VOV.Xơ Đăng - Kơxê hâi lơ 24/3, a Tíu pêi cheăng Khu xiâm tơpui kâ, pôa Đặng Hoàng Giang, Phŏ ngế xiâm tơpui kâ, Ngế xiâm pơkuâ ngăn khu SOM ASEAN Việt Nam hiăng tơdah pôa Iain Frew, kăn teăng mâ Kong têa Ănglê a Việt Nam vâ tơpui tơno ‘na tơrŭm cheăng ASEAN – Ănglê ƀă tơrŭm cheăng pơla Việt Nam - Ănglê.

VOV.Xơ Đăng - Kŏng an kong pơlê Gia Lai dế tối tơbleăng tơdroăng 90 hâi vêh pro tơdroăng tơniăn tung pơlê pơla, rak tơniăn a kơphô̆; tơkŭm pơxâu phâk tơdroăng ki hdi xo tơnêi kĭng troăng a mâu kơpong kơchơ ƀă a mâu troăng kơphô̆ ki hên kơdrâm kuăn pơlê rêh ối; tung tơdroăng mê vâ pro tơnêi tơníu kơphô̆ ngiât-krúa-lĕm koh tơdah Hơnăm Ôm hyô tơnêi têa 2026.

VOV.Xơ Đăng - Tung rôh lăm pôu kong têa Rusi, pôa Phạm Minh Chính, Ngế pro xiâm hnê ngăn tơnêi têa tơdah pôa Ziu-ga-nốp (Zyuganov) Kăn hnê ngăn Đảng Kŏng sản kong têa Rusi.

VOV.Xơ Đăng - Pêi pro tiô hnê mơhno dêi Ngế pro xiâm hnê ngăn Chin phuh ‘na mơdât tơnăng ká ki ôh tá tro luât, ôh tá vâ tối tơbleăng ƀă ôh tá vâ rak vê pêi pro tiô pơkâ (IUU), sap hâi lơ 1/7 la ngiâ, tâi tâng mâu tuk ki xŏn sap 24met tơngi klêng dêi kong pơlê Lâm Đồng kô thế xúa Kơmăi chêh ‘mot tơdroăng tơnăng ká ƀă chêh ‘mot tung kơmăi tơdroăng rôe, chơ, pơtroh mâu ká xi xŏng tung điê̆n tưh.

VOV.Xơ Đăng - A kong pơlê Dak Lak, hnoăng cheăng Đoân dế pêi rơdêi sap tơdroăng mơhnhôk pêi pro nhên, rơtế ƀă kal vâ pêi dêi kong pơlê.

VOV.Xơ Đăng - Kơxo lơ 24/3, Đảng ủi Chin phuh tơbleăng Rôh tơ’noăng chĭnh luâ̆n ‘na rak vế hiâm mơno tơmiât pêi dêi Đảng rôh má péa hơnăm 2026 tung tâi tâng Đảng ƀô̆, tơdrêng amê hlối tơkŭm po Rôh hôp Tối tơbleăng dêi mâu ngế cheăng ƀă Tối ‘na tơdroăng kal sap ing khế 1 troh khế 3.

VOV.Xơ Đăng - A Hà Nội, jâ Bùi Thị Minh Hoài, Ngế cheăng tung khu xiâm Kal kí, Kăn hnê ngăn Tíu xiâm Đảng, Kăn hnê ngăn Vi ƀan xiâm Măt trâ̆n tơnêi têa Việt Nam nếo klêi tơpui tơno ƀă jâ Men Sam An, Phŏ kăn hnê ngăn Đảng Nhân yân Kul, Kăn hnê ngăn Hô̆i đong Tơnêi têa Măt trâ̆n tơrŭm tuăn Mơnhông Tơnêi têa Kul.

VOV.Xơ Đăng - Tung rôh pôu păng ‘nâng kong têa Rusi, hâi lơ 23/3, pôa Phạm Minh Chính, Ngế pro xiâm hnê ngăn Chin phuh hiăng tơpui tơno ƀă pôa Mikhail Mishustin, Ngế pro xiâm hnê ngăn kong têa Rusi a Tíu pêi cheăng Ngế pro xiâm hnê ngăn kong têa.

VOV.Xơ Đăng - Pơla rơnó tơnăng ká la hrĭng toăng tuk tơnăng ká ngừ dêi kuăn pơlê Dak Lak xuân ối a kơno xua yă têa châu to kơnâ, pro kơxô̆ liăn ‘no rôe têa châu hên luâ kơ ivá ai.

VOV.Xơ Đăng - Kơxê hâi lơ 23/3/2026, a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơdah jâ Men Sam An, Phŏ kăn xiâm pơkuâ hnê ngăn Đảng Nhân yân Kul (CPP), Kăn xiâm hnê ngăn Hô̆i đong Tơnêi têa Măt trâ̆n Tơrŭm tuăn, Mơnhông tơnêi têa Kul lăm pôu,  pêi cheăng a Việt Nam.