Tơpui mơgêi a rôh pêi cheăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, mâu ngế ki rơkê plĕng cho mâu ngế ki pêi cheăng tung la ngiâ athế rơkê khât dêi tơnêi têa. Tơdroăng ki hnê, tơ’mot ƀă xúa mâu ngế ki rơkê athế pơkâ tung tâi tâng la ngiâ mơnhông tơnêi têa, xo ki pơxúa dêi tơnêi têa, hdrông mơngế ƀă pơkâ thế pêi pro mâu hnoăng cheăng tung la ngiâ pro troăng pơkâ kân má môi.

Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế hlo nhên, mơnhên tối mâu ngế ki rơkê ki hên cho ngăn tung tơdroăng ki rơkê, ivá pêi cheăng kơhnâ khât, túa tơmiât pêi rơkê, kế tơmeăm pêi lo nhên, ki tơƀrê dêi tơdroăng cheăng ƀă ki kơnía dêi hnoăng cheăng ki pleăng; ôh tá bô bối tơdroăng ki rơkê plĕng ƀă ngế ki ai ƀăng kâ̆p ki kân, hnoăng cheăng lơ hơnăm pêi cheăng; pơhlêh nếo troăng hơlâ tŏng gum, pro chiâng tơdroăng ki pleăng ƀă po rơdâ tơdroăng ki mơnhông.

Chin phuh, mâu khu xiâm, kơvâ cheăng, kong pơlê athế mơnhên nhên mâu ƀai toăn ki kân kal mâu ngế ki rơkê plĕng tŏng gum, tro ƀă pơkâ pêi, kế tơmeăm, hâi khế ƀă tơdroăng pơkâ mơnhên tối.