Kơxo hâi lơ 20/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pêi cheăng ƀă Khu tơkŭm pro tơdroăng cheăng Xiâm ‘na tơdroăng Tơkêa bro mơgêi 5 hơnăm pêi tiô hlá mơ-éa Pơkâ kơ xô̆ 28 dêi khu xiâm Đảng hneăng 13 ‘na pơtối hơ’lêh nếo troăng hơlâ pơkuâ hnê, pơkuâ ngăn dêi Đảng ƀă khu cheăng kal kí tung mâu hơnăm la ngiâ. Klêi tơmâng tối tơbleăng mâu tơdroăng veăng hnê tối, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế Khu tơkŭm pro tơdroăng cheăng xiâm môi tuăn hlê nhên ‘na hnoăng cheăng pêi, tơdroăng pơkâ  dêi tơdroăng Tơkêa bro.

Kố cho tơdroăng cheăng kal kí ‘na mơjiâng Đảng ƀă khu cheăng kal kí; pơkâ ôh tá pê klêi hlá mơ-éa tơbleăng lơ pơkâ tơ’nôm hlá mơ-éa chêh mâu tơdroăng, mê thế ‘nâi tro mâu tơdroăng ki pro pá ki xêt dêi mâu kăn pơkuâ, ing mê, pâ thế pơkâ troăng hơlâ ki tơtro vâ pơ‘lêh tung mâu hơnăm la ngiâ. Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, hơ ‘lêh nếo troăng pơkuâ hnê mơhno, ôh tá pro pơ ‘lêh ki xiâm dêi tơdroăng cheăng, luât pơkâ hnê mơhno dêi Đảng, mê vâ pro tơdroăng pơkuâ ngăn tro, ‘ló, tro tiô khoa hok, tro kăn kuăn pơlê, trâu rơdâ tâ ƀă pêi hlối tơbrê tâ.

Pakĭng mê, kal môi tuăn, hlê plĕng ƀă pêi pro ‘na hnoăng pơkuâ hnê mơhno; hnê pêi tiô luât “Đảng pơkuâ hnê, Tơnêi têa rak ngăn, Kuăn pơlê pro xiâm”.