VOV.Xơ Đăng - Hâi lơ 30/5, a Tíu xiâm Pơkuâ hnê ngăn cheăng Đảng, pôa Tô Lâm, Kăn xiâm pơkuâ hnê ngăn hiăng tơdah pôa Thongsalith Mangnomek, Kăn hnê ngăn Ƀơrô xiâm Đảng Nhân yân Kăch măng Lếo dế ai roh lăm pôu pêi cheăng a Việt Nam.

VOV.Xơ Đăng - Kong pơlê Dak Lak hiăng thăm mơdêk tơdroăng hnê khĕn, tối pơtâng, mơdât tơdroăng ki ôu hât a mâu tíu pêi cheăng, tíu rêh kâ ối.

VOV.Xơ Đăng - Hâi lơ 30/5, a kong têa Nhuk, pôa Nguyễn Chí Dũng, Phŏ Ngế pro xiâm hnê ngăn tơnêi têa hiăng hôp tơpui tơno ƀă pôa Ishiba Shigeru, Ngế pro xiâm hnê ngăn kong têa Nhuk drêng veăng Hôp tơpui tơdroăng tung La ngiâ dêi châu Á rôh má 30.

VOV.Xơ Đăng - Khu xiâm ngăn Hnê hriâm ƀă Hnê mơjiâng tuăn ngôa rơkê kong pơlê Kon Tum hiăng mơjiâng khu lăm séa ngăn troh a mâu hngêi trung vâ kơ-êng mâu hok tro, kơjo gum, hlối pâ thế Ngế pơkuâ hngêi trung séa ngăn nhên tơdroăng ki hok tro hriâm rơbot ƀai ton tơrêm hâi, tơrêm măng tĭng mê.

VOV.Xơ Đăng – Tung 2 ƀai hdrối dêi khu ƀai chêh “Pơ’lêh kân rah xo iâ mơngế pơkuâ cheăng – Mêa mơnúa on, pá puât pơloăng mơnúa hiâm mơno kăn ƀô̆”, ngin hiăng pơtroh mơhno ăm pó vâi krâ nhŏng o ƀă pú hmâ um méa mâu kăn ƀô̆ ki lôi tơdroăng krê dêi rơpŏng hngê tơná, pleăng tơná lăm pêi cheăng a tíu ki nếo; mâu tơdroăng chôu pâ pơloăng mơnúa, mơnúa ivá kơnía tung tơdroăng ki pá, klâ xing xoăng mơjiâng kong pơlê nếo chiâng tơdroăng hiăng hmâ pêi cheăng, ai tuăn chân rơkê, kơhnâ khât vâ pơtối pơ’lêh kân ki nếo rah xo iâ mơngế pơkuâ pêi cheăng, tơdroăng cheăng rế lĕm dế thâ tơbleăng pêi.

VOV.Xơ Đăng - Hâi lơ 30/5, a Tokyo, kong têa Nhuk, pôa Nguyễn Chí Dũng, Phŏ Ngế pro xiâm hnê ngăn tơnêi têa hiăng ai ƀai xông tơpui ki kal a Hneăng hôp la ngiâ châu Á, tơbleăng tối troăng hơlâ mơnhông dêi Việt Nam ƀă pơkâ mâu troăng mơjiâng châu Á krá tơniăn.

VOV.Xơ Đăng - Mâu hâi hdrối kố nah, drô troăng kơphô̆ pơlê kong kơdrâm Gia Nghiã (Dak Nông) hlo ai troăng rơheăng kân, pro pá tơdroăng prôk lăm dêi kuăn pơlê ƀă hlối rơ-iô ôh tá tơniăn ‘na prôk drô troăng.

VOV.Xơ Đăng –   Kong pơlê Lâm Đồng dế thăm pêi pro hên troăng pêi mơhnhôk ôm hyô, tơmiât troh pơkâ pêi tơdah 11 rơtuh roh tơmối tung hơnăm 2025.

VOV.Xơ Đăng –   Hâi lơ 29/5, pôa Nguyễn Xuân Thắng, Kăn pơkuâ Hok viê̆n Kal kí tơnêi têa Hồ Chí Minh hiăng pêi cheăng ƀă Khu pơkuâ tơdroăng cheăng Đảng kong pơlê Bình Định ƀă Gia Lai ‘na tơdroăng tơmot chiâng môi tíu pêi cheăng tơnêi têa râ kong pơlê.

VOV.Xơ Đăng –  Kơxê lơ 29/5, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng trâm mâ Khu râ kăn teăng mâ Kuô̆k hô̆i mâu hneăng kong pơlê Hậu Giang, klăng roh lăm pôu hriâm tâp leh tơbâ 80 hơnăm Hâi Tâ phĭu rah xo apoăng rah xo Kuô̆k hô̆i Việt Nam (6/1/1946).