Dak Lak nôkố ai lối 2,7 rơtuh ngế veăng ƀaoh hiêm khăm pơlât, châ 99,9% pơkâ, tâk lối 146.000 ngế tâng pơchông ƀă hơnăm hdrối. A hneăng hôp, mâu kăn teăng mâ châ tối tơbleăng 'na mâu tơdroăng ki pro pơxúa ăm dêi tơná ing kơxô̆ liăn ƀaoh hiêm môi tiah xúa theh dêi mơngế ki ê, pro pơlăm pơlối lơ 'mâi rơnêu hô sơ, pro mơdon hô sơ khăm pơlât, chêl liăn ôh tá tro tơdroăng… vâ pro pơxúa ăm dêi tơná ing kơxô̆ liăn ƀaoh hiêm.

Tơdroăng châ 'nâi, mơdât ƀă pơxâu phâk kơtăng mâu tơdroăng ki pro pơxúa ăm dêi tơná ing kơxô̆ liăn ƀaoh hiêm vâ rak tơniăn hnoăng pơxúa mơngế ki veăng ƀă pêi pro châ tơƀrê troăng hơlâ tŏng kum rêh ối pơlê pơla dêi Đảng, Tơnêi têa.