Vâ chê 30 ngế thái pơkeăng, ƀok thái pơkeăng dêi Hngêi pơkeăng kân Thủ Đức, Pơlê kong kân Hồ Chí Minh, hiăng khăm ngăn tâi tâng, hnê tối 'na ivá ƀă xing xoăng pơkeăng pơlât tê kơtê ăm vâ chê 500 ngế kuăn pơlê. Rôh kố, Hngêi kơmăi on tơhrik Vĩnh Tân 4 mơhnhôk diâp 1 tâ̆n phái, rêm kơxuô 5kg, ăm kuăn pơlê troh khăm; tơrŭm mâu ngế ai tuăn hơ-ui diâp 50 hnoăng liăn hriâm rơkê ƀă tơmeăm ăm hok tro ai tơdroăng rêh ối pá puât.

Hngêi kơmăi xuân diâp kơxô̆ liăn tŏng kum rêh ối pơlê pơla lối 500 rơtuh liăn ăm Vi ƀan hnê ngăn cheăm Vĩnh Hảo, mê cho kơxô̆ liăn rôe tơmeăm khăm pơlât ƀă mơjiâng nếo, 'mâi rơnêu 6 toăng hngêi tuăn pâ ăm rơpŏng kơtiê, rơpŏng ai hnoăng tơnêi têa pá puât 'na hngêi ối.