VOV.Xơ Đăng - A Hà Nội, nếo mơhno mâ Khu kăn teăng mâ Kuô̆k hô̆i pêi cheăng môi tơdroăng cheăng a pơlê kong kân hneăng má XVI.

VOV.Xơ Đăng - Khu ngăn Hdrông kuăn ngo, ối tung Hô̆i đong hnê ngăn kong pơlê Dak Lak nếo lăm ngăn khât a mâu túa ki pro ôm hyô pơlê pơla a kong pơlê vâ mơnhên tối klêi kơ’nâi pêi pro Pơkâ dêi Hô̆i đong hnê ngăn kong pơlê ‘na tŏng gum mơjiâng pro ôm hyô pơlê pơla tro tơdroăng ƀă rak vế, mơnhông túa lĕm tro hdrông kuăn ngo, tơdrêng amê, hlối pro tíu ki vâ hriăn ngăn, pâ thế troăng hơlâ tŏng gum ăm tơtro tung hneăng nếo.

VOV.Xơ Đăng - Ối lối pa môi măng tĭng nếo, tơdroăng tơkêa bro Hngêi trung Phôh thong hdrông kuăn ngo ai tíu kâ koi, ối pơtê péa râ, Râ má môi ƀă Râ má péa a 7 to cheăm tơkăng kong dêi kong pơlê Gia Lai athế châ pro klêi vâ mot hơnăm mơhriâm nếo 2026-2027. Tơdroăng cheăng ối hên, kăn pơkuâ kong pơlê Gia Lai pơtối hnê mơhno mâu khu ki xo pro hngêi trung thăm mơdêk troăng hơlâ mơ-eăm pro, tăng tơ’nôm mâu ngế cheăng vâ pro, athế khŏm pro klêi tro hâi khế pơkâ vâ ăm hok tro kơpong tơkăng kong ai hngêi trung nếo, lâm hriâm nếo tung hâi lăm troh tơkŭm a hngêi trung.

VOV.Xơ Đăng - Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, hơ ‘lêh nếo troăng pơkuâ hnê mơhno, ôh tá pro pơ ‘lêh ki xiâm dêi tơdroăng cheăng, luât pơkâ hnê mơhno dêi Đảng, mê vâ pro tơdroăng pơkuâ ngăn tro, ‘ló, tro tiô khoa hok, tro kăn kuăn pơlê, trâu rơdâ tâ ƀă pêi hlối tơbrê tâ.

VOV.Xơ Đăng - Hâi lơ 19/8, khu cheăng kong pơlê Khánh Hòa châ hlo 5 tíu ai kơxêng rơtế hên tơmeăm ki ê tung tơdroăng ti tăng kơxêng kiâ mô đô̆i a kơpong Hngêi kroăng phâk Thành Diên Khánh.

VOV.Xơ Đăng - Kơxê lơ 19/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng ai rôh pêi cheăng ƀă Khu xiâm Pơkuâ Khôi túa lĕm tro, Tơ’noăng ivá ƀă Ôm hyô ‘na tơdroăng pêi cheăng rak vế tíu chôu ‘măn tơmeăm khoăng rôh nah.

VOV.Xơ Đăng - Hâi lơ 20/8, pơtối Hneăng hôp ôh tá xê tiah hmâ rôh má môi, Kuô̆k hô̆i hneăng XVI tơpui a hngêi hôp kân ‘na tơdroăng ki tơkŭm 4 tơdroăng pơkâ pêi dêi tơnêi têa pơla hơnăm 2026 – 2035.

VOV.Xơ Đăng - Kơxê lơ 19/8, Khu tơrŭm hnê mơhno cheăng Sầu riêng kong pơlê Dak Lak tơkŭm po tơdroăng trâm mâ, tơdjêp tơrŭm cheăng sầu riêng Việt Nam ƀă Sinuâ ƀă tơdroăng ki veăng ai mâ dêi lối 60 khu mơdró kâ tơrŭm cheăng.

VOV.Xơ Đăng - Hâi lơ 19/8, Vi ƀan hnê ngăn kong pơlê Gia Lai tơkŭm po rôh pơxiâm pro tơdroăng Tơkêa ki má 2 ối tung tơdroăng Tơkêa pro troăng kân xŏn tơdrăng ăm rơxế kơtâu têi Quy Nhơn – Pleiku.

VOV.Xơ Đăng - Ăm rơkong tơpui a tôh a kơxo má hâi lơ 19/8 ‘na troăng tơmiât mơjiâng tơdroăng tơkêa bro Luât Hngêi rak liăn tơnêi têa (tơkŭm môi), pôa Trần Thanh Mẫn, Kăn xiâm hnê ngăn Kuô̆k hô̆i tối nhên, kơxop hlá mơ-éa luât kố athế ai mâu tơdroăng ki pơhlêh tơƀrê vâ tơnêi têa mơnhông, malối cho péa to Pơlê kong kân Hồ Chí Minh ƀă Hà Nội.