Đô̆i K51 (Dak Lak) lăm tăng rôu, tơkŭm kơxêng kiâ mố đô̆i hlâ a Kul
Thứ năm, 05:00, 17/09/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Pêi pro “Tơdroăng cheăng 500 hâi măng”, kơxo lơ 16/9, Khu hnê mơhno ‘na tăng rôu, tơkŭm ƀă mơnhên inâi kơxêng kiâ mố đô̆i hlâ (Khu Hnê mơhno 515) kong pơlê Dak Lak tơkŭm ăm lêng lăm tăng rôu, pơcháu hnoăng cheăng ăm Đô̆i K51 pêi pro hnoăng cheăng tăng rôu, tơkŭm kơxêng kiâ mố đô̆i hlâ khu ngế ki pleăng dêi hnoăng ƀă khu ki rơkê Việt Nam hlâ a Kul, rơnó tôu 2026-2027.
Tơpui pơcháu hnoăng, pôa Đào Mỹ, Phŏ hnê ngăn Vi ƀan kong pơlê, Ngế pơkuâ Khu Hnê mơhno 515 kong pơlê Dak Lak, pơkâ thế Đô̆i K51 rak ivá khên tơnôu ‘na cheăng kal kí, pêi pro kơtăng tiô túa Khu lêng, pơkâ tơniăn ƀă luât dêi Kul; tơdrêng amê hlối hbrâ rơnáu tơrŭm ƀă khu ki ai tơdjâk troh ƀă kăn pơkuâ kong têa pú tung pơla pêi pro hnoăng cheăng.
Kăn pơkuâ kong pơlê Dak Lak xuân pơkâ thế tíu pêi cheăng pêi pro tro hnoăng cheăng tơpui kâ cheăng lêng, hnê mơhnhôk, veăng gum ‘mâi mơnhông tơrŭm tơroâ, tơrŭm khôi hmâ Việt Nam – Kul. Teăng mâ Đô̆i K51 tối rơdêi khŏm ‘mâi mơnhông xơpá, tơkŭm tí tăng khoa hok, krá tơniăn, djâ tơ’nôm kơxêng kiâ mố đô̆i hlâ vêh dêi ngi Tơnêi têa.
Viết bình luận