Mơnhên apoăng ăm hlo ai dâng 10 – 15 mô đô̆i hlâ tung tơplâ xâ nah, châ ‘mé akố tung mâu rơxông tơplâ xâ. Lối 20 ngế kăn ƀô̆, mô đô̆i ƀă kuăn pơlê ối tung Khu xiâm pơkuâ Mô đô̆i kong pơlê hiăng kơchăng rôu xo rêm râ tơnêi hmốu, gô̆m ƀă chêh kơxô̆ riân mâu tơmeăm môi tiah tơlŏng ‘mrâm pháu, tơdrong pơkeăng pik châ a prế khêi.

Hdrối mê, ngăn tiô hô sơ, mơngế ki châ hlo tơdroăng rôh nah ƀă rơkong hơ’muăn dêi kăn ƀô̆ kŏng an hneăng hdrối nah a pơlê nah châ hlo 2 kơxêng kiâ môi đô̆i klêi kơ’nâi hơnăm 1975, kơ koan cheăng hiăng hdró kơpong ki vâ ti tăng chiâ rôu. Nôkố tơdroăng tơkŭm pơtối châ po rơdâ troh kơpong Cổng Hậu, tơdroăng tơkêa bro rơnêu Thành cổ, Hngêi kroăng pơtân Kŏng an tơring ton nah rơtế kơpong tơnêi mâu rơpŏng kuăn pơlê ki achê mê vâ ví lôi ôh tá châ hlo.