VOV.Xơ Đăng - Hâi kố, lơ 1/12, pôa Tô Lâm, Kăn xiâm pơkuâ hnê ngăn Đảng rơtế kơdrâi pôa ƀă khu râ kăn xiâm tơnêi têa pin pơxiâm roh lăm pôu râ Tơnêi têa troh a kong têa Lếo, veăng Leh tơbâ 50 hơnăm Hâi mơjiâng tơnêi têa Kŏng hoa Yân chuh Nhân yân Lếo.

VOV.Xơ Đăng - Hlo tơdroăng kong prâi rơ-iô, tơ’lêi pro ôh tá tơniăn, kong pơlê Gia Lai dế pêi pro tơdroăng mơhno tíu pro pơlê nếo ăm kuăn pơlê a 16 to kơpong ki ôh tá mơhúa tro kong prâi pro ôh tá tơniăn.

VOV.Xơ Đăng - Hâi lơ 27/11, a Hà Nội, Đảng, Tơnêi têa pin po kân krip Leh tơbâ 50 hơnăm hâi Mơjiâng tơnêi têa Kŏng hoa Yân chuh Nhân yân Lếo (2/12/1975-2/12/2025) ƀă 105 hâi kot mâ pôa Kaysone Phomvihane - Kăn xiâm hnê ngăn kong têa Lếo, hâi lơ (13/12/1920-13/12/2025).

VOV.Xơ Đăng - Kong pơlê Khánh Hòa dế mot tung pơla ki hbrâ rơnáu khât vâ hbrâ ví  xía vâ khía kân má 15 plong mot.

VOV.Xơ Đăng –  Kơxê lơ 27/11, a Hngêi Kuô̆k hô̆i hiăng tơkŭm po Hôp Khu hnê mơhno, Khu tơkŭm po Pri Diên Hồng roh má 4 hơnăm 2026.

VOV.Xơ Đăng - Kơxê lơ 27/11, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa, Kăn xiâm hnê ngăn Hô̆i đong Tơ’noăng Kheăn kơdeăn Tơnêi têa pơkuâ roh hôp roh má 15 Hô̆i đong Tơ’noăng Kheăn kơdeăn Tơnêi têa vâ hbrâ tơkŭm po Hneăng Tơ’noăng pâ nhuô̆m Tơnêi têa roh má XI ƀă séa ngăn tơpui ‘na tơdroăng pơkâ diâp inâi ngế khên tơnôu khu lêng kuăn pơlê, ngế khên tơnôu pêi cheăng.

VOV.Xơ Đăng - Hâi lơ 27/11, Vi ƀan kong pơlê Gia Lai tơbleăng tơdroăng ki thâ ‘na kong prâi pro ôh tá tơniăn xua mơhot ƀă têa lân lu a 77 cheăm, bêng tung kong pơlê. Rơtế hâi mê, kong pơlê xuân thâ pêi pro mâu troăng hbrâ ví drêng mơhot 15 tơ’lêi plong mot.

VOV.Xơ Đăng - Kal mơnhên inhên tơdroăng ki châ tơƀrê ƀă ki kơnâ, tơkŭm kơjo mâu kơvâ pêi cheăng ton xŏn châ tơƀrê hluâ pơkâ drêng xúa mâu troăng hơlâ kơjo mơ’no liăn cheăng, cho rơkong tơpui châ hên kăn teăng mâ Kuô̆k hô̆i tối tung roh tơpui tơno a hngêi hôp kân ‘na tơdroăng tơkêa bro Luât Mơ’no liăn cheăng (‘mâi rơnêu).

VOV.Xơ Đăng – Klêi kơ’nâi têa hiăng xiâ, mâu kơvâ cheăng dêi kong pơlê Dak Lak dế tơkŭm ivá vâ ‘mâi mơnhông tơdroăng rêh kâ ối, khăm pơlât, hnê hriâm ƀă tơdroăng pêi cheăng kâ ăm kuăn pơlê kơpong ki têa kân lân lu peăng mâ hâi Lo. Troh nôkố, tâi tâng 34 to cheăm, bêng ki tro tơdjâk hiăng châ tŏng gum tŭm kế kâ, têa ôu.

VOV.Xơ Đăng – Kơxo hâi 27/11, a Hà Nội, veăng Hôp mâu Kăn tung lâp tơnêi têa dêi Khu mơdró hơnăm ối nếo Việt Nam rôh má 8, hneăng 2025-2030, pôa Phạm Minh Chính - Ngế pro xiâm hnê ngăn tơnêi têa pơkâ thế khu mơdró hơnăm ối nếo Việt Nam pơtối pêi rơdêi ivá hơnăm ối nếo, kơhnâ, ƀă tuăn pâ nhoăm tơnêi têa, tơdroăng hmâ pêi ton nah dêi hdroâng mơngế pêi 6 tơdroăng “ki ahdrối” ƀă mơhnhôk tơ’noăng “6 má môi”.