A rôh leh, pôa Lê Minh Hưng, Ngế pro xiâm hnê ngăn tơnêi têa hiăng diâp tơmeăm kơnía dêi Đảng ƀă Tơnêi, tơmâng xo mâu ivá veăng gum dêi Khu tơrŭm ƀă mâu khu mơdró kâ kŭn ƀă krâ kơvâ tung tơdroăng cheăng mơjiâng, mơnhông tơnêi têa. Pôa Lê Minh Hưng, Ngế pro xiâm hnê ngăn tơnêi têa pơkâ thế mâu khu mơdró kâ kŭn ƀă krâ kơvâ kal păn roăng tơdroăng púi rơhêng vâ ki kân, rế hía rế chiâng khu mơdró kâ ki kân, mơ-eăm lo troh kơpong ƀă kong têa ê.

Ngế pro xiâm hnê ngăn tơnêi têa tối nhên, hnoăng cheăng ki kal dêi kơpong cheăng krê, tung mê khu mơdró kŭn ƀă krâ kơvâ cho khu ngế ki veăng gum pêi pro mâu ppkâ pêi thăm mơnhông tâk péa kơxô̆ ƀă mâu tơdroăng cheăng tung la ngiâ mơnhông tơnêi têa troh hơnăm 2030, troăng ngăn troh hơnăm 2045. Ngế pro xiâm hnê ngăn tơnêi têa pơkâ thế poê kơdroh, pro tơ’lêi hlâu mâu hlá mơ-éa chêh pro, pro tơ’lêi hlâu ăm tơdroăng tê mơdró ƀă kơxô̆ liăn pêi pro; chêh pro klêi mâu kơxop hlá mơéa Luât Mơjiâng khu mơdró kâ kŭn ƀă krâ kơvâ.

Hngêi rak liăn Tơnêi têa kal hnê mơhno mâu khu ki ăm mung liăn pêi pro pơhlêh kế tơmeăm, ư̆ng yŭng kong ngê̆, pro kơdroh hâi khế chêh pro hồ sơ vâ khu mơdró kâ tơ’lêi châ mung liăn.