VOV.Xơ Đăng - Kơxê lơ 17/9, Khu séa ngăn, tí tăng ngăn kơxô̆ 230 dêi Khu xiâm pơkuâ tơdroăng kal kí, Khu pơkuâ hnê ngăn Đảng tơkŭm po hneăng hôp tơbleăng tơdroăng chêh tung hlá mơ-éa tơbleăng klêi kơ'nâi séa ngăn ƀă Khu pơkuâ hnê ngăn Đảng kong pơlê Gia Lai.

VOV.Xơ Đăng - A Ƀơrô cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ roh hôp dêi Khu hnê mơhno cheăng xiâm tơnêi têa 'na mơgêi tơdroăng pêi pro ƀă hriăn plĕng 'mâi rơnêu, 'mot tơ'nôm tung Luât Đảng.

VOV.Xơ Đăng - Hâi lơ 17/9, a thôn Ân Niên, bêng Tuy Hòa, Vi ƀan hnê ngăn kong pơlê Dak Lak tơkŭm po hiăng pro klêi 100 toăng hngêi hôp tơdjuôm hlối cho hngêi ki hmuâ ối tung pơla kong mê khía mơhot têa kân lân lu.

VOV.Xơ Đăng - Mâu hâi hdrối kố nah, kong mê pơtối u ối ƀă têa đik kân lân lu drô troăng prôk, tơbleăng tối rơnó mê hngê têa kân lân lu hiăng mot tung roh ki rơ-iêo. A mâu cheăm peăng mâ hâi Lo kong pơlê Dak Lak, kuăn pơlê ƀă kăn pơkuâ rêm râ hiăng hbrâ rơnáu hên túa pơkâ pêi, khŏm mơ-eăm vâ pôi tá tro kơdrâ drêng kong mê têa kân lân lu.

VOV.Xơ Đăng - Kơxê lơ 16/9, a Hngêi Kuô̆k hô̆i, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, Kăn pơkuâ Khu râ kăn séa ngăn, mơnhên ngăn kơxô̆ 218 dêi Khu xiâm kal kí hiăng pơkuâ Hneăng hôp tơbleăng tơdroăng tơkêa bro mơ-éa chêh hdrối Tơbleăng tơdroăng séa ngăn, mơnhên ngăn rôh 3 ƀă Khu pơkuâ Đảng ŭy Kuô̆k hô̆i.

VOV.Xơ Đăng - Hâi lơ 16/9, Ƀaoh hiêm pơlê pơla kong pơlê Dak Lak tơkŭm po Hneăng hôp tơbleăng tơdroăng 215 Khu luât xôi kân 'na pro pơlăm pơlối ƀaoh hiêm khăm pơlât.

VOV.Xơ Đăng - Kơxê (16/9), a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ po Rôh hôp tơdroăng mơjiâng luât khế 9/2026, séa ngăn, ăm rơkong tơpui tối ƀă 08 tơdroăng tơkêa luât, pơkâ hbrâ pơtroh ăm Hneăng hôp má 2, Kuô̆k hô̆i hneăng má XVI.

VOV.Xơ Đăng - Pêi pro “Tơdroăng cheăng 500 hâi măng”, kơxo lơ 16/9, Khu hnê mơhno ‘na tăng rôu, tơkŭm ƀă mơnhên inâi kơxêng kiâ mố đô̆i hlâ (Khu Hnê mơhno 515) kong pơlê Dak Lak tơkŭm ăm lêng lăm tăng rôu, pơcháu hnoăng cheăng ăm Đô̆i K51 pêi pro hnoăng cheăng tăng rôu, tơkŭm kơxêng kiâ mố đô̆i hlâ khu ngế ki pleăng dêi hnoăng ƀă khu ki rơkê Việt Nam hlâ a Kul, rơnó tôu 2026-2027. 

VOV.Xơ Đăng - Kơxo lơ 16/9, a Học viện Chính trị Quốc gia Hồ Chí Minh, pôa Lê Minh Hưng, Ngế pro xiâm hnê ngăn tơnêi têa hiăng tơpui tơno ƀă tối tơbleăng tơdroăng ki kal "Mơdêk ivá pơkuâ dêi Chin phuh, pro tơdroăng ki tơƀrê rơdêi ăm mơnhông rĕng, krá tơniăn ƀă mơdêk péa kơxô̆" ăm mâu ngế hriâm Lâm ƀô̆ hnê thăm, tơ'nôm tơdroăng ki rơkê plĕng ăm Kăn cheăng tung Tíu xiâm Đảng hneăng XIV – Lâm râ má péa.

VOV.Xơ Đăng - Kơxo lơ 16/9, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng tơdah Khu râ kăn teăng mâ Vi ƀan Liăn ngân ƀă cheăng kâ dêi Kuô̆k hô̆i kong têa Sinuâ xua pôa Chung Sơn, Kăn pơkuâ Vi ƀan pơkuâ djâ dế ai rôh lăm pôu, pêi cheăng a Việt Nam.