VOV.Xơ Đăng - Kơxêi hâi lơ 27/8, a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ po rôh pêi cheăng ƀă Khu tơrŭm cheăng xiâm tơnêi têa ƀă mâu kơ koan ki tơdjâk troh ăm veăng tơpui tối 'na Tơdroăng tơkêa bro thăm mơdêk, mơjiâng pro lĕm tro Đảng ƀă khu cheăng kal kí krúa lĕm, krá rơdêi tâi tâng, tơxâng pơkâ mơnhông dêi tung tŭm tơdroăng, ai tiô pơkâ mơnhông dêi tơnêi têa tung rơ xông nếo.

VOV.Xơ Đăng - Vi ƀan hnê ngăn kong pơlê Dak Lak hiăng pơkâ ăm phêp Kŏng ti veăng tơlo liăn cheăng mơjiâng pro on tơhrik ki vêh pro nếo Nam Việt Phú Yên tơbleăng tơdroăng tơkêa bro Hngêi kơmăi on tơhrik kơtâu ƀă khía 48 MW, tâi tâng kơxô̆ liăn vâ chê 1.460 rơtal liăn.

VOV.Xơ Đăng –  Tơmeăm khoăng Hngêi trung Phôh thong ai tíu kâ koi ối pơtê tơdjêp râ a cheăm tơkăng kong Ia Pŭch, kong pơlê Gia Lai dế pro klêi lâm hriâm, kơpong ối pơtê troh 'mâi rơnêu plông hngêi trung, teăm tơdah hok tro tung hâi pơxiâm mot hơnăm hriâm.

VOV.Xơ Đăng –  Hâi lơ 27/8, khu râ kăn pêi cheăng dêi Khu xiâm pơkuâ liăn ngân hiăng ai rôh pêi cheăng ƀă Vi ƀan kuăn pơlê kong pơlê Quảng Ngãi ‘na mơnhông cheăng kâ rêh ối pơlê pơla dêi kong pơlê kố.

VOV.Xơ Đăng –  Kơxê lơ 27/8, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa tơdah Kăn teăng mâ, Ngế ối a ko kơ koan teăng mâ tơpui kâ ƀă kong têa ê mâu kong têa ASEAN troh koh hmât tơpui tơno.

VOV.Xơ Đăng - Tơbâ 81 hơnăm Hâi Kăch măng Khế Tơheăm ƀlêi chiâng ƀă Hâi mơjiâng tơnêi têa lơ 2/9, kơxo lơ 27/8, a Hà Nội, pôa Trần Thanh Mẫn, Kăn xiâm hnê ngăn Kuô̆k hô̆i veăng leh tơbleăng kơxop hlá mơ-éa "Ivá rơdêi dêi hdroâng mơngế Việt Nam tung tơdroăng mơjiâng ƀă gâk kring Tơnêi têa" dêi Đăi tươ̆ng Lương Cường, Kăn xiâm hnê ngăn kong têa Kŏng hoa xah hô̆i chuh ngiah Việt Nam hneăng hdrối.

VOV.Xơ Đăng - Kơxê lơ 26/8, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn Chin phuh pơkuâ Po rôh hôp Chin phuh Tơdroăng xiâm mơjiâng pro luât khế 8/2026, rôh hôp má péa, ăm rơkong tơpui ‘na 11 to tơdroăng tơkêa bro luât hbrâ vâ pơtroh ăm Kuô̆k hô̆i.

VOV.Xơ Đăng – Đăi tươ̆ng Phan Văn Giang rơkâu pôa Nguyễn Khánh Trung hâk tơngăm châ tơdah Mê dái 80 hơnăm Đảng, kơxuô tơmeăm ki kơnía mơnhên tơdroăng pơtâp, pleăng ăm tơdroăng cheăng kăch măng dêi Đảng.

VOV.Xơ Đăng - Kơxê lơ 26/8, kong pơlê Dak Lak tơkŭm po Rôh hôp mơnhên tối klêi kơ’nâi pêi pro Hlá mơ-éa chôu vế ‘na cheăng tơrŭm tơroâ ƀă kong pơlê Mondulkiri, kong têa Kul pơla hơnăm 2024 – 2035.

VOV.Xơ Đăng - Kơxê lơ 26/8, a Ƀơrô Tíu xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pêi cheăng ƀă Khu tơkŭm po tơdroăng cheăng Tíu xiâm Tơnêi têa ‘na Tơdroăng tơkêa bro mơgêi Tơdroăng xiâm tơbleăng a rôh hôp kơxô̆ 26 ‘na tơkŭm mơjiâng khu kăn ƀô̆ mâu râ, ki má lối cho râ pêi cheăng ton xŏn.