VOV.Xơ Đăng - Hơnăm 2026-2027, Hngêi trung râ má môi, Hngêi trung râ má péa, Hngêi trung râ má pái phôh thong ai tíu kâ koi ối pơtê Văn hoá Công an Nhân dân II dêi Khu xiâm ngăn ‘na Kŏng an a kong pơlê Dak Lak koh tơdah mâu hok tro ki apoăng. Ing mê, châ veăng gum ăm mâu vâi hdrêng ki ai tơdroăng rêh ối pá puât, kuăn ‘nĕng cháu chái hdrông kuăn ngo, rơpŏng ki ai hnoăng tơnêi têa, rơpŏng kơtiê, rơpŏng chê kơtiê, hngêi trung nếo ôh tá xê to mơjiâng tíu, mơjiâng tơdroăng mơhriâm tâp, hnê mơjiâng tơniăn, tro tiô luât mê ối po rơdâ roh ki tơ’lêi hlâu vâ vâi o châ pơtối troh a hngêi trung, păn roăng dêi hiâm mơno ki pói vâ.

VOV.Xơ Đăng - Kơxê lơ 7/9/2027, a pơlê kong xiâm Seoul, tung rôh pôu păng ‘nâng Hàn Quốc, Pôa Trần Thanh Mẫn, Kăn xiâm hnê ngăn Kuô̆k hô̆i tơpui tơno ƀă jâ Han Seong Sook, Ngế pro xiâm hnê ngăn kong têa Hàn Quốc.

VOV.Xơ Đăng - Tung rôh lăm pôu râ Tơnêi têa kong têa Rusi, kơxê lơ 7/9, a pơlê kong xiâm Moskwa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơdah pôa Gennady Zyuganov, Kăn xiâm pơkuâ hnê ngăn Đảng Kŏng san kong têa Rusi.

VOV.Xơ Đăng - Ia Ly cho kơpong tơnêi ai hên hnoăng cheăng kăch măng dêi kong pơlê Gia Lai. Tung mâu hơnăm tơplâ nah, kuăn pơlê tíu kố môi ihiâm mơno gâk ngăn, kring vế pơlê pơlê pơla, gum ivá, tơmeăm khoăng xông tơplâ xâ. Hâi kố, khôi túa lĕm tro mê dế châ pơtối rak vế ƀă pêi pro tiô mâu troăng ki nếo tung mơnhông cheăng kâ, rêh ối tiô khôi túa lĕm tro ƀă mơjiâng pơlê xiâm.

VOV.Xơ Đăng - Tiô rơkong krếo thế dêi pôa Cho Jeong Sik, Kăn xiâm hnê ngăn Kuô̆k hô̆i prế kơdrâi pôa, pôa Trần Thanh Mẫn, Kăn xiâm hnê ngăn Kuô̆k hô̆i prếi kơdrâi pôa pôu păng ‘nâng Hàn Quốc sap ing hâi lơ 6 troh lơ 9/9/2026.

VOV.Xơ Đăng - Kơxo lơ 7/9, a Hà Nội, Đảng ủi mâu kơ koan Đảng Tíu xiâm tơnêi têa tơkŭm po Hôp tơno tơdroăng kal Khu hnê mơhno Đảng ủi khế 8.

VOV.Xơ Đăng - Klêi kơ’nâi tơmot chiâng môi, kong pơlê Lâm Đồng nếo ai ƀăng tơnêi kong kân má môi lâp tơnêi têa, châ lối 1 rơtuh 100 rơpâu ha. A hên pơlê cheăm, mâu vâi krâ pơlê, ngế ki châ kuăn pơlê loi tơngah kơpong hdrông kuăn ngo ai hnoăng ki kân má môi tung kring vế, gak ngăn ƀă mơnhông pêt rak ngăn kong. Vâi cho “tuăn mâ” dêi khu gak ngăn kong ki rơkê, xuân cho mâu ngế rak kong achê a mâu kơpong hiăng châ pơcháu rak ngăn.

VOV.Xơ Đăng - Rơtế ƀă hok tro tung lâp tơnêi têa, lối rơpâu ngế a mâu kong pơlê hngế hngo dêi Tơnêi têa hiăng mot tung hơnăm hriâm nếo. Sap ing mâu cheăm tơkăng kong Tây Nguyên troh mâu hngêi trung hriâm a chuăn Trường Sa, idrâp hơkâ chuât pơxiâm ăm hơnăm hriâm nếo hiăng châ tôu, pơxiâm ăm môi hơnăm hriâm ƀă hên tơdroăng tơngah.

VOV.Xơ Đăng - Tỉnh ủi Dak Lak nếo tơkŭm po Hôp tơno tơdroăng kal trâm mâ kăn ƀô̆ ki châ rah pêi cheăng tung Khu pơkuâ, Khu hnê mơhno Tỉnh ủi ƀă mâu kăn pơkuâ ki xiâm dêi kong pơlê, hneăng hơnăm 2025 – 2030, 2026 – 2031.

VOV.Xơ Đăng - Tiô rơkong krếo thế dêi pôa Vladimir Putin, Kăn xiâm pơkuâ kong têa Rusi, hâi 7/9, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kơdrâi pôa rơtế Khu râ kăn teăng mâ râ xiâm Việt Nam lo ing Hà Nội prôk troăng lăm pôu râ Tơnêi têa troh kong têa Rusi.