Kô cho troăng hơlâ vâ lêi tah mâu tíu kreăng tung tơdroăng tí tăng xiâm kối, tơdrêng amê hlối pơhlêh sap ing pơkuâ ngăn ƀă mơ-éa chiâng pơkuâ ngăn tung kơmăi tĭnh. Dak Lak nôkố ai lối 410 mah kơxô̆ kơpong pêt sầu riêng, ƀăng tơnêi pêt dâng 11.000 ha ƀă 73 tíu tâ tung kơthung châ hbru ăm mah kơxô̆.

Tung pơla mê, tâi tâng ƀăng tơnêi pêt sầu riêng tung lâp kong pơlê dâng 44.000 ha, hơnăm 2026 tiô tối hdrối plâi gá châ dâng 500.000 tâ̆n. Ki xiâm dêi tơdroăng pêi thâ kố ôh tá xê to chêh pro klêi mơ-éa, tí tăng xiâm kối, mê ối pơhlêh túa pêt, pơkuâ ngăn ƀă tơdjêp kơchơ tê mơdró. Tơdroăng ki mơjiâng pro tíu chêh ‘măn tơdroăng kal tung kơmăi tĭng kô veăng gum pro tơdrăng tung pơla pêt, pêi châ tơdroăng púi rơhêng vâ tê ngi kong têa ê, mơdêk ivá tơxup ƀă mơnhông kơvâ sầu riêng.