Kố cho troăng ki xŏn má môi, ai tơnêi tơníu ƀă kih thuât pro pá puât má môi, rak hnoăng tơdjêp péa to tíu. Tơdroăng tơkêa má 2, troăng kân xŏn tơdrăng Quy Nhơn – Pleiku xŏn 68 km, sap ing bêng An Nhơn troh a cheăm Đak Đoa. Troăng ki kố châ pro ăm 4 toăng rơxế kơtâu, tâi tâng kơlo liăn ‘no pro lối 27.500 rơtal. Pôa Nguyễn Tự Công Hoàng, Phŏ kăn hnê ngăn Vi ƀan kong pơlê Gia Lai ăm ‘nâi, tơnêi tơníu pá puât, rơtế ƀă kong mê kân đi đo a Tây Nguyên, chiâng pơkâ thế kơtăng khât ƀă hnoăng cheăng ki pro, ki krá kâk ƀă tơniăn dêi troăng prôk.

Phŏ kăn hnê ngăn Vi ƀan kong pơlê Gia Lai pơkâ thế ngế ki ‘no liăn pro, mâu khu ki xo pro mâu ngế cheăng, kơmăi kơmok, hmốu, prêi xơmong; tơkŭm pro rơkê, hlối tơrŭm krá tơniăn ƀă mâu cheăm vâ mơdêk xo tơnêi, teăm lêi tah xơpá, rak tơniăn tơdroăng ki pro.