Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa veăng ƀă xông tơpui a Hôp tơno tơdroăng kal. A hôp tơno tơdroăng kal, pôa Lê Minh Hưng, Ngế pro xiâm hnê ngăn Chin phuh tối tơbleăng tơdroăng cheăng kâ – rêh ối pơlê pơla, tơdroăng mơjiâng Đảng 6 khế apoăng hơnăm ƀă hnoăng cheăng ki xiâm tung la ngiâ. Mâu kăn teăng mâ veăng tơpui hên tơdroăng khŏm mơ-eăm ‘na mơjiâng Đảng, kêi đeăng khu pêi cheăng tơnêi têa, mơnhông mơdêk tơnêi têa ƀă tŏng gum tơdroăng rêh ối kuăn pơlê.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa nhuô̆m, ‘nâi mơnê mâu tơdroăng ki tơveăng dêi kăn pơkuâ Đảng, Tơnêi têa; tơdrêng amê tối rơdêi pơkâ pơtối rak tơdroăng tơrŭm môi tuăn, tơrŭm chiâng môi, mơdêk tơdroăng ki chiâng pơkuâ, mơjiâng khu pêi cheăng tơnêi têa iâ tro mơngế, rơdêi, kô djâ châ tơƀrê tâng xúa, xêt khât, châ tơƀrê hôm.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên, pâ mơnê tơxâng má môi ƀă mâu rơxông prôk hdrối cho hnoăng cheăng ƀă tơdroăng pêi pro dêi rơxông hâi kố, gum pêi pro ƀlêi trâng Tơdroăng pơkâ Hneăng hôp XIV dêi Đảng.