Lâm Đồng – Tơdroăng rơhdruê krúa ngiât lĕm’’ cho tơdroăng pơtâng hnê tối ki xiâm a Hôp tơpui tơno tối tơbleăng mâu troăng mơnhông ôm hyô hneăng hơnăm 2026 – 2030, tơmiât pêi troh hơnăm 2040, xua Vi ƀan kong pơlê Lâm Đồng tơkŭm po hâi lơ 25/8 a Đà Lạt. Mâu kăn teăng mâ mơnhên, klêi tơmot chiâng môi, Lâm Đồng ai tíu mơnhông ôm hyô kân rơdâ, hên hĭn tâ, ƀă ki tơ’lêi hlâu ‘na kế tơmeăm khoăng ƀă ivá tơdjêp kơpong.

Laga, kong pơlê kal pơhlêh nếo tơmiât pêi rơkê pơkuâ tiú troh, lêi tah lôi tơdroăng tơmeăm iâ ki phá tơ-ê, mơdêk tơdjêp pơla mâu troăng prôk, tơdroăng mơdró; mơnhông tơmeăm ôm hyô têa kơxĭ, tơnêi tơníu, rak ngăn ivá ƀă cheăng kâ kơmăng.

Vi ƀan kong pơlê Lâm Đồng mơnhên, ôm hyô thế châ mơnhông tung tíu môi tuăn sap apoăng troh tá tui lui, mơjiâng ki kơnâ tâk hên, tơtro pơla mơnhông cheăng kâ ƀă rak vế loăng pơlái kong kế, kong prâi, khôi túa lĕm tro ƀă mơdêk tơdroăng rêh ối pơlê pơla.

Lâm Đồng mơnhên troăng mơnhông ôm hyô krúa lĕm kong prâi, krá tơniăn, dâi lĕm, mơnhông ki ai hlâu “Kơpong kân rơdâ – Têa kơxĭ – Tơnêi tơníu’’.