Pôa Lê Minh Hưng Ngế pro xiâm hnê ngăn têa tối nhên rôh lăm pôu veăng mơnhông ki loi nhoăm kal kí, mơdêk tơrŭm pơla mâu kăn péa tơnêi êa ƀă mơdêk tơrŭm cheăng kâ pla péa Kuô̆i hội. Ngế pro xiâm hnê ngăn tối nhên Việt Nam đi đo pêi ahdrối  ăm tơdroăng tơrŭm cheăng ƀă Lếo; hlối tơrŭm krá pơla Chin phuh ƀă mâu kơ koan tơdjâk troh dêi Lếo tơbleăng klêi to brê mâu bro pơ xúa  tơdroăng tơrŭm cheăng ƀă Lếo. Ngế pro xiâm hnê ngăn têa tối Việt Nam đi đo pêi ahdrối tơdroăng tơrŭm cheăng ƀă Lếo; Hlối tơrŭm krá ƀă chin phuh  ƀă  mâu kơkoan tơdjâk troh dêi Lếo tơbleăng pêi tơƀrê mâu tơdroăng tơhrâ hiăng môi tuăn.

Péa pâ vâ môi tuăn pêi tơƀê tung tơrŭm cheăng kâ, tê mơdró mơ’no liăn cheăng; mơdêk tơdjêp mâu troăng prôk, on tơhrik, pơ‘lêh kơxô̆, tăng mơngé pêi cheăng rơkê ƀă mơdêk tơpui tơno ƀă kuăn pơlê. Péa tơnêi têa  kô tơrŭm po tơƀrê mâu tơdroăng pêi pro tung tơdroăng pơxá “Hơnăm Tơrŭm dêi rơpó pơla Việt Nam - Lếo 2027”. Pôa Sonexay Siphandone Kăn xiâm hnê ngăn Kuô̆k hô̆i Lếo tối, Kuô̆k hô̆i  Lếo kô pơtối tơrŭm krá ƀă Kuô̆k hô̆i Việt Nam, veăng mơnhông tơrŭm cheăng kân kĭn, tơrŭm môi tuăn, tơrŭm cheăng tung tŭm tơdroăng hlối rơtế tơrŭm cheăng krá pơla péa tơnêi têa thăm rế xông tơƀrê.