Klêi tơmâng veăng hnê tối dêi mâu kăn, pôa Lê Tiến Châu, Phŏ Ngế pro xiâm hnê ngăn tơnêi têa tối nhên, tơdroăng hiăng pêi pro mơ’nui thế pơxúa tơdrêng tung pêi pro tiô hlá mơ-éa pơkâ luât kơxô̆ 66 dêi Tíu xiâm, Tối mơgêi kơxô̆ 09 dêi Tíu xiâm ƀă Troăng vâ mơjiâng luât hneăng Kuô̆k hô̆i hneăng 16. Phŏ Ngế pro xiâm hnê ngăn tơnêi têa pơkâ thế tơmeăm mơjiâng pro tí tăng séa ngăn thế cho troăng hơlâ pêi pro, ôh ti xê to inâi chêh tung hlá mơ-éa.

Phŏ Ngế pro xiâm hnê ngăn tơnêi têa pơkâ thế ngế ki ối akố mâu khu xiâm, kơvâ cheăng kong pơlê hnê mơhno tơdrêng ƀă thế pôu râng hnoăng cheăng ‘na ki tŭm, nhên, tơbrê tơdroăng klêi séa ngăn. Mâu tơdroăng ki hiăng nhên, ai tŭm ki xiâm thế hbrâ pêi pro lơ pâ thế tah tơdrêng, pêi ahdrối cho mâu tơdroăng ki kal tung hơnăm 2026 ƀă 2027.