Tơpui tơno ƀă mâu ngế hriâm Lâm hnê thăm, tơ'nôm tơdroăng ki rơkê plĕng 'na tơdroăng “Mơdêk ivá pơkuâ dêi Chin phuh, pro pơhlêh rơdêi ăm mơnhông mơdêk rĕng, krá tơniăn ƀă mơdêk péa kơxô̆", pôa Lê Minh Hưng, Ngế pro xiâm hnê ngăn tơnêi têa tối nhên, Hneăng hôp XIV dêi Đảng cho tơdroăng ki kal tung tơdroăng ton nah, pơxiâm po hneăng mơnhông mơdêk nếo dêi hdroâng mơngế Việt Nam.

Vâ pêi pro klêi péa tơdroăng pơkâ pêi ton xŏn 100 hơnăm (troh hơnăm 2030, chiâng tơnêi têa dế mơnhông mơdêk ai kơmăi kơmok tiô rơxông nếo, pêi lo liăn tơdâng hên ƀă troh hơnăm 2045, chiâng tơnêi têa mơnhông mơdêk, pêi lo liăn hên), troăng prôk 5 hơnăm 2026-2031 ai pơxúa kal khât, pro xiâm kối krá tơniăn ăm hneăng ki pơtối, tung mê, tơdroăng cheăng kâ thế mơnhông mơdêk, châ kơlo tâk péa kơxô̆.

Rơtế ƀă mâu troăng hơlâ pơkâ, tơdroăng tŏng veăng ki kân, tơtro, mơnhông tơƀrê dêi Đảng, Tơnêi têa, môi tơdroăng kal xiâm vâ pêi pro tơdroăng pơkâ pêi a kơpêng cho athế pro mâu tơdroăng pơhlêh tơƀrê, rơdêi, ai pơxúa ‘na ivá pêi cheăng pơkuâ dêi Chin phuh, tơdrêng amê hlối pêi pro pơhlêh ivá pêi cheăng pêi dêi rêm râ, mâu kơvâ cheăng ƀă kong pơlê.