Pŭn ngế châ pôk mê cho Lê Văn Đông, Đào Thịnh Cường, Trần Thế Kính ƀă Nguyễn Đức Bằng. Kố cho hnoăng cheăng pêi ‘na luât kân má môi tung tơdroăng cheăng ‘na râ Séa ngăn dêi Ngế cheăng Séa ngăn ‘na luât. Tơbleăng a rôh leh, pôa Tô Lâm, Kăn xiâm hnê ngăn Đảng, Kăn xiâm hnê ngăn tơnêi têa rơkâu mâu kăn ki châ pôk, hlối tối nhên kố cho hâk tơngăm kân ‘nâng ƀă xuân cho hnoăng cheăng ki hngăm dêi Đảng, Tơnêi têa, Kuăn pơlê, Luât pơkâ ƀă luât pêi pro.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế mâu Kăn séa ngăn a râk luât mơdêk hnoăng cheăng pêi dêi kăn tơleăng, Séa ngăn tơdroăng pêi pro ‘na luât; xo tơdroăng ki xiâm, tro luât, tơdâng tơ’mô ƀă pơkâ dêi luât cho pro loăng rêk vê hdró. Pakĭng mê, thế khŏm mơ-eăm mơdât tơpôu xôi, tơdroăng xôi, lôi tơdroăng xôi; ôh tá pơxâu phâk, cheăng kâ, liăn ngân ƀă ôh tá pro pơxúa khu, ôh tá tơmâng hmâng vâ, mâu tơdroăng tá tro luât chiâng pro pá tơdroăng cheăng pêi ki kal.