VOV.Xơ Đăng - A kơpong tơnêi prê, kĭng têa kơxĭ Cam Lâm, kong pơlê Khánh Hòa, Kơpong tơbâ khu lêng Gạc Ma hâi kố krip lĕm khât. Tíu kố cho hdró mâu tơdroăng ki hiăng ai roh ton nah ‘na mâu ngế lêng gâk ngăn, kring vế têa kơxĭ, vâi cho khu ki khên tơnôu tung rôh tơplâ xâ rak vế hnoăng pơkuâ Tơnêi têa a chuăn Trường Sa kơtăn kố hiăng ai 38 hơnăm hdrối nah.

VOV.Xơ Đăng - Pơlê Canh Tiến, cheăm Canh Vinh cho tíu ki ai kơdrâm kơdrĕng kuăn pơlê hdroâng kuăn ngo Bơhnéa rêh ối, hiăng cho môi tung mâu kơpong ki xơpá má môi dêi Vân Canh, kong pơlê Bình Định hdrối nah, nôkố cho kong pơlê Gia Lai. Tíu mê, hdrối nah cho hngế hngó, pá puât, troăng prôk kơ’vĕng kơ’vŏng, on tơhrik, troăng prôk ôh ti ai, hyôh phôn xuân ôh tá troh. Laga hâi kố, troăng nếo mot troh a pơlê, hngêi trung hriâm ai on tơhrik bâ eăng, ai kế pêi rơngiâp lĕm, vâi hdrêng troh a lâm hơniâp ro, sôk suâ tâ. Tơdroăng tơmâng ngăn, ‘no liăn pro dêi Tơnêi têa hiăng cho ivá ăm mâu thái cô chân tuăn vâ pơtối pêi cheăng hnê tơdroăng ki rơkê plĕng a kơpong kố.

VOV.Xơ Đăng - Kơxo lơ 19/3, Khu xiâm ngăn hnê hriâm ƀă hnê mơjiâng tuăn ngôa rơkê tơrŭm ƀă mâu Khu xiâm kơvâ cheăng tơdjâk troh 17 kong pơlê, pơlê kong kân tơkŭm po Leh pơxiâm pro mâu hngêi trung phôh thông ai tíu kâ koi ối pơtê pơtối râ Má môi ƀă Má péa a mâu cheăm tơkăng kong tơnêi hơnăm 2026.

VOV.Xơ Đăng - Tung rôh lăm pêi cheăng a kong pơlê Dak Lak, kơxo hâi lơ 19/3, pôa Hồ Quốc Dũng, Ngế cheăng tung Tíu xiâm Đảng, Phŏ ngế pro xiâm hnê ngăn tơnêi têa hiăng pêi cheăng ƀă cheăm Ra Bung.

VOV.Xơ Đăng - Rơtế ƀă 17 kong pơlê, pơlê kong kơdrâm tung lâp tơnêi têa, hâi lơ 19/3, mâu cheăm tơkăng kong tơnêi a mâu kong pơlê Dak Lak, Lâm Đồng, Quảng Ngãi hiăng po leh pơxiâm mơjiâng pro, po tơnêi tâi tâng a hngêi trung phôh thong ai tíu kâ koi ối pơtê tơdjêp râ.

VOV.Xơ Đăng - Kơxê lơ 18/3, Hô̆i đong Tâ phĭu kong pơlê Gia Lai tơbleăng tơdroăng châ tơƀrê tâ phĭu pôk rah xo kăn Kuô̆k hô̆i ƀă Hô̆i đong hnê ngăn kuăn pơlê rêm râ hneăng hơnăm 2026 – 2031.

VOV.Xơ Đăng - Kơxê lơ 18/3, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng pơkuâ roh hôp chuyên đê ‘na kŏng ngê̆ cheăng ton xŏn dêi Khu hnê mơhno Tơnêi têa ‘na mơnhông mơdêk khoa hok, kŏng ngê̆ cheăng ton xŏn dêi Khu hnê mơhno Tơnêi têa ‘na mơnhông mơdêk khoa hok, kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆.

VOV.Xơ Đăng - A Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp Khu pơkuâ Chin phuh vâ séa ngăn tơdroăng, pơtối pơkâ, hnan thế pêi pro troăng rơxế lơ treng xŏn tơdrăng sap ing peăng Kơnhŏng – peăng Hdroh ƀă mâu tơdroăng tơkêa bro troăng rơxế lơ treng ki kal a mâu kong pơlê.

VOV.Xơ Đăng - Hâi lơ 18/3, Khu pơkuâ hnê ngăn cheăng Đảng kong pơlê Dak Lak hôp tơpui tơno ƀă mâu Đảng ủi ối tung kong pơlê, mơnhên tối klêi kơ’nâi pêi pro tơdroăng cheăng tung hneăng má I ƀă tơbleăng pêi hnoăng cheăng hneăng má II/2026, ƀă tơdroăng pơkâ thế pơhlêh rĕng ngin tơdroăng ki thăm mơnhông, kơdo mơ-eăm pêi mâu tơdroăng pơkâ mơnhông péa kơxô̆.

VOV.Xơ Đăng - Kơxo hâi lơ 18/3, a tíu pêi cheăng dêi Kăn xiâm hnê ngăn, pôa Lương Cường, Kăn xiâm hnê ngăn tơnêi têa tơdah kăn teăng mâ kong têa Kul, kong têa Saudi Arabia ƀă mâu kong têa kro mơdrŏng  Dominica troh pơtroh hlá kơthô xo pêi hnoăng cheăng a Việt Nam.