro pơchuât hlá mơ-éa Việt Nam, mơhnhôk rak luât ‘na hlá mơ-éa tung Kŏng an kuăn pơlê.

VOV.Xơ Đăng - Pơtối lăm pôu râ Tơnêi têa troh Sinuâ, hâi lơ 16/4, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kơdrâi pôa rơtế ƀă mâu kăn xiâm Việt Nam hiăng troh pôu hlối pêi cheăng a pơlê kong kơdrâm Nam Ninh.

VOV.Xơ Đăng - Vi ƀan kong pơlê Quảng Ngãi nếo tơbleăng pơkâ kĭ troăng hơlâ mơ’no liăn cheăng tơdroăng tơkêa bro rơnêu, pro ilĕm mâu kơpong troăng ki u ối a troăng kân tơnêi têa 24 ƀă tâi tâng kơlo liăn mơ’no cheăng dâng 2.350 rơtal liăn.

VOV.Xơ Đăng - Kơmăng lơ 15/4 (tiô chôu kong vâi a Thổ Nhĩ Kỳ), pôa Trần Thanh Mẫn, Kăn xiâm hnê ngăn Kuô̆k hô̆i rơtế Khu râ kăn teăng mâ râ xiâm Việt Nam hiăng veăng Leh pơxiâm po Hneăng hôp rơtế roh má 152 dêi Khu tơrŭm Kuô̆k hô̆i râ má môi lâp plâi tơnêi (IPU-152) ƀă dó inâi “Păn tơdroăng pói tơngah, tơniăn hơniâp lĕm ƀă gâk kring tơdroăng ki lĕm tro luât ăm mâu rơxông la ngiâ”.

VOV.Xơ Đăng - Pơtối mâu tơdroăng pêi cheăng tung roh lăm pôu pêi cheăng râ Tơnêi têa troh a kong têa Sinuâ, kơhâi dế lơ 15/4 tiô chôu kong vâi, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă pôa Tập Cận Bình, Kăn xiâm pơkuâ hnê ngăn Đảng, Kăn xiâm hnê ngăn tơnêi têa troh veăng ƀă xông tơpui a roh trâm mâ droh rơtăm Sinuâ – Việt Nam veăng Tơdroăng pêi cheăng ‘’Troăng prôk ti tăng plĕng ‘na kăch măng, ‘na tuăn ihiâm Đảng ƀă tuăn pâ pú hmâ hriăn plĕng hriâm tâp.’’