VOV.Xơ Đăng - A  tíu xiâm Hngêi hôp kân kong pơlê Gia Lai, bêng Quy Nhơn, Khu xiâm mơjiâng tơrŭm ƀă Vi ƀan Kuăn pơlê kong pơlê Gia Lai tơkŭm po Hôp tơpui tơno ‘na “Tơmeăm khoăng mơjiâng pro tơrŭm ƀă – Mơ-eăm mơhnhôk tơ’mot khu ‘no liăn pêi cheăng, mơnhông ôm hyô Tơdế Tơnêi têa - Tây Nguyên”.

VOV.Xơ Đăng - Kơxo hâi lơ 19/8, a Tíu pêi cheăng Chin phuh, pôa Lê Tiến Châu Phŏ Ngế pro xiâm hnê ngăn tơnêi têa pơkuâ hôp ‘na tơdroăng tơbleăng pêi pro séa ngăn tâi tâng mâu hlá mơ-eá chêh tro tiô luât ôh tá xê to a kơxô̆ mê thế vê ngăn ƀă troăng hơlâ pêi pro ki nhên, tah ki xơpá khât a mâu tíu tơvâ tơvân dêi luât.

VOV.Xơ Đăng - Kơxê lơ 18/08, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ Rôh hôp tơdroăng cheăng mơjiâng luât khế 8 hơnăm 2026 tơpui tung 11 tơdroăng tơkêa bro luât ƀă 1 tơdroăng tơbleăng xiâm a rôh hôp tơbleăng Kuô̆k hô̆i a Hneăng hôp má Péa.

VOV.Xơ Đăng - Leh tơbâ 81 hơnăm Kăch măng khế Tơheăm ƀă hâi mơjiâng Tơnêi têa lơ 2/9, mê a kơxê lơ 18/8, a Trung đoân ƀô̆ binh kơ yơ̆i 102, cheăm Phú Cát, Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, kăn hnê ngăn Khu xiâm Đảng lêng ƀă khu kăn pêi cheăng dêi Tíu xiâm hiăng troh pôu pêi cheăng ƀă Sư đoân ƀô̆ binh kơ yơ̆i 308, Kuân đoân 12, ối tung Khu xiâm pơkuâ ngăn lêng Tơnêi têa.

VOV.Xơ Đăng - Kong pơlê Dak Lak nếo po leh khĕn kơdeăn, diâp pri hok tro, thái cô ki kơhnâ rơkê tung mâu hneăng tơ’noăng râ tơnêi têa, kong têa ê hơnăm hriâm 2025 – 2026.

VOV.Xơ Đăng - Kơxo lơ 18/8, a Tíu pêi cheăng teăng mâ Sinuâ a Việt Nam, pôa Lê Minh Hưng, Ngế pro xiâm hnê ngăn Chin phuh pơkuâ djâ khu râ kăn Đảng, Tơnêi têa, Măt trâ̆n Tơnêi têa Việt Nam troh pôu ngăn ƀă chêh ‘măn tung sôh pôa Chu Dung Cơ, Ngế cheăng tung Tíu xiâm Đảng Kŏng san, Ngế pro xiâm hnê ngăn tơnêi têa Kŏng hòa Nhân yân Trung Hoa hneăng hdrối nếo hlâ.

VOV.Xơ Đăng - Kơxo lơ 18/8, a Hà Nội, Khu xiâm kal kí, Khu pơkuâ tơdroăng cheăng Đảng tơkŭm po Hôp tơno tơdroăng kal trâm mâ mâu kăn cheăng tung Khu xiâm kal kí, Kăn cheăng tung Khu pơkuâ hnê ngăn cheăng Đảng mâu rơxông ƀă Kăn cheăng tung Tíu xiâm Đảng hneăng má XIII ôh tá châ vêh pro kăn hneăng má XIV, klăng leh tơbâ 81 hơnăm Kăch măng Khế Tơheăm ƀă Hâi mơjiâng tơnêi têa 2/9.

VOV.Xơ Đăng - Hâi lơ 19/8/2006, Tơdroăng tơpui nâl M’Nông hiăng pơxiâm mơ’no tung hyôh dêi Rơ’jíu Việt Nam a kơpong Tây Nguyên. 20 hơnăm hiăng luâ, tơdroăng tơpui kố ôh tá xê to pơtroh to mâu tơdroăng nếo ai, hnê mơhno ‘na troăng hơlâ, troăng tơveăng gum dêi Đảng, luât xiâm dêi Tơnêi têa; mê ối mơnhên, mơhno hiâm tuăn, mơno rơhêng púi vâ dêi kuăn pơlê M’Nông tung lâp lu pơlê pơla, mê ối veăng gum rak vế ƀă mơhno tơbleăng nâl tơpui xiâm tơná ăm pơlê pơla.

VOV.Xơ Đăng - Pơtối rôh hôp má 5, hâi lơ 17/8, Vi ƀan hnê ngăn Kuô̆k hô̆i ăm rơkong tơpui ‘na troăng hơlâ tơpui leăng, tơmâng xo, ‘mâi rơnêu kơxop hlá mơ-éa Luât ‘mâi pơhlêh, ‘mot tơ’nôm mâu tơdroăng dêi Luât Hngêi rak liăn Tơnêi têa Việt Nam, Luât Hbrâ, mơdât lu lêa xo liăn ƀă Luât Mâu khu tơrŭm ăm mung xo liăn laih hên.

VOV.Xơ Đăng - Drêng troh tơbâ 81 hơnăm Hâi mơjiâng Khu lêng kong an kuăn pơlê ƀă 21 hơnăm Hâi leh tâi tâng kuăn pơlê kring vế Tơnêi têa, kơxê hâi lơ 17/8, a Bắc Ninh, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa rơtế ƀă mâu kăn Tíu xiâm troh lăm pôu pêi cheăng a Hok viê̆n Kih thuâ̆t ƀă Kong ngê̆ Kring tơniăn.