Tung mê, péa tơdroăng tơkêa bro cho dêi troăng kân Phan Văn Đồng, bêng Sông Cầu hiăng ton lối 4 hơnăm pro, Tơdroăng cheăng pêi pro dế dâng 30%. Pái tơdroăng tơkêa bro troăng prôk hngêi trăng a kơpong kuăn pơlê ối a Đồng Bàu Neo, Thôn 3 ƀă Hòa Lợi ối tơvâ tơvân ‘na tơnêi tíu, tơdroăng pêi pro châ 23%, 3% ƀă 15%.

Tiô tơdroăng tơkêa bro mơdêk, po rơdâ troăng kân ĐH.31 xuân hrá pro, tơdroăng mơjiâng pro mâu tơmeăm khoăng troăng prôk châ 45%. Hnê mơhno a rôh pêi cheăng, pôa Đào Mỹ Phŏ kăn hnê ngăn Vi ƀan kuăn pơlê dêi kong pơlê pơkâ thế  mâu cheăm bêng pro kơtăng tung tơdroăng xo tơnêi chêl thiăn liăn tơvêh tơnêi vâ pro; mâu ngế xiâm ‘no liăn cheăng hbrâ tơrŭm, tah ki xơpá tơvâ tơvân, pêi pro tro luât. Mâu khu ‘no liăn cheăng mơhnhŏng ôh tá vâ tơmâng, ôh tá vâ pêi pro tiô tơdroăng tơhrâ kô tro tah lôi mâu tơdroăng tơkêa bro ki ê.