Pôa Lê Minh Hưng, Ngế pro xiâm hnê ngăn tơnêi têa tối nhên, Việt Nam ngăn nhuô̆m tơrŭm tơroâ khôi hmâ ƀă Kong têa ki tơrŭm cheăng tŭm têk kơvâ cheăng ƀă Chile. Ngế pro xiâm hnê ngăn tơnêi têa pơkâ thế péa pâ pơtối pơtroh khu râ kăn troh a tơnêi têa dêi rơpó, tơbleăng pêi tơƀrê mâu troăng hơlâ tơrŭm cheăng, pro tơ’lêi hlâu vâ kế tơmeăm ki ai ivá rơdêi châ tê tung kơchơ tê mơdró dêi rơpó; thăm mơnhông tơrŭm cheăng ‘na liăn ngân - hngêi rak liăn, khoa hok – kŏng ngê̆, cheăng lêng – gâk kring.

Tơdrêng amê, hlối mơdêk tơdjêp pơto chơ, tŏng gum ƀă tê mơdró, mơdêk hnoăng cheăng tơdjêp Đông Nam Á ƀă Mih Latinh. Pôa Francisco Pérez Mackenna, ngế xiâm tơpui kâ tối rơdêi Chile ngăn Việt Nam cho ngế tơrŭm cheăng ki kal xiâm a Đông Nam Á, rơhêng vâ thăm mơnhông tơrŭm cheăng ‘na tê mơdró, ‘no liăn cheăng, pêi chiâk deăng, chiâ xo kế tơmeăm tung kơdâm tơnêi, pơhlêh xúa on tơhrik ƀă khoa hok – kong ngê̆.